Dövlət Komitəsində Qərbi Azərbaycanla bağlı kitabın təqdimatı olub

Bakı:

4 °C

87 %

13 m/s

Əlaqə

AZ RU EN

Ana səhifə / Xəbər lenti / Dövlət Komitəsində Qərbi Azərbaycanla bağlı kitabın təqdimatı olub

Dövlət Komitəsində Qərbi Azərbaycanla bağlı kitabın təqdimatı olub

04.07.2025 [21:09]

Qaçqınların və Məcburi Köçkünlərin İşləri üzrə Dövlət Komitəsində “Qərbi Azərbaycan irisi: Ermənistanda azərbaycanlılara məxsus qəbiristanlıqların sistemli qaydada dağıdılmasının nəticələri və beynəlxalq hüquqi məsuliyyətə dair hesabat və materiallar” kitabının I cildinin təqdimat mərasimi keçirilib.

Bu barədə Dövlət Komitəsindən məlumat verilib.

Bildirilib ki, Komitə sədri Rövşən Rzayev tədbirdə çıxış edərək Prezident İlham Əliyevin tövsiyəsi ilə Qərbi Azərbaycan ərazisində azərbaycanlıların tarixən yaratdığı dövlətçilik ənənələri, maddi və qeyri-maddi mədəni irs, məruz qaldıqları tarixi ədalətsizliklər və cinayətlər, itirdikləri maddi-mənəvi sərvətlər haqqında davamlı tədqiqatların aparıldığını qeyd edib. Diqqətə çatdırıb ki, Qərbi Azərbaycanda soydaşlarımıza qarşı beynəlxalq hüquqazidd əməllər törədən və cəzasız qalan Ermənistan torpaqlarımızın bir hissəsini də 30 ildən çox işğal altında saxlamışdı. Dövlətimizin başçısının qətiyyətli və uzaqgörən siyasəti, şanlı Ordumuzun rəşadəti nəticəsində işğala son qoyulub, separatizmin kökü kəsilib. Beləliklə, məcburi köçkün həmvətənlərimizin öz doğma yurdlarına qayıdışına şərait yaranıb. Hazırda soydaşlarımızın Qərbi Azərbaycana qayıdışı məsələsi də regional və beynəlxalq platformalarda müzakirə olunur, bu istiqamətdə hərtərəfli iş aparılır.

Sonra Komitə sədrinin müavini Fuad Hüseynov, Regional idarəetmə və status şöbəsinin müdiri Sənan Hüseynov, Təşkilat-nəzarət və analitika şöbəsinin müdiri Nizami Hüseynov, “Vətən səsi” qəzetinin baş redaktoru Elşən Əliyev çıxış edərək, kitab haqqında müsbət fikirlər səsləndiriblər. Çıxışçılar, həmçinin azərbaycanlılara qarşı törədilmiş zorakılıqlara və amansız deportasiyaya, xalqımızın Qərbi Azərbaycanda tarixi-mədəni irsinin məhv edilməsinə görə Ermənistanın beynəlxalq müstəvidə cəzalandırılacağına, on minlərlə soydaşımızın doğma torpaqlara qayıtmaq hüququnun təmin olunacağına inamlarını ifadə ediblər.

Diqqətə çatdırılıb ki, kitab iki hissədən ibarətdir. Birinci hissədə hesabatın məqsədi və tədqiqatın predmeti müəyyən edilib, tədqiqatın metodologiyasından bəhs olunub. Kitabın ikinci hissəsində isə Qərbi Azərbaycanın hər bir rayonu üzrə qəbiristanlıqların yerləşdiyi kəndlərin tarixi inkişafı, demoqrafik göstəriciləri, kəndlə bağlı toponimik və inzibati dəyişikliklər, əhalinin köç və deportasiya prosesi və digər mədəni irs obyektlərinin mövcud vəziyyəti sistemli şəkildə təqdim edilir.

Tədbirdə Qərbi Azərbaycanla bağlı videoçarx da nümayiş olunub.

Qeyd edək ki, nəşrin 5 cilddən ibarət olması nəzərdə tutulur. Kitab Azərbaycan, ingilis, rus dillərində çap edilib.

Paylaş:

Baxılıb: 248 dəfə