YAP Gənclər Birliyi “İşğaldan azad olunmuş ərazilərdə ekoloji vəziyyətin bərpasında gənclərin rolu” mövzusunda görüş keçirib

Bakı:

24 °C

57 %

3 m/s

AZ RU EN

Ana səhifə / YAP xəbərləri / YAP Gənclər Birliyi “İşğaldan azad olunmuş ərazilərdə ekoloji vəziyyətin bərpasında gənclərin rolu” mövzusunda görüş keçirib

YAP Gənclər Birliyi “İşğaldan azad olunmuş ərazilərdə ekoloji vəziyyətin bərpasında gənclərin rolu” mövzusunda görüş keçirib

07.05.2021 [08:48]

Mayın 6-da Yeni Azərbaycan Partiyasının (YAP) Gənclər Birliyi “İşğaldan azad olunmuş ərazilərdə vəziyyətin bərpasında gənclərin rolu” mövzusunda görüş keçirib.
Görüşdə Yeni Azərbaycan Partiyasının Təftiş Komissiyasının üzvü, Milli Məclisin Təbii ehtiyatlar, energetika və ekologiya komitəsinin sədri Sadiq Qurbanov iştirak edib.
Yeni Azərbaycan Partiyasının Gənclər Birliyinin sədri Bəxtiyar İslamov tədbiri giriş nitqi ilə açaraq belə görüşlərin əsas məqsədinin YAP Gənclər Birliyi üzvlərinin bilik və təcrübələrinin artırılması olduğunu vurğulayıb. Bəxtiyar İslamov qeyd edib ki, 44 günlük Vətən müharibəsində qazanılan qələbədən sonra işğaldan azad edilmiş torpaqların bərpası, o cümlədən ekoloji vəziyyətin yaxşılaşdırılması əsas vəzifələrdən biridir. O qeyd edib ki, “İşğaldan azad olunmuş ərazilərdə vəziyyətin bərpasında gənclərin rolu” mövzusunda keçirilən görüş gənclər üçün olduqca faydalı olacaq.
Görüşdə çıxış edən Yeni Azərbaycan Partiyasının Təftiş Komissiyasının üzvü, Milli Məclisin Təbii ehtiyatlar, energetika və ekologiya komitəsinin sədri Sadiq Qurbanov əvvəlcə Ümummilli Lider Heydər Əliyevin tarixi xidmətlərindən bəhs edib. Bildirib ki, Ulu Öndər Heydər Əliyev hər zaman gənclərə yüksək diqqət, qayğı göstərib və həmin siyasi kurs ölkə başçısı cənab İlham Əliyev tərəfindən uğurla davam etdirilir: “Ulu Öndərin həyat fəlsəfəsinin, Onun müstəqil dövlətçilik və azərbaycançılıq məfkurəsinin dərindən öyrənilməsi, geniş təbliğ olunması və hərtərəfli inkişaf etdirilməsi Azərbaycanımızın işıqlı gələcəyinin əsas prioritetlərindəndir. Ulu Öndər Heydər Əliyev müasir dövlətimizin ideoloji-siyasi əsaslarını milli-mənəvi dəyərlər əsasında yaradaraq, onu real həyatda gerçəkləşdirib. Böyük rəhbərin dövlətçiliyimizin ən ağır günlərində göstərdiyi qətiyyət və iradə sonsuz Vətən sevgisinin parlaq nümunəsidir”.
Sadiq Qurbanov qeyd edib ki, ərazilərimizin işğaldan azad olunmasında və hazırkı bərpa-yenidənqurma prosesində gənclərin yaradıcı düşüncələrinə, kreativ ideyalarına geniş ehtiyac duyulur: “Qarabağın bərpasında cəmiyyətin hərəkətverici qüvvəsi kimi gənclərin üzərinə vacib vəzifələr düşür. Qarabağa Böyük Qayıdış prosesində gənclərin rolu isə xüsusi önəm kəsb edir. Azərbaycan Respublikasının Prezidenti cənab İlham Əliyev işğaldan azad olunan əraziləri “Yaşıl zona” elan edib. Orada “Ağıllı kənd”, “Ağıllı şəhər” layihələrinin icrasına başlanılıb. Bu istiqamətdə gənclərin üzərinə böyük vəzifələr düşür”.
Daha sonra komitə sədri gənclərin suallarını cavablandırıb. Görüş diskussiya şəraitində davam edib.

Paylaş:

Baxılıb: 839 dəfə