Heydər Əliyev
yeni azerbaycan logo

Ana səhifə / Xəbər lenti / Azərbaycanla sülh, Türkiyə ilə isə münasibətlərin normallaşması masası Paşinyanı gözləyir

Azərbaycanla sülh, Türkiyə ilə isə münasibətlərin normallaşması masası Paşinyanı gözləyir

08.12.2023 [13:16]

"Son zamanlarda, Ermənistanın baş naziri Nikol Paşinyanın Qərbdə yeni sponsor axtarışına çıxdığının şahidi oluruq. Amma Ermənistanın siyasi rəhbərliyi anlamalıdır ki, himayədar axtarışından, hətta tapdıqları himayədar dövlətlərdən onlara xeyir gəlməyəcək. Bu ölkələr sadəcə Azərbaycan-Ermənistan əlaqələrinin normallaşma müddətini uzatmaqla məşğuldurlar. Bundan ən çox ziyanı isə erməni xalqı görür. Azərbaycan ilə Ermənistan arasındakı anlaşmazlıqların aradan qalxması hansısa xarici güclərin sifarişi ilə baş verəcək proses deyil. Bölgədən uzaq ölkələr sülh müqaviləsinin imzalanmasını daha da gecikdirir".

Bu fikirləri Türkiyənin Azərbaycandakı sabiq fövqəladə və səlahiyyətli səfiri, "İMZA" Sosial İnkişafa Dəstək İctimai Birliyinin Türkiyə təmsilçisi Hülusi Kılıc deyib. O bildirib ki, Azərbaycan və Ermənistanın hərbçiləri qarşılıqlı şəkildə azad etməklə bağlı qərarı, Ermənistanın BMT-nin İqlim Dəyişikliyi Üzrə Çərçivə Konvensiyasına tərəf dövlətlərin 29-cu Konfransına ev sahibliyinə namizədliyini Azərbaycanın lehinə geri götürməsi, Azərbaycanın namizədliyini dəstəkləməsi haqda birgə açıqlama həm Azərbaycanda, həm Ermənistanda, həm də Türkiyədə olduqca xoş qarşılanıb.

"Ermənistanın siyasi rəhbərliyinin yeni reallıqları qəbul edərək sülh masasına geri qayıtması lazımdır. Azərbaycanla müzakirələrin aparılacağı sülh danışıqlarına paralel həm də Türkiyə - Ermənistan əlaqələrinin normallaşması müzakirələri davamlı hal alacaq. Ermənistan eyni vaxtda ikiqat qazanc əldə edəcək. Bölgədə sülh istəməyən, xaricdə lüks həyat sürən erməni lobbisi isə Ermənistanın siyasi hakimiyyətinin üzərindən kirli əllərini çəkməlidir. Onlar anlamalıdırlar ki, bölgə xalqları, başda ermənilər olmaqla regionda yaşanan gərginliklərdən və təhdidlərdən yorulub. Xalqlar gələcəkdə rahat qonşuluq münasibətlərində yaşamaq üçün sülh addımlarının gerçəkləşməsini arzulayır. Azərbaycanla sülh, Türkiyə ilə isə münasibətlərin normallaşması masası Paşinyanı gözləyir", - deyə H.Kılıc əlavə edib.

Sadiq

Paylaş:
Baxılıb: 211 dəfə

Xəbər lenti

Hamısına bax

Xəbər lenti

Xəbər lenti

Saxta üz kremləri...

21 Fevral 11:14

Xəbər lenti

Mənəviyyat bayrağı

21 Fevral 10:44

İqtisadiyyat

Xəbər lenti

Xəbər lenti

Xəbər lenti

Xəbər lenti

Xəbər lenti

Xəbər lenti

Xəbər lenti

İqtisadiyyat

Analitik

Analitik

Arxiv
B Be Ça Ç Ca C Ş
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29