Seçkidən sonra da Ermənistanda siyasi xaos hökm sürür

Bakı:

26 °C

49 %

2 m/s

Əlaqə

AZ RU EN

Ana səhifə / Dünya / Seçkidən sonra da Ermənistanda siyasi xaos hökm sürür

Seçkidən sonra da Ermənistanda siyasi xaos hökm sürür

02.07.2021 [10:24]

Məlum olduğu kimi, növbədənkənar parlament seçkiləri baş tutsa da, məğlub Ermənistanda daxili siyasi böhran və gərginlik aradan qalxmayıb. Erməni mediası yazır ki, hazırda ölkədə xaos hökm sürür. Hazırda hökumətdə yüksək vəzifə tutan, əksər məmurlar istefa əhval-ruhiyyəsindədirlər və bu vəziyyətdə hökumətin normal işlədiyini söyləmək çətindir.
Yeri gəlmişkən, “Joğovurd” qəzeti yazır ki, əslində, məğlub ölkədə bu xaos mühiti uzun müddətdir davam edir. Belə ki, 2020-ci ildəki müharibədə məğlubiyyət Ermənistanı idarəolunmaz hala gətirib çıxarıb. Bəzi müşahidəçilər isə seçkiqabağı dövrdə idarəetmə fəaliyyətinin olmadığını iddia edirlər. Buna sübut kimi kampaniya dövründə vilayət qubernatorları da daxil olmaqla, əksər dövlət məmurlarının məzuniyyətə çıxması göstərilir.
Bəzi media orqanları isə Paşinyan hakimiyyətinin idarəetməni “unutsa” da, rəqibləri ilə haqq-hesab çəkməyi davam etdirdiyini yazır. Belə ki, “Hraparak” qəzeti hakimiyyətin seçkilərdən sonra təkcə icma (bələdiyyə) rəhbərlərinə deyil, həmçinin müxalif fikirləri ilə seçilən, müxalifəti dəstəkləyənlərə də təzyiq göstərdiyini yazır. Qəzetin iddiasına görə, seçkilərdən sonra Tavuş vilayətinin qubernatoru Hayk Qalumyan “Açacur” və “İcevan” tibb mərkəzlərinin rəhbərlərindən istefa ərizələri yazmağı tələb edib. Onlara təzyiqin səbəbi isə müxalifət blokuna səs verəcəklərini açıq şəkildə ifadə etmələri olub.
Bu arada, “Armenia today” yazır ki, konstitusiya məhkəməsinin keçmiş aparat rəhbəri, Vayotsdzor vilayətinin sabiq qubernatoru Edqar Kazaryan müxalifətə dəstək verən icma rəhbərləri ilə bağlı məsələni şərh edərkən, Paşinyan hakimiyyətinin yerli özünüidarəetmə orqanlarını məhv etməyə çalışdığını deyib: “Konstitusiyaya, yerli özünüidarəetmə ilə bağlı qanunlara və Yerli Özünüidarəetmə üzrə Avropa Xartiyasına görə, bu orqanlar dövlət hakimiyyəti sisteminin bir hissəsi deyil. Yerli özünüidarəetmə orqanları qanun çərçivəsində müstəqil fəaliyyət göstərir və yalnız icmaların sakinlərinə hesabat verirlər. İndiki ümumi diktatura şəraitində yerli özünüidarəetmə orqanlarını məhv etməyə cəhd olunur”.
Qeyd edək ki, Ermənistanda iqtisadi sahədə də vəziyyət acınacaqlıdır. Bunu artıq hökumətin müvafiq sahəyə rəhbərlik edən yüksəkvəzifəli şəxsləri də etiraf edirlər. Məsələn, “Panorama.am” yazır ki, maliyyə naziri Atom Cancuqazyan Ermənistanın dövlət borcunun idarəolunan həddi aşdığını bəyan edib. Maliyyə naziri Ermənistanın borcunun 7 milyard 969 milyon dollara çatdığını, bunun 7 milyard 509 milyonunun hökumətin borcu olduğunu söyləyib. Ötənilki büdcənin kəsirlə yerinə yetirildiyini deyən A.Cancuqazyanın sözlərinə görə, 2020-ci ildə böhrandan çıxmaq üçün 200 milyard dram, o cümlədən hərbi əməliyyatlar üçün 134 milyard dram və pandemiya ilə əlaqədar 75 milyard dram xərclənib.
Göründüyü kimi, siyasi böhranın aradan qaldırılması üçün növbədənkənar seçkiyə gedən məğlub ölkədə xaos və tənəzzülün hökm sürdüyünü yerli ekspertlər də etiraf edirlər.
Qaşqay ZİYƏDDİNOĞLU

Paylaş:

Baxılıb: 868 dəfə