Heydər Əliyev
yeni azerbaycan logo

Ana səhifə / YAP xəbərləri / Samuxda şəhid bulağının açılışı olub

Samuxda şəhid bulağının açılışı olub

24.11.2021 [11:23]

Samux şəhərində Vətən müharibəsi şəhidləri  Elvin Məmmədzadə, Pərviz Rüstəmov, Nürəddin Hümbətovun, Ayxan Musayevin  xatirəsinə inşa olunan şəhid bulağının açılışı olub. Bu münasibətlə keçirilən mərasimdə Samux Rayon İcra Hakimiyyətinin başçısı Alı Qocayev, YAP Samux rayon təşkilatının sədri Gündüz Bayramov, hüquq-mühafizə orqanlarının rəhbərləri, şəhidilərimizin ailə üzvləri və kənd ictimaiyyətinin nümayəndələri iştirak ediblər.

 Əvvəlcə, Azərbaycan Respublikasının dövlət himni səsləndirilib. Daha sonra çıxış edənlər ötən il sentyabrın 27-də başlayan və tarixə 44 günlük müharibə kimi düşən Vətən müharibəsindən, Azərbaycan Ordusunun qazandığı şanlı Qələbədən, şəhidlərin gənclərə nümunə olan qısa, lakin şərəfli ömür yolundan danışıblar. Azərbaycan Prezidenti, Müzəffər Ali Baş Komandan İlham Əliyevin rəhbərliyi ilə torpaqlarımızın işğaldan azad edildiyi bildirilib, Qələbənin tarixi əhəmiyyəti xüsusi vurğulanıb.

 Qeyd edilib ki, Elvin, Pərviz, Nürəddin və Ayxan kimi igid oğullarımızın sayəsində Azərbaycan Ordusu Ali Baş Komandan İlham Əliyevin rəhbərliyi altında Zəfər Gününü tarixə yazıb. Qələbə sevincini yaşadan şəhidlərin xatirəsi xalqımızın qəlbində daim yaşayacaq.

Tədbirdə məktəblilər Vətənə, ordumuza, şəhidlərimizə həsr olunan şerlər söyləyiblər. Şəhidlərimizin  ailə üzvləri göstərilən diqqət və qayğıya görə ölkə Prezidenti, Ali Baş Komandan cənab İlham Əliyevə minnətdarlığını bildiriblər.

 

Paylaş
Baxılıb: 95 dəfə

Xəbər lenti

Hamısına bax

Manata inam artır

27 Noyabr 10:15

ARXİV
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30