Şənbə üçün nəzm
02.05.2026 [08:31]
Son qapıda tanınmayanlar
Atamı anası tanımadı...
məni isə
oğlum bəlkə tanımaya
həyatımın ən son qapısında.
Cib bıçağımı bəzəyən adını göstərsəm ona -
nə bilim...
bəlkə hansısa Hollivud ssenarisinin təsiri ilə
ürəyi səksər,
bir an titrəyər.
Bu da bəsimdi, vallah.
Qızdırmaölçən
qoltuqdan necə sürüşdüsə,
ürək də eləcə
sındı, parçalandı
daş döşəmələr üstündə.
İndi üzümü gizlətmək vaxtıdır
bahalı qəzetlərin arxasında.
Oturursan xaricdə,
bahalı otellərin foyesində.
Üzünü yox, özünü gizlədirsən
bu kağızlara.
Daha çox inanırsan onlara
nəinki yaxınlarına,
dostlarına.
Qara eynəyini azca sürüşdür aşağı -
bəlkə kimsə köhnələrdən
tanıdı səni...
Çantamı sənə tapşırıb getdim
gedərgəlməzlərə.
Ən düzgün hərəkəti
bütün səhvləri edən kəs edəcək -
yəni mən.
İncimə.
***
“Amerikano” barlarında
axtardığını tapmaq çətindir,
əgər axtardığın
insandırsa.
Bu yerlər
itmək istəyindən yaranıb.
Bəlkə bir gün
uzun masanın o başından
bir qədəh sürüşəcək sən tərəfdən -
kreyser sürəti ilə
mənə doğru.
Və mən...
qaranlığın bağrından çıxan əlimlə
onu tutacam.
Sənin mesajını
boğazımda əridəcəm.
***
Ağlamağa gəlincə -
birinci həmişə insan ağlayır,
sonra yağışlar, bulaqlar...
birinci həmişə insan ağlayır,
sonra bütün qalanlar.
Sonra -
bütün yağışlar
ildırım xətkeşi ilə
göylərin ölçüsünü çəkər.
***
Yediyimiz çörəklər dadsızdır...
onlara dad verən
zindana göndərilən çörəklərin içindəki
gizli məktublardır.
Orda, şikəstə xəttiylə
mənim hikmətlərim yazılar.
Göy üzü də yer üzüdür -
sadəcə torpaqsız.
***
Bu dünyada nə varsa
həm var, həm də yox.
Bütün sevgilər bitər,
amma sonunda
nöqtə olmaz.
***
Uşaqlar ağlasın -
onların gözündə su var,
hələ göz yaşı yox.
Ölüm bizim sözləri tələffüz etsə,
bir səs düşər içindən.
İnsan da belə ölər -
amma
göyə buraxılan çərpələng
ipini qırmasa,
azad ola bilməz.
***
Cəlaləddin...
külək tərpədəcək
qəmin tərəzisini.
Hər nə var idi -
sənə yar idi.
Qapı da divar idi
Şəmsin nuru gəlməyincə.
Mən sevgilimi yox,
sevgini sevirəm.
***
Siz gedirsiniz -
mən yol gedirəm.
Pəncərələri eynək kimi taxmış evlərdə
dünyanın kor olduğunu görürəm...
Mən...
Mən...
Mən...
***
Bu yaz...
heç kimi sevmədim.
Heç kimi.
Nə özümü,
nə gecələrimi,
nə də güzgüdə gördüklərimi.
Ancelikanı belə
Triyestin çirkab sularına atdım.
Xəyanətləri gördüm,
güllələnən anları,
və bir az
gülümsədim.
Üzərində “Axtarışdadır” yazılan
öz şəkillərimə
nəhayət bənzədim.
Kimsəni sevmədim.
Dünya silkələndi,
amma axırda hər şey
bir cümləyə sığdı:
bu yaz
mən heç kimi sevmədim.
İndi dayanmalıyam,
dərin düşünməliyəm.
Dalğaların dilində,
kölgələrin birləşməsində
hekayəmi danışmalıyam.
Həyat mənə
öz qara əlcəyini atdı.
Triyestin küçələrində
pişiklərin gözləri
şeytan kimi parıldadı.
Boz tüstü
göyə qalxa bilmədi.
Yollar azdı,
maşınlar məni tapdı.
Gözlərim son dəfə yazdı:
“bu yaz mən heç kimi sevmədim...”
və sonra -
gülləbaran başladı.
***
Ekvator xətti, Çin səddi, son həddi,
bir son hüdudu da var.
Ancaq bu hüdudu pozan
Mən kimi bir ala buludu da var!!!
Uçar,
sənə tərəf həmişə, uçar, uçar...
Ucalar.
Televizor pultunun proqramını,
Bu uşaq həmışə qatıb - qarışdırar.
Bu Təbrizdə ağcaqanadlara qarşı bir dərman var
Adı “ Taro mar!” -
Qorxur ondan amerikanlılar!
Təyyarələrdə son həqiqəti deyəcək
Bir qara qutu var...
Bilirəm, irəlidə Donald Trampın sevdiyi
Cümə günü, ayın 13-ü var,
ABŞ təyyarələrinin Təbriz üzərinə hələ kütləvi hücumu var,
Bunun ermənisi var, kürdü var...
Tehran beş gündü yanır,
Üfüqlərin qapqara tüstüsu var,
Qonşu Qulamhüseyn kişinin gözləri qızarıb...
ölüsü var...
Hə... divarlar aşılmazdı Təbrizdə guya....
Ancaq bu divarlara dırmanan Dərbəndi üzümü də var!!!
Oturmuşuq Təbrizin “ Şairlər qəhvəsi”ndə çaysız,
qara qazanlarda baxırıq qalaysız....
Qəlyansız.
Şair əvəzi bir baqqal danışır:
- Bunun hələ Səudisi var...
Bu kafenin hələ qara bir küncü var...
Ordan, növbəti qafiyə səslənir:
- Hələ bu işin YƏHUDİSİ var...
Neynək...
Nuşirəvanın hələ bayquşu da var...
O biri küncdə satdıq 100 min dollarlıq uyuşdurucu tozu var!
Hələ bir az da ucuzu var!
Ancaq bütün bu iyrənc mənzərələrdən bir gözələ tərəf gedən
Həyat izi var...
Bu zülmətin öz musiqisi,
uzaq it zingiltisi var...
Burda peşmançılıq hissi var,
bir nəfərin soyumaz hirsi var,
Nə yaxşi ki, bir bədbəxt Həmidin dizi var -
Ovcunu çırpmağa...
İlhamiyyə, mənə bir yuxu ver,
iyləməyə bir qoxu ver,
Mən Puşkinin seçdiyi bu dəfəki duel,
Qalibindi...
Əsl şairindi.
Həyat bizim televizion duetinindi...
Sənin ancaq bir telesüjetindi!
Həmid Herisçi
Xəbər lenti
Hamısına bax
Analitik
03 Sentyabr 08:54
Sosial
03 Sentyabr 08:38
Dünya
02 Sentyabr 23:34
Dünya
02 Sentyabr 23:17
Sosial
02 Sentyabr 22:51
İqtisadiyyat
02 Sentyabr 22:23
İqtisadiyyat
02 Sentyabr 21:45
Dünya
02 Sentyabr 21:19
Dünya
02 Sentyabr 20:42
Sosial
02 Sentyabr 20:16
İqtisadiyyat
02 Sentyabr 19:58
Sosial
02 Sentyabr 19:20
Sosial
02 Sentyabr 18:35
Hadisə
02 Sentyabr 17:34
Sosial
02 Sentyabr 17:29
Sosial
02 Sentyabr 17:29
Elanlar
02 Sentyabr 16:31
Elm
02 Sentyabr 15:59
Dünya
02 Sentyabr 15:22
Sosial
02 Sentyabr 15:12
İqtisadiyyat
02 Sentyabr 14:41
Sosial
02 Sentyabr 14:41
Sosial
02 Sentyabr 14:40
Siyasət
02 Sentyabr 14:40
Sosial
02 Sentyabr 14:39
Sosial
02 Sentyabr 14:39
Xəbər lenti
02 Sentyabr 14:38
Hərbi
02 Sentyabr 14:38
Dünya
02 Sentyabr 14:35
Gündəm
02 Sentyabr 14:27
Sosial
02 Sentyabr 14:24
Gündəm
02 Sentyabr 13:56
Dünya
02 Sentyabr 13:18
Sosial
02 Sentyabr 12:42
Dünya
02 Sentyabr 12:27
Dünya
02 Sentyabr 12:10
Dünya
02 Sentyabr 11:46
Gündəm
02 Sentyabr 11:37
Gündəm
02 Sentyabr 11:36
Hadisə
02 Sentyabr 11:18
Sosial
02 Sentyabr 11:03
İqtisadiyyat
02 Sentyabr 11:03
Sosial
02 Sentyabr 11:02
Gündəm
02 Sentyabr 10:59
Gündəm
02 Sentyabr 10:48
Hadisə
02 Sentyabr 10:39
Siyasət
02 Sentyabr 10:25
İqtisadiyyat
02 Sentyabr 09:40
İqtisadiyyat
02 Sentyabr 09:17
Analitik
02 Sentyabr 08:54
Sosial
02 Sentyabr 08:31
Hadisə
02 Sentyabr 07:55
Dünya
01 Sentyabr 23:34
Dünya
01 Sentyabr 23:20
Hadisə
01 Sentyabr 22:48
İqtisadiyyat
01 Sentyabr 22:25
Siyasət
01 Sentyabr 22:24
Dünya
01 Sentyabr 21:40
İqtisadiyyat
01 Sentyabr 21:19
Siyasət
01 Sentyabr 21:10
Dünya
01 Sentyabr 20:43
İdman
01 Sentyabr 20:15
Dünya
01 Sentyabr 19:58
Dünya
01 Sentyabr 19:21
Gündəm
01 Sentyabr 19:20
Gündəm
01 Sentyabr 18:49
Sosial
01 Sentyabr 18:34
İdman
01 Sentyabr 17:22
Sosial
01 Sentyabr 17:19
İqtisadiyyat
01 Sentyabr 16:27
