İmişli rayon Ağsaqqallar Şurasının üzvləri ilə görüş keçirilib

Bakı:

16 °C

88 %

5 m/s

Əlaqə

AZ RU EN

Ana səhifə / Xəbər lenti / İmişli rayon Ağsaqqallar Şurasının üzvləri ilə görüş keçirilib

İmişli rayon Ağsaqqallar Şurasının üzvləri ilə görüş keçirilib

09.08.2024 [13:41]

İmişli rayon Ağsaqqallar Şurasının akt zalında Şuranın İdarə Heyətinin iclası keçirilib. İclasda gündəlikdə duran bir sıra təşkilati məsələlərə baxılıb, ikinci yarımil üçün iş planı müzakirə edilib. İş planının ayrı-ayrı maddələrinin üzərində xüsusi ilə dayanılaraq İdarə Heyəti üzvlərinin həmin maddələrə münasibətləri müəyyənləşdirilərək yekun qərar qəbul edilib. İclasda Bəhrəmtəpə qəsəbə Ağsaqqallar Şurası İdarə Heyətinin tərkibinin daha da genişləndirilməsi və yeni üzvlərin seçilməsi məsələsi də müzakirə olunub.
İclasa sədrlik edən İmişli rayon Ağsaqqallar Şurasının sədri Saleh Səmədov rayonun ictimai, siyasi həyatında ağsaqqalların əhəmiyyətli rolundan danışıb. Qeyd edib ki, gənclərimizin dövlətə, dövlətçiliyə və xalqa sədaqət, o cümlədən milli-mənəvi dəyərlərə hörmət və vətənpərvərlik ruhunda, sağlam təməl üzərində yetişdirilməsi işində ağsaqqallara həmişə böyük ehtiyac duyulub. Saleh Səmədov qeyd edib ki, rayon ağsaqqallar şurasının üzvləri Ulu öndər Heydər Əliyevin layiqli davamçısı Prezident İlham Əliyevin hər zaman xalqın mənafeyinə xidmət edən daxili və xarici siyasətini ürəkdən dəstəkləyir, gənc nəslin milli adət-ənənələrə, azərbaycançılıq məfkurəsinə bağlılıq ruhunda tərbiyəsi işinə xüsusi diqqət yetirir, dinamik inkişafda olan ölkəmizin parlaq gələcəyi naminə qüvvə, bilik və bacarıqlarını əsirgəmirlər. Təşkilati məsələ ilə bağlı fikir bildirən natiq qeyd edib ki, Bəhrəmtəpə qəsəbəsi üzrə əhalinin sayının çoxluğunu nəzərə alaraq Qəsəbə Ağsaqqallar Şurasının İdarə Heyətinin tərkibinin genişləndirilməsi və yeni üzvlərin cəlb edilməsi zərurəti yaranıb. Həmçinin, sədr Saleh Səmədov idarə heyətinin üzvlərinə İmişli rayon Ağsaqqallar Şuarı sədrinin köməkçisi təyin olunmuş Ramiz Əliyevi tədqim edib.
Yeni təyin olunmuş köməkçi Ramiz Əliyev göstərilən etimada görə Saleh Səmədova minnətdalığını bildirib.
Digər çıxış edənlər qeyd ediblər ki, xalqımızın mənəvi dünyasında, milli mentalitetində ağsaqqal, ağbirçək sözü, xeyir-duası həmişə ali həyat məramı olub. O, bildirib ki, həmişə ağsaqqal sözünün hikmətinin böyüklüyünə yüksək qiymət verən, onları cəmiyyətin ən fəxarətli üzvləri kimi qəbul edən Ulu Öndərin respublika ağsaqqallarına göstərdiyi diqqət və qayğı indi cənab Prezident İlham Əliyev tərəfindən yüksək səviyyədə davam etdirilir. Daha sonra digər təşkilatı məsələlərə baxılıb. Tədbirdən sonra İmişli rayon Ağsaqqallar Şurasına əlil arabasıyla təmin olunmasına köməklik göstərilməsi ilə bağlı müraciət ünvanlamış İmişli rayonu Sarıxanlı kənd sakini, İkinci Qarabağ müharibəsi şəhidi Musayev Alikin anası Əliyeva Güllər Balabəy qızına Şura sədri Saleh Səmədovun dəstəyilə araba alınaraq yaşadığı evdə təqdim edilmişdir.

Paylaş:

Baxılıb: 739 dəfə