Şərur rayonunda “Zərifə xanım Əliyeva və elmə, vətənə həsr edilmiş zərif ömür” adlı tədbir keçirilib

Bakı:

21 °C

49 %

5 m/s

AZ RU EN

Ana səhifə / Arxiv / Şərur rayonunda “Zərifə xanım Əliyeva və elmə, vətənə həsr edilmiş zərif ömür” adlı tədbir keçirilib

Şərur rayonunda “Zərifə xanım Əliyeva və elmə, vətənə həsr edilmiş zərif ömür” adlı tədbir keçirilib

15.04.2026 [12:35]

15.04.2026-cı il tarixində YAP Şərur rayon təşkilatı Akademik Zərifə xanım Əliyevanın Anım günü nünasibəti ilə “Zərifə xanım Əliyeva və elmə, vətənə həsr edilmiş zərif ömür ” adlı tədbir keçirmişdir.

Tədbirdə İlk öncə Ulu Öndər Heydər Əliyevin, Şəhidlərin əziz xatirəsi 1 dəqiqəlik sükutla yad edilir. Sonra YAP Şərur rayon təşkilatının sədr müavini Adil Əhmədov tədbiri açıq elan etmiş və məruzə edərək bildirmişdir ki,Zərifə xanım Əliyeva Azərbaycan tibb elminin inkişafında mühüm rol oynamış görkəmli alim və pedaqoqlardan biri kimi xüsusilə Azərbaycan Dövlət Həkimləri Təkmilləşdirmə İnstitutundakı fəaliyyəti ilə seçilmişdir. Onun bu institutdakı işi həm elmi, həm də praktiki səhiyyə sahəsində böyük əhəmiyyət kəsb etmişdir.Zərifə xanım uzun illər bu nüfuzlu təhsil ocağında çalışaraq həkim kadrlarının hazırlanmasına və onların peşəkar səviyyəsinin yüksəldilməsinə mühüm töhfələr vermişdir. O, oftalmologiya sahəsində ixtisaslaşmış həkimlərin təkmilləşdirilməsi istiqamətində müasir metodların tətbiqinə xüsusi diqqət yetirirdi. Onun təşəbbüsü ilə tədris prosesinə yeni yanaşmalar gətirilmiş, nəzəri biliklərlə yanaşı, praktik bacarıqların artırılması əsas prioritetə çevrilmişdir. Bu yanaşma sayəsində institutda təhsil alan həkimlər yalnız bilik baxımından deyil, həm də praktik fəaliyyət baxımından daha hazırlıqlı mütəxəssislər kimi formalaşırdılar.

Zərifə Əliyevanın institutdakı fəaliyyətinin əsas istiqamətlərindən biri də elmi tədqiqatların genişləndirilməsi olmuşdur. O, göz xəstəliklərinin, xüsusilə də peşə ilə bağlı yaranan görmə problemlərinin araşdırılması sahəsində dərin tədqiqatlar aparmışdır. Kimya sənayesində çalışan insanların görmə orqanlarında baş verən dəyişiklikləri öyrənərək bu sahədə mühüm elmi nəticələr əldə etmişdir. Bu tədqiqatlar yalnız Azərbaycan üçün deyil, beynəlxalq səviyyədə də diqqət çəkmiş, onun elmi nüfuzunu daha da artırmışdır. O, oftalmologiya sahəsində əldə etdiyi nəticələri müxtəlif elmi konfranslarda təqdim edir, beynəlxalq elmi ictimaiyyətlə sıx əlaqələr qururdu.

Onun rəhbərliyi altında institutda bir çox gənc alimlər yetişmiş, aspirantlar və doktorantlar elmi fəaliyyətə cəlb olunmuşdur. Zərifə xanım tələbələrinə və həmkarlarına qarşı tələbkar, eyni zamanda qayğıkeş münasibəti ilə seçilirdi. O, yalnız bilik ötürən müəllim deyil, həm də məsuliyyət hissini aşılayan peşəkar həkim idi. Onun yetişdirdiyi mütəxəssislər sonradan Azərbaycanın müxtəlif bölgələrində və xaricdə uğurla fəaliyyət göstərərək onun məktəbinin davamçılarına çevrilmişlər.

Sonra Tədbirdə Naxçıvan MR Ali Məclisinin deputatı Sevinc Həsənova, Püsyan kənd Kitabxana filialının kitabxanaçısı Səmannaz Əbilova, Düdəngə kənd tam orta məktəbinin psixoloqu Ruqiyyə Musayeva və partiya fəalı Şəhla Cəfərova məruzə ətrafında çıxış etmişlər.Sonda tədbirə yekun vurulmuşdur.

Paylaş:

Baxılıb: 272 dəfə