Sədaqət Şahi: Prezident İlham Əliyevin həyata keçirdiyi siyasətin mərkəzində məhz Azərbaycan vətəndaşı dayanır

Bakı:

23 °C

56 %

3 m/s

AZ RU EN

Ana səhifə / YAP xəbərləri / Sədaqət Şahi: Prezident İlham Əliyevin həyata keçirdiyi siyasətin mərkəzində məhz Azərbaycan vətəndaşı dayanır

Sədaqət Şahi: Prezident İlham Əliyevin həyata keçirdiyi siyasətin mərkəzində məhz Azərbaycan vətəndaşı dayanır

14.08.2020 [11:44]

“Dünyanı bürüyən yeni koronavirus infeksiyası ölkələri kəskin böhran və itkilərlə, sosial-iqtisadi problemlərlə üz-üzə qoyub. Bir çox inkişaf etmiş dövlətlərdə pandemiya qurbanlarının sayı yüz minlərlədir, səhiyyə sistemi çökmüş vəziyyətdədir. Ciddi sınaq qarşısında qalan hər bir dövlət öz imkanlarından maksimum istifadə etməklə vəziyyətdən çıxış yolları axtarmaqdadır. Azərbaycanda bu istiqamətdə böyük işlər görülür. Dünyada mövcud olan belə bir ağır dövrdə ölkəmiz bu çətin imtahandan uğurla çıxmaqdadır”.
Bu fikirləri Yeni Azərbaycan Partiyası (YAP) Surxanı rayon təşkilatının Qadınlar Şurasının üzvü Sədaqət Şahi deyib.
S.Şahinin sözlərinə görə, Prezident İlham Əliyevin həyata keçirdiyi siyasətin mərkəzində Azərbaycan vətəndaşı dayanır: “Dövlət başçısının bu siyasəti əhalinin sağlamlığının qorunması üçün kompleks tədbirlərlə yanaşı, çevik və genişmiqyaslı sosial dəstək proqramlarının həyata keçirilməsinə şərait yaradır”.
O deyib ki, dövlət başçısı İlham Əliyev koronavirus pandemiyası ilə mübarizə sahəsində görülən tədbirlər və sosial iqtisadi vəziyyət ilə bağlı videokonfrans formatında avqustun 6-da keçirilən müşavirədə koronavirusa qarşı mübarizə işində müsbət dinamikanın əldə olunduğunu vurğulayıb: “Azərbaycan Prezidenti onu da diqqətə çatdırıb ki, bu gün 46 xəstəxana ancaq koronavirus xəstələrinə xidmət göstərir. İyulun 16-dan bu günə qədər müşahidə olunan müsbət dinamika deməyə əsas verir ki, görülmüş bütün tədbirlər məhz vaxtında düzgün atılmış addımların məntiqi nəticəsidir”.
“Cənab Prezident müşavirədə əmin olduğunu bildirib ki, biz postpandemiya dövrü üçün nəzərdə tutulan məqsədlərə yüksək səviyyədə nail olacağıq. Koronavirusla mübarizə çərçivəsində Azərbaycan dövlətinin əsas vəzifəsi xəstəliyin yayılmasının qarşısını almaqdır. Ölkə vətəndaşları da bu işə töhfə verməlidir. Əgər qəbul olunan qaydalara əməl etsək, tibbi göstərişlərə düzgün riayət etsək, özümüzün və ətrafdakıların sağlamlığını düşünsək, pandemiya ilə mübarizədə qalib gələ bilərik. Mən təcrübəli səhiyyə işçisi kimi vətəndaşlarımızı dövlət tərəfindən keçirilən tədbirlərə yaxından dəstək olmağa, xüsusi karantin rejiminin qaydalarına, Nazirlər Kabineti yanında Operativ Qərargahın tələb və tövsiyələrinə riayət etməyə çağırıram”, - deyə S.Şahi vurğulayıb.

Paylaş:

Baxılıb: 659 dəfə