Araşdırma aparılmalıdır

Bakı:

25 °C

73 %

2 m/s

Əlaqə

AZ RU EN

Ana səhifə / Xəbər lenti / Araşdırma aparılmalıdır

Araşdırma aparılmalıdır

17.01.2023 [10:48]

Türkiyəli ombudsman: Qərbi azərbaycanlıların vətənlərinə qayıtmaları qanuni haqlarıdır

“Azərbaycan haqlı mübarizəsi ilə Qarabağda hərbi münaqişəyə son qoydu, amma diplomatik mübarizə davam edir. Qərbi azərbaycanlıların öz vətənlərinə dönmələri də, diplomatik yolla mümkün ola bilər. Bu, onların qanuni haqlarıdır”.

“Yeni Azərbaycan”ın Türkiyə bürosuna açıqlamasında bu fikirləri Türkiyəli ombudsman Celile Özlem Tuncak bildirib.

Ombudsmanın fikrincə, 1988-ci ildə Qərbi Azərbaycandan didərgin düşmüş Azərbaycan türklərinin öz yurd-yuvalarına qayıtması zəruridir və bunun üçün də diplomatik danışıqlara ehtiyac var: “İkinci Qarabağ savaşı müddətində Türkiyənin Baş Ombudsmanı Şərəf Malkoçun rəhbərliyi ilə biz Gəncədə, Bərdədə olduq, Ermənistan tərəfindən edilən haqsız hücumların, Azərbaycan dövlətinin və vətəndaşlarının hüquq pozuntusu ilə üzləşdiklərini üzüntü ilə izlədik. 30 illik işğaldan sonra Azərbaycan qələbə çaldıqdan sonra da biz Şuşaya, Qarabağa gedib Ermənistanın törətdiyi müharibə cinayətlərinin bir daha şahidi olduq. Dağıdılıb viranə qoyulan əraziləri, məhv edilən tarixi abidələr, ətraf mühitə verdiyi zərərlər, minalanmış yerlər haqqında hesabatlar hazırlayıb beynəlxalq aləmə çatdırdıq, dünyanın hər yerində olan ombudsman həmkarlarımızı bu insan hüquqlarının pozulması faktları ilə xəbərdar etdik. Hər qatıldığımız beynəlxalq toplantılarda da bu faktları beynəlxalq ictimaiyyətə açıqlayırıq. Təbii ki, biz ombudsman olaraq hüququn yanındayıq. Və tək ombudsmanlar deyil, hər bir insana haqq uğrunda mübarizəyə dair məsuliyyət düşür. Yəni diplomatik danışıqlar yolu ilə Qərbi azərbaycanlıların vaxtilə yaşadıqları dədə-baba torpaqlarında da belə bir araşdırma aparmaq mümkündür. Qarabağda yaşayan ermənilərin Azərbaycan vətəndaşları qədər eyni hüquqa malik olduqları kimi, Qərbi azərbaycanlılar da Ermənistan vətəndaşları qədər eyni hüququ daşımalıdırlar”.

Celile Özlem Tuncak onu da bildirib ki, Azərbaycanın ərazi bütövlüyü məsələsində Türkiyə qardaşının yanında olduğu kimi, Qərbi azərbaycanlıların vətənlərinə dönmək istəyində də soydaşlarının yanında olacağına inanır: “Sevindirici olan odur ki, Türkiyə və Azərbaycan dövlətinin, dövlət başçılarının, xalqının, ordusunun birliyi olduğu kimi, ombudsmanlığı da eyni mövqedədir. Biz beynəlxalq tədbirlərdə Türkiyə qədər Azərbaycanı da önəmsəyirik. Ona görə də ümid edirəm ki, Azərbaycan necə 30 illik mübarizəsinin nəticəsini 44 gün ərzində zəfərlə taclandırdı, eləcə də danışıqlar masasında da öz prinsipial mövqeyinə nail olacaq. Biz də soydaşlarımızın öz vətənlərində yaşamaq haqqını müdafiə etmək üçün tarixi faktlara əsaslanmaqla, beynəlxalq hüququn tələblərini təkrarlatmaqla yanaşı, beynəlxalq ictimaiyyətə bunu doğru şəkildə çatdırmalıyıq. Yəni bütün bunların da yolu yenə də vurğulamaq istərdim ki, diplomatik danışıqlardan keçir”.

Sevil Hilalqızı Ünal,

Ankara

Paylaş:

Baxılıb: 554 dəfə