Yenidən ƏDALƏT və İNKİŞAFA doğru!

Bakı:

26 °C

61 %

6 m/s

Əlaqə

AZ RU EN

Ana səhifə / Xəbər lenti / Yenidən ƏDALƏT və İNKİŞAFA doğru!

Yenidən ƏDALƏT və İNKİŞAFA doğru!

28.04.2023 [10:44]

Mövcud hökumət Türkiyə xalqının şansıdır

Qardaş Türkiyə Cümhuriyyəti böyük və tarixi yol keçərək bugünkü inkişaf səviyyəsinin ən yüksək zirvələrinə qədər ucalıb. Bu gün dünyada şan şöhrətə sahib olan qardaş Türkiyə Cümhuriyyətinin köklərinin qurulmasında bütün türk xalqları, o cümlədən Azərbaycan türkləri Anadolu türkləri ilə çiyin-çiyinə ortaq dövlətlər qurub. Bu gün qardaş Türkiyə üçün vacib əhəmiyyət daşıyan 14 may seçkilərində türk dövlətləri Türkiyənin yanındadır. Biz də öz növbəmizdə proseslərin dünənini və bu gününü araşdırmağa davam edirik...

Milli Məclisin Azərbaycan-Türkiyə parlamentlərarası işçi qrupunun üzvü Ramil Həsən “Yeni Azərbaycan”a açıqlamasında bildirib ki, Azərbaycan qardaş Türkiyənin uğurları ilə sevinir: “Prezident İlham Əliyevin də dediyi kimi, güclü Türkiyə güclü Azərbaycan, güclü Azərbaycan güclü Türkiyə olaraq son illərdəki fəaliyyətini dəstəkləməkdədir. Təbii ki, bunlar qısa müddətdə və asan yolla əldə edilən nailiyyət deyil. Türkiyə Cümhuriyyətinin Prezidenti olan və hər zaman Azərbaycana dəstək çıxan Rəcəb Tayyib Ərdoğanın liderliyi ilə qurulmuş Ədalət və İnkişaf Partiyası 2002-ci ildən etibarən yeni 100 ilə işıq saçan Türkiyənin qurulması üçün qollarını sıvadı. Son 20 ildən bir az artıq dövr ərzində Türkiyə başqa bir dövlətin 100 ilə inkişaf periodunun müxtəlif spektrlərini keçə bilməyəcəyi istiqamətdə hədəflərinə çatmağı bacardı. Dünyada baş verən hadisələr, Suriya krizi, İraq müharibəsi, eyni zamanda, bölgədə cərəyan edən konfliktlər, Rusiya-Ukrayna müharibəsi, Çin və ABŞ arasındakı problemlər ciddi mənada iqtisadi və sosial həyata ciddi təsir göstərir. Bu mənada həmin proseslərdən Türkiyənin zərər almadan qurtara bilməsi, balansı qoruyub Türkiyənin milli maraqlarını üstün tutan bir hökumətə sahib olması türk xalqının bir şansıdır. Türk xalqı bu şansı, 20 il ərzində qazanılmış olan uğuru dəyərləndirir, qiymətləndirir. Ona görə də, düşünürəm ki, seçkilərdə türk xalqı ədalətə, inkişafa və yeni nailiyyətlərə səs verəcək. Ümid edirəm ki, Rəcəb Tayyib Ərdoğanın rəhbərliyi altında keçirilən islahatlar bundan sonra da davam edəcək”.

Deputat qeyd edib ki, Azərbaycan və Türkiyə birlikdə güclüdür: “Prezident İlham Əliyev də bunu hər zaman xüsusi vurğulayır. Heç şübhəsiz, 2021-ci ilin 15 iyun tarixində qardaşlığımızı taclandırdığımız Şuşa bəyannaməsi ilə də qardaşlıq münasibətlərimizi müttəfiqlik səviyyəsinə yüksəldərək yeni bir səhifə açmışıq. Prezidentin vurğuladığı kəlamı mən bir daha diqqətə çatdırmaq istərdim: İmzalanmış tarixi bəyannamə (Şuşa bəyannaməsi) əcdadlarımızın başlatmış olduğu tarixi yola sadiqlik və gələcəyimiz üçün yol xəritəsidir. Yəni, Azərbaycan və Türkiyənin qardaşlığı yalnız sözdə deyil, bütün sahələrdə özünü nümayiş etdirməkdədir. Bu gün əslində, eyni millətin övladları olan Azərbaycan və Türkiyənin də ciddi şəkildə lokomativ olduğu qardaş türk dövlətləri təşkilatının da güclənməsinə də ciddi şəkildə təkan verməkdəyik. Qardaş dövlətlər olan Özbəkistanın, Qırğızıstanın, Qazaxıstanın, Türkmənistanın, Macarıstanın da bizlərlə bərabər bu həmrəylik və qardaşlıqdan mükəmməl bir nümunə götürərək bu birlik içərisinə daha sıx inteqrasiya olduğunu müşahidə edirik. Şübhəsiz ki, bunların hər biri Türkiyədə Rəcəb Tayyib Ərdoğanın, Azərbaycanda isə Prezident İlham Əliyevin birgə səylərinin, inanılmaz liderliklərinin və qəti iradələrinin bir nəticəsidir. Əminəm ki, seçkilərdən sonra Türkiyə yenidən 21-ci əsrdə Türk əsrinin birlik və bərabərliyi üçün güclənərək çıxacaq. Güclü və qüdrətli bir ölkə kimi digər türk dövlətləri üçün mükəmməl bir istiqamət olacaqdır”.

Günel ABBASOVA

Paylaş:

Baxılıb: 613 dəfə