Kərimlinin yalan serialı...

Bakı:

20 °C

59 %

5 m/s

Əlaqə

AZ RU EN

Ana səhifə / Xəbər lenti / Kərimlinin yalan serialı...

Kərimlinin yalan serialı...

21.10.2023 [10:30]

Qarabağın azadlığı davamlı və ardıcıl siyasətin nəticəsidir

Azərbaycanda uzun illər ərzində aparılan islahatlar, əldə olunan nailiyyətlər, yeni iqtisadi münasibətlər sisteminin formalaşdırılması ölkəmizi dünyada baş verən siyasi-iqtisadi kataklizmlərin təsirlərindən qorumaqla yanaşı, davamlı və ardıcıl siyasət yürütməsində əsaslı rol yonayıb. Məhz bu ardıcıl və davamlı siyasi kurs ölkəmizin qısa müddətdə bütün sahələr üzrə inkişafını təmin etdi - Azərbaycan dövlətinin seçdiyi çoxşaxəli inkişaf xətti ölkəmizdə bütün sahələrin paralel inkişafına şərait yaratdı. İstər diplomatik sahədə əldə olunan uğurlar, istərsə də hərbi müdafiə sahəsinə ayrılan diqqət nəticə etibarı ilə Qarabağın azad edilməsinə, ərazi bütövlüyümüzün və suverenliyimizin təmin olunmasına yol açdı.

Qeyd olunduğu kimi, uzun illərə əsaslanan bu inkişaf yolu məqsədli şəkildə və ardıcıl davam edib, hədəflərinə qovuşub. Təbii ki, yürüdülən siyasət, əldə olunan uğurlar ölkəmizin maraqlarına qarşı düşmən mövqedə dayanan ermənipərəst mərkəzləri, antimilli dairələri narahat etməyə bilməz. Hər zaman xarici antimilli güclərin sifarişlərini yerinə yetirən redikül müxalifət düşərgəsi isə məhz həmin dairələrdən aldıqları direktivlərə ölkəmizin mənafeyinə qarşı cəbhə alır, qazanılan uğurları göz ardı etməyə çalışır.

Məsələn, Qarabağ zəfərinin qazanılmasına aparan yol ağır və keşməkeşli olub və bu hər kəs tərəfindən etiraf edilir - siyasi üstünlüyümüzün təmin edilməsi, artırılması, hüquqi zəminin daha da möhkəmləndirilməsi, Qarabağ həqiqətlərinin təbliği, bu torpaqların tarixi keçmişinin təbliği istiqamətində aparılan davamlı iş, eyni zamanda, dünyanın aparıcı dövlətləri ilə ikitərəfli münasibətləri inkişaf etdirmək, bunun fonunda Qarabağ məsələsində yeni dəstək qazanmaq Azərbaycanın yaxın keçmişdə ən mühüm prioritetləri idi. Bəzi dövlətlərlə əlaqələri strateji səviyyəyə qaldırmaqla onların Ermənistanı olması faktını açıq kontekstdə bəyan etməsi Azərbaycanın xarici siyasət kursunun uğurları idi. Hətta bəzi aparıcı dövlətlərdən silahlar alınan zaman bu silahların analogiyasının Ermənistana satılmaması ilə bağlı ikitərəfli razılıqlar əldə olunurdu. Ard-arda bütün beynəlxalq təşkilatlar Qarabağın Azərbaycan torpağı olmasını təsdiqləyirdi - BMT TŞ-nın məlum 4 qətnaməsi bütün tribunalardan xatırlanırdı. Məhz bu kimi davamlı siyasi kurs nəticədə Qarabağın azadlığını təmin etdi.

Bu gün ermənipərəst mərkəzlərə qulluq göstərmək bahasına bütün yalanları danışmağı özünə rəva bilən Əli Kərimli kimi xəyanət “mücəssəmələri” və ətrafındakı pul hərisləri sosial şəbəkələrdə yalan və qərəzə bürünüblər - onlar ötən illərdə Qarabağın azadlığı istiqamətində inkişaf etdirilən bu çətin və şərəfli yolu təkzib etməyə cəhd göstərirlər. Müxtəlif spekulyativ oyunlarla, müəyyən manevrlərlə özlərini siyasi palitrada saxlamağa cəhd göstərən redikül Kərimlinin bu spekulyasiyası fiaskoya məhkumdur - çünki fakt ortadadır. İllərdir ki, Azərbaycana qarşı xəyanətkar mövqeyindən geri qalmayan Kərimli ölkəmizdə qarşıdurma, xaos yaratmaq istəyən qüvvələrə qulluqçuluq edir. Bu dəfə də erməni “dəyirmanına su olmaq” istəyən AXCP sədrinin “oxu” növbəti dəfə “daşa dəydi”. Azərbaycan xalqı bütün reallıqları görür və dəyərləndirir. Kərimlinin danışdığı yalanlar isə sabun köpüyü effekti ilə özü kimi yox olub gedir...

MƏNSUR

Paylaş:

Baxılıb: 462 dəfə