Son bir gün...

Bakı:

23 °C

59 %

4 m/s

Əlaqə

AZ RU EN

Ana səhifə / Xəbər lenti / Son bir gün...

Son bir gün...

27.05.2023 [11:01]

İlk mərhələdə Ərdoğanın üstünlük əldə etməsi təsadüfi deyildi

Günel ABBASOVA

Türkiyədə əsas diqqət qarşıdakı prezident seçkilərinə yönəlib. Qardaş ölkədə baş tutacaq seçkilərə Azərbaycan cəmiyyətində də böyük maraq var. Qeyd etmək yerinə düşər ki, qardaş Türkiyə Cümhuriyyəti böyük və tarixi yol keçərək bugünkü inkişaf səviyyəsinin ən yüksək zirvələrinə qədər ucalıb...

Milli Məclisin Azərbaycan-Türkiyə parlamentlərarası işçi qrupunun üzvü Mahir Abbaszadə “Yeni Azərbaycan”a açıqlamasında bildirib ki, Türkiyənin tarixində son 20 il əvvəlki illərdən kəskin fərqlənir: “Bu bütün sahələrdə belədir. İstər siyasi, istər iqtisadi, istər hərbi, istərsə də regionda Türkiyənin gücünün artması nöqteyi-nəzərdən yanaşsaq, son 20 il Türkiyə tarixində qürurverici bir tarixdir. Nəzərə alsaq ki, son 20 il ərzində Türkiyənin hərbi sənayesi, xüsusilə də müasir silahların istehsalı və satışı ilə bağlı kifayət qədər işlər görülüb. Digər tərəfdən Türkiyənin indiki iqtidarı - Rəcəb Tayyib Ərdoğan ölkənin inkişaf etdirilməsi, beynəlxalq miqyasda söz sahibi olması ilə bağlı kifayət qədər işlər görüb. Bu mənada birinci mərhələdə baş tutan səsvermə prosesində üstünlüyün Ərdoğanda olması təəccüblü deyildi”.

Onun sözlərinə görə, son 20 ildə Türkiyə Azərbaycan münasibətləri də yüksək səviyyədə inkişaf edib: “Hansı ki, bu münasibətlərə zaman-zaman müəyyən mənada problemlər yaradılırdı, ancaq münasibətlərin belə inkişaf etdirilməsində Türkiyə Prezidenti Rəcəb

Tayyib Ərdoğanın və Azərbaycan Prezidenti İlham Əliyevin şəxsi münasiblətlərinin yüksək səviyyədə olması mühüm rol oynayıb. Bu münasibətlər dostluq, qardaşlıq səviyyəsinə qaldırılıb. Bütün bu münasibətlərin strateji mütəffiqlik səviyyəsinə qaldırılması, Türkiyədə indiki iqtidarın müsbət əlamətləri kimi qiymətləndirilməlidir. Eyni zamanda II Qarabağ müharibəsində Türkiyənin, xüsusilə də Rəcəb Tayyib Ərdoğanın tutduğu prinsipial mövqe, onun mənəvi və siyasi dəstəyi Azərbaycan xalqının gücünə güc qataraq Vətən müharibəsində qələbəmizin təmin olunmasında mühüm rol oynayıb”.

M.Abbaszadə qeyd edib ki, seçkilərdə türk xalqının nə qədər müdrik olduğunu, öz rəhbərinə nə dərəcədə sadiq olduğunu bir daha müşahidə edəcəyik: “Təkcə bu da deyil, türk xalqı dünyada Türkiyənin mövqeyinin yüksəldilməsi, sənayesinin, iqtisadiyyatının inkişafı məsələlərinə də adekvat qiymət verəcək. Özünün layiqli oğlunu yenidən Türkiyə Respublikasının Prezidenti kimi seçəcək. Bu, təkcə Türkiyə tarixi üçün yox, dünya, xüsusilə də Azərbaycan üçün əlamətdar hadisə olacaq”.

Paylaş:

Baxılıb: 518 dəfə