Ağcabədidə 15 İyun–Milli Qurtuluş Gününə həsr olunmuş tədbir keçirilib

Bakı:

27 °C

52 %

0 m/s

Əlaqə

AZ RU EN

Ana səhifə / Arxiv / Ağcabədidə 15 İyun–Milli Qurtuluş Gününə həsr olunmuş tədbir keçirilib

Ağcabədidə 15 İyun–Milli Qurtuluş Gününə həsr olunmuş tədbir keçirilib

11.06.2026 [18:10]

İyun ayının 11-də Yeni Azərbaycan Partiyası Ağcabədi rayon təşkilatı 15 İyun – Azərbaycan xalqının Milli Qurtuluş Günü münasibətilə tədbir təşkil etmişdir.

Tədbir iştirakçıları müasir müstəqil Azərbaycan dövlətinin memarı və qurucusu Ulu Öndər Heydər Əliyevin abidəsi önünə gül dəstələri qoyaraq, dahi şəxsiyyətin əziz xatirəsini dərin ehtiramla yad ediblər.

Azərbaycan Respublikasının Dövlət Himninin səsləndirilməsi ilə tədbir açıq elan edilmiş, Ümummilli Lider Heydər Əliyevin və Azərbaycan Respublikasının azadlığı və ərazi bütövlüyü uğrunda canlarını fəda etmiş şəhidlərin xatirəsi 1 dəqiqəlik sükutla yad edilmişdir.

Tədbirin əvvəlində “15 iyun – Milli Qurtuluş Günü”nə həsr olunan sənədli film nümayiş etdirilmişdir.

YAP Ağcabədi rayon təşkilatının sədri Rövşən Əhmədov məruzə ilə çıxış edərək, Milli Qurtuluş Gününün Azərbaycan xalqı üçün böyük ictimai, siyasi və tarixi əhəmiyyətə malik bir gün olduğunu qeyd etmiş, bu tarixi yaradanın isə Azərbaycanın müstəqilliyinin qorunub saxlanmasında, möhkəmlənməsində, inkişafında müstəsna rol oynayan, daim xalqına arxalanan Ulu Öndər Heydər Əliyev olduğunu vurğulamışdır.

Natiq bildirdi ki, Ulu Öndər Heydər Əliyevin siyasi hakimiyyətə ikinci dəfə qayıdışından sonra ölkədə baş vermiş sosial-iqtisadi və siyasi inkişaf dövlətimizin möhkəmlənməsində, sivil dünyaya sıx inteqrasiya prosesinə qoşulmasında və xalqımızın strateji mənafelərini təmin edən modern cəmiyyətin qurulmasında həlledici rol oynadı.

Rövşən Əhmədov onu da qeyd etdi ki, bu gün müstəqil Azərbaycan Ulu Öndərin layiqli davamçısı Ölkə Prezidenti cənab İlham Əliyevin rəhbərliyi ilə uğurla inkişaf edir, ardıcıl nailiyyətlər qazanaraq, yeni zirvələr fəth edir. Cənab İlham Əliyevin uzaqgörən, düşünülmüş və qətiyyətli siyasəti sayəsində Azərbaycanın əldə etdiyi uğur və nailiyyətlər onu söyləməyə əsas verir ki, Ulu Öndərin bizlərə miras qoyduğu müstəqil dövlət etibarlı əllərdədir.

Tədbirdə çıxış edən Ağcabədi Pedaqoji Kollecinin müəllimi Şahin Rəhimov, Hacıbədəlli bələdiyyəsinin sədri Məlahət Hüseynova, partiya veteranı Xəqani Əliyev, ADPU-nun Ağcabədi filialının tələbə gənclər təşkilatının sədri Fəxriyyə Cəfərli və Ağcabədi bələdiyyəsinin YAP ərazi təşkilatının sədri Fizuli Yusibov Qurtuluşdan Zəfərə gedən şərəfli yoldan bəhs edərək, vurğuladılar ki, ölkəmizdə gedən inkişafın daha da sürətlənməsi üçün biz hamımız Müzəffər Ali Baş komandan, Ölkə Prezidenti cənab İlham Əliyevin ətrafında daha da sıx birləşməli, Ulu Öndər Heydər Əliyevin bizə miras qoyduğu müstəqil Azərbaycanın çiçəklənməsi üçün bütün qüvvəmizi səfərbər etməliyik.

Tədbirdə rayonun ictimai-siyasi həyatında fərqlənən bir qrup partiya veteranı və fəala Fəxri Fərman və hədiyyələr, Partiya sıralarına yeni qəbul edilmiş üzvlərə isə partiya vəsiqələri təqdim edilmişdir.

Tədbir Yeni Azərbaycan Partiyasının Himninin səslənməsi ilə başa çatmışdır.

Sonda tədbir iştirakçıları xatirə şəkli çəkdirmişlər.

Paylaş:

Baxılıb: 301 dəfə