Müsavat üzvü bəyanat verərək partiyanın sıralarını tərk edib

Bakı:

29 °C

70 %

11 m/s

Əlaqə

AZ RU EN

Ana səhifə / Daxili siyasət / Müsavat üzvü bəyanat verərək partiyanın sıralarını tərk edib

Müsavat üzvü bəyanat verərək partiyanın sıralarını tərk edib

20.10.2012 [18:49]

Sirr deyil ki, Ulu öndər Heydər Əliyevin əsasını qoyduğu və Prezident İlham Əliyev tərəfindən uğurla davam etdirilən siyasi kurs nəticəsində Azərbaycanda bütün sahələr mütəmadi olaraq inkişaf edir. Təbii ki, bu inkişaf strategiyası vətəndaşlar tərəfindən daima dəstəklənir və təqdir edilir.
Eyni zamanda, hər zaman dağıdıcı yanaşması ilə Azərbaycanın əldə etdiyi uğurlara kölgə salmağa çalışan radikal müxalifət kəsimi isə milli maraqlara zidd fəaliyyətinə görə xalqımızın qınaq obyektinə çevrilir. Kimsəyə sirr deyil ki, Azərbaycanın uğurlarını gözü götürməyən, dövlətimizin imicinə zərbə vurmaq üçün fürsət axtaran radikal düşərgə birmənalı şəkildə xalq tərəfindən etiraz və etinasızlıqla qarşılanır. Bunun ən bariz nümunəsi isə ölkəmizdə keçirilən seçkilərdə xalqımızın radikal düşərgəyə göstərdiyi etimadsızlıqdır.
Onu da qeyd edək ki, şəxsi maraqları çərçivəsində ölkəmizdə gedən inkişaf prosesinə kölgə salmağa çalışan, amma hər zaman cəhdləri fiaskoya uğrayan radikal müxalifət partiyalarının rəhbərinin artıq nə cəmiyyətdə, nə də təmsil etdiyi siyasi təşkilat daxilində heç bir dayağı, nüfuzu yoxdur. Şəxsi mənafeləri naminə müxtəlif çirkin oyunlara baş vuran, hər zaman milli mənafeyə zidd korporativ maraqlarını əsas tutan bu şəxslər həqiqəti cəmiyyətdən gizlətmək, onu aldatmaq imkanına malik deyillər. Məhz buna görə də, onlara qarşı ilk çıxanlar elə öz partiyalarının sıravi üzvləri olur. Əslində, bu, tamamilə başadüşüləndir.
Çünki radikal müxalifət partiyalarının sıravi üzvləri artıq 19 il siyasi səhnədə heç nəyə nail ola bilməyənlərə, son nəticədə isə məğlub olduğunu etiraf etməyə belə cürəti çatmayanlara, partiya rəhbəri postuna öz şəxsi vəzifəsi kimi baxanlara, siyasi prosesləri yalnız öz maraqları müstəvisində qiymətləndirənlərə qarşı heç də loyallıq göstərmək istəmirlər. Artıq onlar da dərk edirlər ki, müxalifət partiyalarının rəhbərlərinin yalanları yalnız öz kreslolarını qorumağa hesablanıb. Bir sözlə, radikal müxalifət partiyalarının rəhbərlərinin iç üzü meydana çıxdıqca bu partiyaların üzvləri də həmin siyasi qurumları tərk edirlər.
Yeri gəlmişkən, Müsavat Partiyasının üzvü İmanov Süleyman Məhərrəm oğlu da bu partiyanın sıralarını tərk etməsi ilə bağlı bəyanat verib. Əslən Cəbrayıl rayonundan olan, Binəqədi rayonu Binəqədi qəsəbəsində yaşayan S.İmanov ölkə Prezidenti İlham Əliyevin apardığı siyasi kursu birmənalı şəkildə dəstəklədiyini qeyd edərək bildirir ki, xalqımızın qəhrəman oğlu Ramil Səfərovun zindandan azad olunması istiqamətində dövlətimizin, ölkə Prezidenti İlham Əliyevin fəaliyyətini yüksək qiymətləndirir və dövlət başçısına öz təşəkkürünü bildirir.
S.İmanov bəyanatında Müsavat Partiyasının üzvlüyündən imtina etdiyini və Yeni Azərbaycan Partiyasının üzvü olmaq istədiyini bildirir.
Göründüyü kimi, artıq radikal müxalifət partiyalarının üzvləri bu siyasi təşkilatların Azərbaycan dövlətinin milli maraqlarına zidd olan siyasəti ilə barışmadığını əyani şəkildə nümayiş etdirirlər. Bu və bunun kimi faktlar isə vətəndaşlarımızın dövlətimizin inkişafını arzuladıqlarını və bu inkişafa kölgə salmaq üçün bir sıra fərqli maraqlara xidmət göstərən siyasi partiyaların fəaliyyətini bəyənmədiklərini, ondan imtina etdiklərini bir daha təsdiqləyir.
Pərviz SADAYOĞLU

Paylaş:

Baxılıb: 2317 dəfə