Nümunə ola biləcək əməkdaşlıq

Bakı:

21 °C

88 %

6 m/s

Əlaqə

AZ RU EN

Ana səhifə / Arxiv / Nümunə ola biləcək əməkdaşlıq

Nümunə ola biləcək əməkdaşlıq

20.05.2024 [10:25]

Azərbaycan və Belarus SSRİ-nin tərkibində müttəfiq respublika olublar. Elə həmin dövrdə də onlar arasında iqtisadi və mədəni əlaqələr formalaşıb. SSRİ dağıldıqdan, postsovet məkanında müstəqil dövlətlər yarandıqdan sonra bu münasibətlər daha da inkişaf etməyə başlayıb.

2006-cı ildə Belarus-Azərbaycan münasibətlərində mühüm hadisə baş verib. Belə ki, Minsk və Bakıda diplomatik missiyalar fəaliyyətə başlayıb. Bununla da hər iki ölkənin humanitar, iqtisadi, siyasi sahələrdə qarşılıqlı maraqları öz təsdiqini tapıb. Hazırda iki ölkə arasında əməkdaşlıq münasibətləri yüksək səviyyədə inkişaf etməkdədir.

Qeyd edək ki, Belarus Respublikası Azərbaycanın ərazilərinin işğalı dövründə ölkəmizin haqlı mövqeyini dəstəkləyib. Habelə, Azərbaycana strateji hücum silahlarının verilməsini təmin edib.

Mayın 16-da Belarus Respublikasının Prezidenti Aleksandr Lukaşenko Azərbaycan Respublikasının Prezidenti İlham Əliyevin dəvəti ilə Azərbaycan Respublikasına dövlət səfərinə gəlib. Rəsmi qarşılanma mərasimindən sonra hər iki dövlət başçısının təkbətək və geniş tərkibdə görüşləri, daha sonra isə Azərbaycan-Belarus sənədlərinin imzalanması mərasimi keçirilib.

Sənədlərin imzalanmasından sonra hər iki Prezident mətbuata bəyanatlarla çıxış ediblər.

Ölkəmizin başçısı cənab İlham Əliyev qeyd edib ki, “Aparılan danışıqlar - təkbətək və geniş tərkibdə görüşlər ölkələrimizin mehriban dostlar olduğunu bir daha əyani şəkildə nümayiş etdirir. Bu gün münasibətlərimizin son illərdə inkişafını müfəssəl şəkildə təhlil etdik və bu münasibətlərin dinamik inkişafını məmnuniyyətlə qeyd etdik, həmçinin daha da mühüm olanı - gələcəkdə qarşılıqlı fəaliyyət yollarını müəyyənləşdirdik.”

Belarus şirkətlərinin Qarabağ və Şərqi Zəngəzur bölgələrinin bərpasında fəal iştirak etməyə dəvət etdiyini bildirən cənab Prezident İlham Əliyev bildirib ki, bu qardaş ölkə ilə birlikdə həyata keçirəcəyimiz işlərin miqyası çox genişdir.

Belarusun çox yaxşı şəhərsalma təcrübəsi, müasir texnologiyaları, aqroşəhərciklərin tikintisi üzrə çox gözəl təcrübəsinin olduğunu qeyd edən ölkə başçısı bildirib ki, məhz bu potensialdan istifadə etməklə “keçmiş məcburi köçkünləri tikiləcək doğma evlərinə mümkün qədər tez qaytarmaq mümkündür. Ona görə də bu qardaş ölkə ilə əlaqələrin inkişafı bizə imkan verəcəkdir ki, bu prosesi tezliklə başa çatdıra bilək.”

Regionumuzda və MDB məkanında təhlükəsizliklə bağlı məsələlərin də müzakirə edildiyini qeyd edən cənab İlham Əliyev bildirib ki, “Dünyada vəziyyət sürətlə və bir qayda olaraq mənfi istiqamətdə dəyişir. Yeni münaqişələr, yeni qeyri-sabitlik ocaqları yaranır. Təəssüf ki, bir qayda olaraq mövcud münaqişələr öz həllini tapmır. Cənubi Qafqazda Azərbaycanın beynəlxalq hüquqa, BMT Təhlükəsizlik Şurasının qətnamələrinə, BMT-nin Nizamnaməsinə və bütün dünya ictimaiyyətinin bu gün tanıdığı beynəlxalq humanitar hüquqa tam uyğun olaraq hərbi-siyasi yolla həll etdiyi münaqişə istisna olmaqla.”

Ölkə başçısının Bəyanatından göründüyü kimi, Belarus dövlət başçısının Azərbaycana səfəri bütün sahələr üzrə əməkdaşlığı yenidən nəzərdən keçirməyə, əməkdaşlığın yeni formasını tapmağa, birgə iqtisadi layihələr həyata keçirməyə imkan verəcək.

Natiq Quluzadə

YAP Zəngilan rayon təşkilatının sədri

Paylaş:

Baxılıb: 625 dəfə