Təbriz qəzeti 20 Yanvar faciəsi barədə məqalə dərc edib

Bakı:

8 °C

87 %

12 m/s

Əlaqə

AZ RU EN

Ana səhifə / Xəbər lenti / Təbriz qəzeti 20 Yanvar faciəsi barədə məqalə dərc edib

Təbriz qəzeti 20 Yanvar faciəsi barədə məqalə dərc edib

20.01.2025 [18:47]

Təbrizin “Nəsr” qəzetində 20 Yanvar faciəsinin 35-ci ildönümü ilə əlaqədar geniş məqalə dərc edilib.

Azərbaycanın Təbrizdəki baş konsulluğundan AZƏRTAC-a bildirilib ki, məqalədə bu dəhşətli faciənin ölkəmizdə Ümumxalq Hüzn Günü kimi qeyd olunduğu diqqətə çatdırılıb.

Təbriz ictimaiyyətinə 1990-cı il yanvarın 20-də sovet qoşun hissələrinin paytaxt Bakıda və Azərbaycanın digər şəhərlərində dinc əhaliyə divan tutması, torpaqlarının müdafiəsi və müstəqilliyi uğrunda mübarizəyə qalxan dinc insanları vəhşicəsinə qətlə yetirməsi barədə müfəssəl məlumat verilib.

Məqalədə vurğulanıb ki, həmin ağır günlərdə özünün və ailə üzvlərinin həyatını təhlükəyə atan Ümummilli Lider Heydər Əliyev Azərbaycanın Moskvadakı daimi nümayəndəliyinə gələrək kommunist rejiminin Azərbaycanda törətdiyi qanlı aksiyanı qətiyyətlə pisləyib, günahsız insanların qətlə yetirilməsinə etirazını bildirib və törədilmiş cinayətə görə məsuliyyət daşıyanların cəzalandırılmasını tələb edib. O, faciəni törədənləri, şəxsən Mixail Qorbaçovu kəskin ittiham edib, qoşunların Bakıdan dərhal çıxarılması tələbini irəli sürüb. “Ulu Öndərin tarixi bəyanatı həm də Moskvada, imperiyanın mərkəzində 20 Yanvar faciəsinə verilən ilk siyasi qiymət idi. Görkəmli dövlət xadimi Heydər Əliyevin səsləndirdiyi bəyanat qanlı hadisələr haqqında obyektiv reallığın dünya ictimaiyyətinə çatdırılması istiqamətində atılmış ən ciddi addım olmaqla yanaşı, həm də Azərbaycanın zor gücünə salındığı informasiya blokadasının yarılması və dağıdılması baxımından misilsiz əhəmiyyətə malik hadisə oldu. Məhz Ulu Öndərin siyasi iradəsi sayəsində 20 Yanvar hadisələri öz hüquqi və siyasi qiymətini aldı. Ümummilli Lider Heydər Əliyevin təşəbbüsü ilə Naxçıvan Muxtar Respublikasının Ali Məclisi 20 Yanvar faciəsinə ilk siyasi qiymət verən 21 noyabr 1990-cı il tarixli qərar qəbul etdi”, -deyə yazıda bildirilib.

Məqalədə əlavə olunub ki, xalqın çağırışı ilə ikinci dəfə siyasi hakimiyyətə qayıdan Ümummilli Lider Heydər Əliyevin təşəbbüsü ilə 20 Yanvar şəhidlərinin xatirəsinin əbədiləşdirilməsi məqsədilə Şəhidlər xiyabanında “Əbədi məşəl” abidə kompleksi ucaldılıb və onun 17 yanvar 2000-ci il tarixli Sərəncamı ilə faciə qurbanlarına “20 Yanvar şəhidi” adı verilib. Eyni zamanda, Ümummilli Liderin təşəbbüsü və göstərişləri ilə 1994-cü ilin mart ayının 29-da parlament “1990-cı il yanvarın 20-də Bakıda törədilmiş faciəli hadisələr haqqında” Qərar qəbul edib. Beləliklə, 20 Yanvar faciəsi məhz Ulu Öndər Heydər Əliyevin prinsipial və ardıcıl mübarizəsindən sonra öz siyasi-hüquqi qiymətini alıb”.

Paylaş:

Baxılıb: 343 dəfə