Xəzər rayonunda Beynəlxaq Müəllimlər Günü qeyd olunub

Bakı:

22 °C

68 %

17 m/s

Əlaqə

AZ RU EN

Ana səhifə / YAP xəbərləri / Xəzər rayonunda Beynəlxaq Müəllimlər Günü qeyd olunub

Xəzər rayonunda Beynəlxaq Müəllimlər Günü qeyd olunub

06.10.2023 [11:57]

Xəzər rayonunda “5 oktyabr-Beynəlxalq Müəllimlər Günü” münasibətilə tədbir keçirilib.

Xəzər Rayon İcra Hakimiyyətinin təşkilatçılığı ilə keçirilən tədbirdə Xəzər Rayon İcra Hakimiyyətinin başçısı Elşən Salahov, YAP Xəzər Rayon Təşkilatının sədri Namiq Əhmədov, Təhsil İşçiləri Azad Həmkarlar İttifaqının Xəzər rayon şöbəsinin sədri Həzərxan Əbilov, Rayon İcra Hakimiyyətinin məsul əməkdaşları və Xəzər rayonunun təhsil ictimaiyyətinin nümayəndələri iştirak ediblər.
Tədbir iştirakçıları əvvəlcə Xəzər Rayon İcra Hakimiyyətinin inzibati binası önündə ucaldılmış Ümummilli lider Heydər Əliyevin abidəsini ziyarət edib, dahi şəxsiyyətin əziz xatirəsini dərin ehtiramla yad edərək abidə önünə gül dəstələri qoyublar.
Mərdəkan Mədəniyyət Sarayının Lektoriya zalında davam edən tədbirdə ilk öncə Vətənimizin ərazi bütövlüyü uğrunda canlarından keçən şəhidlərimizin əziz xatirəsi bir dəqiqəlik sükütla yad edilib. Daha sonra Xəzər Rayon İcra Hakimiyyətinin başçısı Elşən Salahov tədbiri açıq elan edərək bu əlamətdar gün münasibəti ilə təhsil işçilərini təbrik edib, onlara çətin və şərəfli işlərində uğurlar arzulayıb.
Çıxışında rayon rəhbəri bildirib ki, Ulu öndər Heydər Əliyevin layiqli davamçıları olan ölkə başçısı cənab İlham Əliyev və Heydər Əliyev Fondunun prezidenti Mehriban xanım Əliyevanın dəstək və qayğısı nəticəsində ölkəmizdə təhsilin maddi-texniki bazasının möhkəmləndirilməsi istiqamətində mühüm işlər görülüb və bugün də bu işlər davam etdirilir. Bunun təzahürü kimi rayon ərazisində yeni təhsil müəssisələrinin inşa edilərək istifadəyə verilməsi, eyni zamanda mövcud təhsil müəssisələrində aparılmış əsaslı təmir işlərini, gənclərimizin yüksək səviyyədə təhsil almasına və müstəqil ölkəmizin layiqli vətəndaşları olmalarına şərait yaradıldığını qeyd edib, eyni zamanda 2023-2024-cü tədris ili üçün ali məktəblərə qəbul imtahanı zamanı Xəzər rayon məzunlarının yüksək nəticə göstərdiyini vurğulayıb.
YAP Xəzər Rayon Təşkilatının sədri Namiq Əhmədov və digər çıxışçılar ölkə rəhbərliyinin təhsil sahəsinə diqqət və qayğısından, aparılan islahatlardan danışıb, 44 günlük Vətən Müharibəsində ərazi bütövlüyümüzün bərpası naminə gənclərimizin göstərdiyi qəhrəmanlıqlardan, onların şücaətindən söhbət açıblar.
Tədbir iştirakçılarından çıxış edən Mədəniyyət və Sənətkarlıq üzrə Bakı Dövlət Peşə Təhsil Mərkəzinin direktoru Pərviz Həmzəyev, 149 №-li tam orta məktəbin direktoru Rəhilə Baxşıyeva, 262 №li tam orta məktəbin direktoru Kəmalə Babayeva və digərləri rayon müəllimləri adından təhsil sahəsinə göstərilən yüksək diqqət və qayğıya görə dövlət başçısına minnətdarlıqlarını bildiriblər.
Sonra təhsilin inkişafindakı xidmətlərinə görə fərqlənən bir qrup təhsil işçisinə Xəzər RİH başçısının və YAP Xəzər Rayon Təşkilatı sədrinin Fəxri Fərman və hədiyyələri təqdim olunub.

Tədbirin sonunda xatirə şəkili çəkilib.

Paylaş:

Baxılıb: 687 dəfə