YAP Xətai rayon təşkilatı ərazi partiya təşkilatlarının hesabat-seçki yığıncaqları davam edir

Bakı:

25 °C

69 %

4 m/s

AZ RU EN

Ana səhifə / YAP xəbərləri / YAP Xətai rayon təşkilatı ərazi partiya təşkilatlarının hesabat-seçki yığıncaqları davam edir

YAP Xətai rayon təşkilatı ərazi partiya təşkilatlarının hesabat-seçki yığıncaqları davam edir

28.12.2021 [17:41]

Dekabrın 28-də Yeni Azərbaycan Partiyası Xətai rayon təşkilatı Məhəmməd Hadi küçəsi 15 və Qaçaq Nəbi küçəsi 6A ünvanlarında yerləşən ərazi partiya təşkilatlarında hesabat-seçki yığıncaqlarını keçirib. Hesabat məruzələri dinlənilib, çıxışlar əsasında ərazi partiya təşkilatlarının hesabat dövründəki fəaliyyəti dəyərləndirilib.

Yığıncaqlarda çıxış edən Yeni Azərbaycan Partiyası Xətai rayon təşkilatının sədri Vüqar Rəhimzadə ötən hər bir ilin Azərbaycanın tarixinə mühüm hadisələr yazdığını bildirib: “Qürurvericidir ki, müasir müstəqil Azərbaycanımızın bu günündən dünəninə baxanda biri-birindən əhəmiyyətli uğurları görür və onların əsasında sabaha böyük inamla irəliləyirik. Zaman, dövr dəyişir. Əsas olan düzgün qurulan və gələcəyə hesablanmış siyasət nəticəsində dövrün tələblərinə uyğun hədəfləri müəyyənləşdirmək və onlara yüksək səviyyədə nail olmaqla ölkənin hərtərəfli inkişafını təmin etməkdir. 1993-cü ildə ulu öndər Heydər Əliyevin xalqın təkidli tələbi ilə hakimiyyətə qayıdışından sonra başlanan yol Azərbaycana möhtəşəm uğurlar qazandırır. Ölkəmiz sabitlik diyarı kimi dünyanın diqqətindədir. Bu amil həm ölkəmizin daxildə inkişafına, həm də beynəlxalq almdə nüfuzuna müsbət təsirini göstərir. Bütün bu uğurlarımız tarixi Zəfərimizə yol açdı.”

Vüqar Rəhimzadə iqtisadiyyatını düzgün əsaslar üzrində quran Azərbaycanın dayanıqlı inkişafından geniş bəhs edib. Bildirib ki, bu inkişaf əhalinin sosial müdafəsinin gücləndirilməsinə hər zaman öz müsbət təsirini göstərir. Dövlət başçısı İlham Əliyevin 2022-ci ilin ilk sosial paketinə daxil olan Fərman və sərəncamlarına diqqət yetirmək kifayətdir. Atılan bu addımlar vətəndaş amilinə verilən dəyəri bir daha təsdiqləyir.

YAP Xətai rayon təşkilatının sədri ulu öndər Heydər Əliyevin yaradıcısı olduğu, möhtərəm Prezidentimiz İlham Əliyevin Sədri olduğu Yeni Azərbacan Partiyasının cəmiyyətdə artan nüfuzundan, siyasi çəkisindən geniş bəhs edərək bilbirib ki, partiya xalqımızın istək və arzularının ifadəçisi kimi çıxış edir, qəbul etdiyi qərarları ilə daim dövlətimizin qüdrətlənməsinə, xalqımızın rifah halının daha da yaxşılaşdırılmasına çalışır: “Partiyanın tarixi Zəfərimizin sevincini yaşadığımız zamanda, bu ilin martında keçirilən VII qurultayı bütövlükdə qarşıdakı dövrün ümumi mənzərəsini təqdim edir. Həmin qurultayda ölkə Prezidenti, YAP Sədri İlham Əliyevin nitqində qarşıda dayanan vəzifələr öz əksini tapmışdır. 2022-ci il ölkəmiz üçün, Yeni Azərbaycan Partiyası üçün böyük uğurlar vəd edir.”

Sonra hesabat-seçki yığıncağında təşkilati məsələlərə baxılıb. Fəridə Əzizova Məhəmməd Hadi küçəsi 15 ünvanında yerləşən ərazi partiya təşkilatının sədri, Cəmilə Hüseynova sədr müavini, Mehri İsmayılova Qaçaq Nəbi küçəsi 6A ünvanında yerləşən ərazi partiya təşkilatının sədri, Rafiq Məmmədov isə sədr müavini seçiliblər.

YAP Xətai rayon təşkilatının sədri Vüqar Rəhimzadə yeni tərkiblərə fəaliyyətlərində uğurlar arzulayıb.

Paylaş:

Baxılıb: 877 dəfə