Xarici siyasətin prioritet istiqaməti

Bakı:

24 °C

78 %

4 m/s

Əlaqə

AZ RU EN

Ana səhifə / YAP xəbərləri / Xarici siyasətin prioritet istiqaməti

Xarici siyasətin prioritet istiqaməti

19.10.2023 [11:29]

Keçmiş SSRİ ölkələrinin əksəriyyətinin birləşdiyi dövlətlərarası birlik olan Müstəqil Dövlətlər Birliyi 8 dekabr 1991-ci ildə yaradılmışdır. Təşkilatın qərargahı Minsk şəhərində yerləşir. İlkin dövrdə 3 dövlət- Rusiya, Ukrayna, Belarusiya tərəfindən qurulmuşdur.
Ölkəmiz 21 dekabr 1991-ci ildə Alma-Atada Rusiya, Ukrayna və Belarusiya ilə birlikdə MDB-yə qoşulmaq haqqında razılığa gəlsələrdə Azərbaycan Parlamenti bu qərarı yalnız 1993-cü ilin sentyabrında ratifikasiya etdi və MDB-nin tam hüquqlu üzvü oldu.

Azərbaycan xalqının ümummilli lideri Heydər Əliyev MDB-nin əhəmiyyətindən bəhs edərək bildirmişdir ki, "Biz əminik ki, Azərbaycanın MDB-yə daxil olması respublikanın iqtisadiyyatının inkişaf etməsi üçün yaxşı şərait yaradacaq və biz bu imkanlardan səmərəli istifadə etməliyik. Azərbaycanın MDB-yə daxil olmasını təhlükəli bir hal kimi qələmə verməyə çalışırlar. Bu, səhv fikirdir. Azərbaycan MDB-də öz müstəqilliyini daim qoruyacaq və MDB-də iştirak etmək Azərbaycanın müstəqilliyinə qətiyyən xələl gətirməyəcəkdir. Azərbaycan müstəqil bir dövlət kimi demokratik yolla gedəcək, beynəlxalq demokratiya normalarına riayət edəcəkdir. Azərbaycanda kommunist ideologiyası, kommunist rejimi bir daha bərpa olmayacaqdır. Güman edirəm ki, Azərbaycan vətəndaşlarının əksəriyyətinin də fikri belədir. Azərbaycan Respublikası bundan sonra heç vaxt başqa bir dövlətin tərkibinə daxil olmayacaq, başqa bir dövlətin tabeliyinə düşməyəcək, öz müstəqilliyini daim qoruyacaqdır."
Heç şübhəsiz ki, Azərbaycanın MDB –nə daxil olması Ermənistanın müəyyən planlarının qarşısını almaq baxımından da olduqca əhəmiyyətli olmuşdur.
MDB çərçivəsində fəaliyyət Ulu öndər Heydər Əliyev siyasətini dövrün tələblərinə uyğun olaraq uğurla davam etdirən Prezident İlham Əliyevin də xarici siyasətinin prioritet istiqaməti olmuşdur.

MDB Dövlət Başçıları Şurasının 2011-ci il oktyabrın 18-də Sankt-Peterburqda keçirilən iclasında MDB azad ticarət zonası ilə bağlı müqavilə imzalansa da, Azərbaycan bu müqaviləni imzalamamışdır. Bununla da Azərbaycan mövqe nümayiş etdirmiş, müstəqil dövlət olduğunu və tam müstəqil siyasət yürütdüyünü bir daha nümayiş etdirmişdir.
Məlum olduğu kimi, oktyabrın 13-də Bişkekdə Müstəqil Dövlətlər Birliyi (MDB) Dövlət Başçıları Şurasının iclası keçirilib. Azərbaycan Respublikasının Prezidenti İlham Əliyev iclasda iştirak edib.
Dövlətimizin başçısı iclasda çıxış edərək Qırğızıstan və Azərbaycan arasında dostluq və qardaşlıq münasibətlərinin uğurla inkişaf etdiyini, dövlət başçılarının qarşılıqlı səfərləri zamanı əldə olunmuş razılaşmaların yerinə yetirildiyini , Azərbaycanın Qırğızıstanda investisiya layihələrini həyata keçirməyə başladığını və əməkdaşlığı dərinləşdirmək məqsədilə Azərbaycan-Qırğızıstan İnvestisiya Fondunun yaradıldığını diqqətə çatdırıb.
Prezident İlham Əliyev növbəti ildə Rusiya Federasiyasının MDB-də sədrliyinin həyata keçirilməsində Vladimir Putinə uğurlar arzulayıb.
“Humanitar sahə bizim Birliyin çərçivəsində əsas istiqamətlərdən biridir.”-deyən ölkə başçısı Azərbaycanın bu sahədə əməkdaşlığın inkişafına böyük töhfə verdiyini vurğulayıb. Preziden İlham Əliyev Azərbaycanın 2025-ci ildə üçüncü MDB Oyunlarının keçirilməsi üzrə namizədliyini dəstəklədikləri üçün həmkarlarına minnətdarlığını bildirib və əmin olduğunu qeyd etmişdir ki, üçüncü MDB Oyunları üzv ölkələr arasında idman sahəsində əməkdaşlığı möhkəmləndirəcək.

Ölkə başçısı bildirdi ki, iqtisadi əlaqələrimizin möhkəmlənməsi müsbət nəticə verir. Keçən il Azərbaycan ilə MDB ölkələri arasında əmtəə dövriyyəsinin həcmi təxminən 30 faiz artıb. Bu il artım 20 faizdən də çoxdur.

“Azərbaycan MDB-nin bir çox ölkələri üçün tranzit-nəqliyyat sahəsində etibarlı tərəfdaşdır.”- deyən Prezident İlham Əliyev qeyd edib ki, MDB-nin bir çox üzv ölkələri Şərq-Qərb və Şimal-Cənub nəqliyyat dəhlizləri üzrə Azərbaycanın tranzit imkanlarından fəal istifadə edirlər. Bu iki nəqliyyat dəhlizinin ötürmə qabiliyyətinin genişləndirilməsi üzrə həyata keçirilən və perspektiv layihələr ölkələrimizin nəqliyyat təhlükəsizliyinin möhkəmlənməsi işinə və əmtəə dövriyyəsinin artırılmasına xidmət edəcək.

Sahib Şükürov
Yeni Azərbaycan Partiyası Göyçay rayon təşkilatının sədri

Paylaş:

Baxılıb: 513 dəfə