Heydər Əliyev
yeni azerbaycan logo

Ana səhifə / Analitik / ABŞ ilə Rusiya arasında...İnformasiya müharibəsi şiddətlənir

ABŞ ilə Rusiya arasında...İnformasiya müharibəsi şiddətlənir

09.12.2021 [10:23]

Nurlan QƏLƏNDƏRLİ

Dekabrın 7-də Rusiya və ABŞ prezidentləri Vladimir Putin və Co Bayden arasında videoformatda görüş keçirilib. Hər iki tərəfin verdiyi açıqlamalardan görünür ki, əsas müzakirə mövzusu ikitərəfli əlaqələr və Ukrayna məsələsi ilə əlaqədar yaranmış vəziyyət olub.

“Soyuq müharibə” dövründən sonrakı ən kəskin informasiya savaşı

Görüşlə əlaqədar təfərrüatlar bəlli olmasa da, ekspertlərin diqqət yetirdiyi əsas məsələlərdən biri son zamanlar tərəflərin bir-birinə qarşı informasiya müharibəsini şiddətləndirməsidir. Məhz buna görə də belə bir qənaət ifadə olunur ki, hazırda Rusiya və ABŞ arasında faktiki olaraq İkinci soyuq müharibə müşahidə edilir. İndi klassik soyuq müharibə dövründən sonrakı ən aqressiv informasiya savaşına (kəşfiyyat, təxribat, təbliğat və s.) şahidlik edirik. Ümumiyyətlə, qlobal situasiya ilə yanaşı, bir neçə məqam hazırkı informasiya qarşıdurmasını əvvəlkindən fərqləndirir.

Təbliğatın vahid dili yoxdur

Ekspertlərin qənaətinə əsasən, tərəflər qarşı cəbhə ilə əlaqədar neqativ imic yaratmaq üçün təkcə dezinformasiyadan deyil, daha çox real məlumatlardan ittiham və tənqid vasitəsi kimi istifadə edir. Həm ABŞ, həm də Rusiya bir-birinin daxili auditoriyasına istiqamətlənmiş xüsusi təbliğat mexanizmi formalaşdırıblar. Burada çap mətbuatı və elektron informasiya resurslarının xidmətlərindən yararlanılır. ABŞ Rusiyada fəaliyyət göstərən bir sıra media orqanlarında anti-Rusiya təbliğatına xidmət edən məlumatlar və analitik materiallar yayımlanmasına çalışır. Eyni addım Rusiya tərəfindən də atılır. Paralel olaraq tərəflər bir-birinin sosial media platformasını informasiya bombardmanı vasitəsilə qlobal ictimai rəydə dəyişikliklər etməyə çalışırlar. Bu prosesdə əsas zərbə gücü kimi videomateriallardan istifadə edilir. Nəhayət, indiki situasiyada təbliğatın vahid dili yoxdur. Qlobal informasiya məkanında populyar olan müxtəlif dillər piar aləti kimi seçilib.

Nəticədə qlobal informasiya məkanında şiddətli toqquşma və mübarizə prosesinə şahidlik edirik. Proseslərin zaman-zaman artan və azalan dinamika ilə davam edəcəyi şübhəsizdir. Ən əsası, bütün bunlar III Dünya müharibəsi axtarışında olanlar üçün real faktlar və həqiqət anıdır. Çünki informasiya savaşı həm də hibrid müharibənin tərkib hissəsi kimi çıxış edir...

    

Paylaş
Baxılıb: 241 dəfə

Xəbər lenti

Hamısına bax

Xəbər lenti

Xəbər lenti

Xəbər lenti

Müsahibə

Xəbər lenti

Siyasət

İqtisadiyyat

Xəbər lenti

Xəbər lenti

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31