Heydər Əliyev
yeni azerbaycan logo

Ana səhifə / Xəbər lenti / Əcnəbilərin Rusiyada qalma müddəti məhdudlaşdırılır

Əcnəbilərin Rusiyada qalma müddəti məhdudlaşdırılır

01.04.2024 [16:36]

Rusiya Daxili İşlər Nazirliyi miqrasiya sahəsində dövlət nəzarətini sərtləşdirən qanun layihəsi üzərində işi başa çatdırıb. 

AZƏRTAC xəbər verir ki, Rusiya Daxili İşlər Nazirliyi “Əcnəbi vətəndaşların və vətəndaşlığı olmayan şəxslərin Rusiya Federasiyasına girişi və Rusiya Federasiyasından çıxışı, habelə onların Rusiya Federasiyasının ərazisində qalması şərtləri və yaşayış yeri haqqında” federal qanun layihəsini ölkə hökumətinə təqdim edib”

Qanun layihəsi əcnəbi vətəndaşların Rusiya Federasiyasına girişi və burada qalmasına nəzarətin müasir vasitə və üsullarından istifadə etməklə həyata keçirilməsi üçün hüquqi bazanın genişləndirilməsini nəzərdə tutur. 

Qanun Rusiya ərazisinə daxil olarkən biometrik fərdi eyniləşdirmənin tətbiqinin hüquqi əsaslarını, əcnəbilərin müvəqqəti qalma müddətinin təqvim ilində 90 günə endirilməsini, əcnəbinin rəqəmsal profilini, müəyyən kateqoriyalar üçün Rusiyada nəzarət olunan qalma rejimini müəyyən edir, həmçinin əcnəbi vətəndaşların işəgötürənlərinə, əcnəbi işçi qüvvəsini cəlb edən iş və ya xidmətlərin müştərilərinə nəzarətin gücləndirilməsi, qanunsuz miqrantların hüquqlarının məhkəmədənkənar məhdudlaşdırılması, habelə miqrasiya qanunvericiliyini pozanlara hər hansı xidmət göstərən dövlət orqanlarının, təşkilatların, fiziki və hüquqi şəxslərin qadağan edilməsi, habelə xarici vətəndaşların Rusiya Federasiyasının ərazisində olmasını tənzimləməyə yönəlmiş digər qərarları ehtiva edir.

Rusiya Federasiyası Daxili İşlər Nazirliyi hesab edir ki, miqrasiya sahəsində geniş əhatəli qanun layihəsi xarici vətəndaşların müəyyən hüquqlarının məhdudlaşdırılması və onların üzərinə əlavə öhdəliklərin qoyulması ilə bağlı tədbirlərin praktiki həyata keçirilməsi üçün lazımi şərait yaradacaq.

Bütün dövlət orqanları, təşkilatlar və vətəndaşlar real vaxt rejimində əcnəbilərin Rusiyada qalmasının qanuniliyinin elektron təsdiqini almaq imkanı əldə edəcəklər. Bu təsdiq həmin vətəndaşlara dövlət və kommersiya xidmətlərinin göstərilməsi üçün əsas olacaqdır. Xüsusən, müvəqqəti yaşayış hüququnun qanuniliyinin elektron təsdiqi daşınmaz əmlaka hüquqların qeydiyyatı, nikah, uşaq doğulması, ali məktəblərə, kolleclərə və məktəblərə qəbul üçün zəruri olacaq

Paylaş:
Baxılıb: 142 dəfə

Xəbər lenti

Hamısına bax

Xəbər lenti

Xəbər lenti

Xəbər lenti

Xəbər lenti

İqtisadiyyat

Siyasət

Siyasət

Siyasət

1 il tez...

18 Aprel 10:21

Gündəm

Xəbər lenti

Xəbər lenti

Xəbər lenti

Xəbər lenti

Xəbər lenti

Xəbər lenti

Xəbər lenti

Xəbər lenti

Arxiv
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30