Məcburi qaçqın və köçkünlər öz doğma yurdlarına qayıdacaq

Bakı:

15 °C

94 %

0 m/s

Əlaqə

AZ RU EN

Ana səhifə / YAP xəbərləri / Məcburi qaçqın və köçkünlər öz doğma yurdlarına qayıdacaq

Məcburi qaçqın və köçkünlər öz doğma yurdlarına qayıdacaq

07.10.2022 [16:22]

Möhtərəm Prezidentimiz cənab İlham Əliyevin və birinci vitse-prezident Mehriban Əliyevanın cari ilin oktyabr ayının 4-də Ağdam rayonuna səfəri bir daha göstərdi ki, işğaldan azad olunmuş bölgələrimizin yenidən qurulması dövlətin ən vacib məsələlərindəndir. Ölkə başçısının və vitse-prezidentin yeni çəkilən Bərdə-Ağdam avtomobil yolunda aparılan işlərlə tanış olmaları və digər təməlqoyma mərasimlərində iştirak etmələri Ağdam rayonunun və eləcə də işğaldan azad olunmuş bölgələrimizin yaxın vaxtlarda daha gözəl formada bərpa olunacağına əminliyidir.

Azərbaycan Respublikasının Prezidenti cənab İlham Əliyev Ağdamda Ermənistanın Azərbaycana qarşı ərazi iddiasına, elan etmədən başladığı ədalətsiz müharibəyə beynəlxalq təşkilatların münasibətlərinə də bir daha aydınlıq gətirib. Reallıq ondan ibarətdir ki, BMT təhlükəsizlik Şurasının, ATƏT-in Minsk qrupuna daxil olan dövlətlərin 30 ilə həll edə bilmədiyi və yaxud həll etmək istəmədiyi problemi Azərbaycan Ordusu 44 gün ərzində həll etdi.

Hazırda keçmiş məcburi köçkün və qaçqınları öz doğma yurdlarına tez bir zamanda geri qaytarmaq üçün genişmiqyaslı işlər görülür. Lakin genişmiqyaslı işlərlə yanaşı, ən böyük çətinliklərdən biri ərazilərin minalardan təmizlənməsidir.İşin ən çətin tərəfi də minaların təmizlənməsidir. Müharibə iki il bundan əvvəl başa çatmasına baxmayaraq yüzlərlə vətəndaşəmız minaların partlaması nəticəsində həlak olub və ya ağır yaralanıb. Millətimiz ciddi humanitar böhrandan əziyyət çəkib. Çünki Ermənistanın təcavüzü və işğalı nəticəsində Qarabağ, Zəngəzur, həmçinin bugünkü Ermənistanda 1 milyondan çox azərbaycanlı öz doğma torpaqlarından zorla qovulmuşlar.

İkinci Qarabağ müharibəsi başa çatandan sonra dünyanın bir çox dövlətlərindən olan nümayəndələr, jurnalistlər, siyasətçilər, vətəndaş cəmiyyətinin nümayəndələri buraya gələrək törədilmiş vəhşiliyi öz gözləri ilə görüblər. Erməni barbarlığı və vandalizminin miqyası faktiki olaraq o qədər böyükdür ki, Azərbaycanın bu hissəsinə gələn bir çox insanlar özlərini mənəvi cəhətdən tamamilə tükənmiş hiss edirlər. Siz bizim, azərbaycanlıların, xüsusilə Ağdam, Füzuli, Azərbaycanın işğal altında olmuş digər ərazilərində yaşamış insanların buraya gələndə nə hiss etdiklərini təsəvvürünüzə gətirə bilərsiniz. Onlar hətta evlərinin yerləşdiyi yeri belə tapa bilmirlər, çünki hər şey tamamilə dağıdılmışdır..

İşğalçılıq siyasəti yürütməklə Ermənistanın əsas hədəfi de-fakto vəziyyəti yerində dəyişmək və bununla Azərbaycanla danışıqlar prosesini sonsuz etmək idi. Məhz buna görə danışıqlar heç bir nəticə olmadan 28 il davam etdi. Nəticə faktiki olaraq sıfır idi. BMT, ATƏT kimi aparıcı beynəlxalq təşkilatların Ermənistan qoşunlarının Azərbaycan ərazilərindən dərhal və qeyd-şərtsiz çıxarılmasını tələb edən qətnamə və qərarlar qəbul etməsinə baxmayaraq,bu qərarlar 30 il ərzində kağız üzərində qaldı.

Ən çox təəssüf doğuran odur ki, ATƏT-dən mandatı olan Minsk qrupu, onun həmsədrləri işğal olunmuş ərazilərə dəfələrlə səfərlər edib, bütün şəhər və kəndlərin qəddarcasına dağıdılmasının, ermənilərin bizim torpaqlarımızda qanunsuz məskunlaşdırılmasının şahidi olublar, lakin Ermənistanı qınamayıblar. Azərbaycan artıq bu haqsızlığa dözə bilməzdi.27 sentyabr 2022 cil tarixdə Ermənilərin növbəti təxribatının qarşısı müzəffər Ali Baş Komandanımızın rəhbərliyi ilə yenilməz Azərbaycan ordusu tərəfindən 44 gün ərzində həll olundu.

Tam əminik ki,Möhtərəm Prezidentimizin apardıgı məqsədyönlü siyasət nəticəsində işğaldan azad olunmuş torpaqlarımız tamamilə bərpa olunacaq, məcburi köçkünlərimiz öz dədə baba yurdlarına qayıdacaqdır.

YAP Tərtər rayon təşkilatının sədri Eldar Əsədov

Paylaş:

Baxılıb: 613 dəfə