YAP Kəngərli rayon təşkilatının yaradılmasının 22-ci ildönümü qeyd olunub

Bakı:

27 °C

65 %

5 m/s

Əlaqə

AZ RU EN

Ana səhifə / YAP xəbərləri / YAP Kəngərli rayon təşkilatının yaradılmasının 22-ci ildönümü qeyd olunub

YAP Kəngərli rayon təşkilatının yaradılmasının 22-ci ildönümü qeyd olunub

17.07.2026 [16:07]

Yeni Azərbaycan Partiyası Kəngərli rayon Təşkilatında “Şəhərsalma və Memarlıq ili” çərçivəsində Yeni Azərbaycan Partiyası (YAP) Kəngərli rayon təşkilatının yaradılmasının 22-ci ildönümünə həsr olunmuş tədbir keçirilib.

Tədbir iştirakçıları əvvəlcə Ümummilli Lider Heydər Əliyevin rayon mərkəzində yerləşən abidəsini ziyarət edib, önünə gül dəstələri düzüb, Ulu Öndərin xatirəsini dərin ehtiramla yad ediblər.

Yeni Azərbaycan Partiyası Kəngərli rayon Təşkilatının inzibati binasında keçirilən tədbirdə əvvəlcə Azərbaycan Respublikasının Dövlət Himni səsləndirilib, Ümummilli Lider Heydər Əliyevin və Vətən uğrunda canından keçmiş şəhidlərin əziz xatirəsi bir dəqiqəlik sükutla yad edilib.

Tədbirdə Yeni Azərbaycan Partiyası Kəngərli Rayon Təşkilatının sədri Sevda Quluyeva, Kəngərli rayon İcra Hakimiyyətinin başçısı Kamal Ələkbərov , Kəngərli rayon Mərkəzi Xəstəxana ərazi partiya təşkilatının sədri Ramidə Rüstəmova, Şərur rayon Regional Mədəniyyət İdarəsinin Kəngərli sektoru ərazi partiya təşkilatının sədri İlkin Hüseynov çıxış ediblər.

Çıxışlarda Yeni Azərbaycan Partiyasının yaranma tarixindən, keçdiyi inkişaf yolundan və bu gün ölkənin ictimai-siyasi həyatında oynadığı mühüm roldan geniş bəhs olunub. Qeyd edilib ki, 1992-ci ildə xalqın tələbi, görkəmli ziyalıların təşəbbüsü və Ulu Öndər Heydər Əliyevin rəhbərliyi ilə yaradılan Yeni Azərbaycan Partiyası qısa müddət ərzində xalqın etimadını qazanan aparıcı siyasi qüvvəyə çevrilib.

Qeyd olunub ki, Ulu Öndər Heydər Əliyevin zəngin dövlətçilik təcrübəsi və uzaqgörən siyasəti ölkəmizin inkişafının əsasını qoyub. Ümummilli Liderin müəyyən etdiyi siyasi xətt bu gün Azərbaycan Respublikasının Prezidenti cənab İlham Əliyev tərəfindən uğurla davam etdirilir. Məhz bu məqsədyönlü siyasət nəticəsində Azərbaycan iqtisadi, siyasi və sosial sahələrdə böyük uğurlar əldə edib, beynəlxalq nüfuzu daha da yüksəlib. Bildirilib ki, Azərbaycanın ərazi bütövlüyünün və suverenliyinin bərpası xalqımızın tarixində mühüm qələbə kimi əbədi yaşayacaq. Yeni Azərbaycan Partiyası bundan sonra da dövlətimizin inkişafına və xalqımızın rifahına xidmət edən fəaliyyətini uğurla davam etdirəcək.

Sonra rayonun ictimai-siyasi həyatında fəal iştirakına görə bir qrup partiya fəalı fəxri fərman ilə təltif edilib.

Tədbir Yeni Azərbaycan Partiyasının Himninin səsləndirilməsi ilə başa çatıb.

Paylaş:

Baxılıb: 565 dəfə