YAP Xətai rayon ərazi partiya təşkilatlarının hesabat-seçki yığıncaqları davam edir

Bakı:

24 °C

69 %

14 m/s

Əlaqə

AZ RU EN

Ana səhifə / YAP xəbərləri / YAP Xətai rayon ərazi partiya təşkilatlarının hesabat-seçki yığıncaqları davam edir

YAP Xətai rayon ərazi partiya təşkilatlarının hesabat-seçki yığıncaqları davam edir

17.12.2021 [17:20]

Dekabrın 17-də Yeni Azərbaycan Partiyası Xətai rayon təşkilatı Seyid Əzim Şirvani küçəsi 159 və Məhəmməd Hadi küçəsi 41A ünvanlarında yerləşən ərazi partiya təşkilatlarında hesabat-seçki yığıncaqlarını keçirib. Hesabat məruzələri dinlənilib, çıxışlar əsasında ərazi partiya təşkilatlarının hesabat dövründəki fəaliyyətləri dəyərləndirilib.

Yığıncaqlarda Yeni Azərbaycan Partiyası Xətai rayon təşkilatının sədri Vüqar Rəhimzadə bildirib ki, xalq-hakimiyyət birliyi istənilən dövlətdə siyasi sabitliyi və təhlükəsizlik mühitini şərtləndirən həlledici amildir: “2003-cü ildə xalqın mütləq əksəriyyətinin dəstəyi ilə Prezident seçilən İlham Əliyev müasir dövlət quruculuğunu daxili siyasətinin prioriteti elan etdi. Dövlət başçısı ölkənin ümumi inkişaf strategiyasını müasir dövrün tələblərinə məharətlə və əsaslı şəkildə uyğunlaşdıraraq, praktikada uğurla həyata keçirdi. Azərbaycanın bütün iqtisadi sistemi yenidən quruldu. Əlbəttə ki, bu işlərin təməlini ulu öndər Heydər Əliyev qoyub. Bu gün Azərbaycan xalqının Ali Baş Komandanı, Prezident İlham Əliyevə sevgisi, inamı sonsuzdur. Ölkənin iqtisadi inkişafı təkmil sosial siyasətlə müşiyət olunur. Hər addımda özünə diqqət və qayğının şahidi olan xalqın Prezident İlham Əliyevə sevgisi şərtsizdir.”

V.Rəhimzadə onu da vurğulayıb ki, ölkə Prezidenti, Ali Baş Komandan İlham Əliyev Azərbaycan xalqının arzularını reallığa çevirən, onu inamla gələcəyə doğru aparan, xalqın rəğbət bəslədiyi və ardınca getdiyi Liderdir, qalib Sərkərdədir: “Tarixi Zəfərimizdən ötən bir ildə qalib Azərbaycan diktə edən tərəf kimi yeni reallıqlar yaradır. Kommunikasiyaların açılması və yeni əməkdaşlıq formatlarının yaradılması üçün səylər göstərilir.”

V.Rəhimzadə çıxışlarında qazanılmış uğurlarda Yeni Azərbaycan Partiyasının əhəmiyyətli payı olduğunu nəzərə çatdıraraq vurğulayıb ki, təməli ulu öndər Heydər Əliyev tərəfindən qoyulan və Prezident İlham Əliyevin Sədrliyi ilə uğurlu fəaliyyətini davam etdirən Yeni Azərbaycan Partiyası ötən 30 il ərzində çoxsaylı tarixi əhəmiyyətli uğurlara imza atıb: “Partiya tarixin ciddi sınaqlarından uğurla çıxaraq bu illər ərzində inkişaf edib, möhkəmlənib, ildən-ilə öz sıralarını genişləndirərək xalqın partiyasına çevrilib. Partiyanın qəbul etdiyi qərarlar, irəli sürdüyü təşəbbüslər xalq tərəfindən dəstəklənir. Sözlə əməlin birliyi partiyanı cəmiyyətin avanqard qüvvəsinə çevirib.”

Sonra hesabat-seçki yığıncaqlarında təşkilati məsələlərə baxılıb. Şəlalə Səfərova Məzahir Rüstəmov 29 ünvanda yerləşən ərazi partiya təşkilatının sədri, Şövqi Zeynalov sədr müavini, Asif Məcidov Seyid Əzim Şirvani küçəsi 159 ünvanında yerləşən ərazi partiya təşkilatının sədri, Zivər Pənahova sədr müavini, Həmidə Məmmədova Məhəmməd Hadi küçəsi 41A ünvanında yerləşən ərazi partiya təşkilatının sədri, Venera Ələsgərova isə sədr müavini seçiliblər.

Qeyd edək ki, YAP Xətai rayon təşkilatının Seyid Əzim Şirvani küçəsi 159/2 ünvanında yeni ərazi partiya təşkilatı yaradılıb. Şahin Qurbanov yeni yaradılan ərazi partiya təşkilatının sədri, Şəmsəddin Xudaverdiyev isə sədr müavini seçiliblər.

YAP Xətai rayon təşkilatının sədri Vüqar Rəhimzadə yeni tərkiblərə fəaliyyətlərində uğurlar arzulayıb.

Paylaş:

Baxılıb: 996 dəfə