Mirsüleyman Mirxaslı: Koronavirusa qarşı mübarizədə beynəlxalq həmrəyliyin gücləndirilməsi məqsədilə təşəbbüslər məhz Azərbaycan Prezidenti tərəfindən irəli sürülüb

Bakı:

16 °C

72 %

7 m/s

AZ RU EN

Ana səhifə / YAP xəbərləri / Mirsüleyman Mirxaslı: Koronavirusa qarşı mübarizədə beynəlxalq həmrəyliyin gücləndirilməsi məqsədilə təşəbbüslər məhz Azərbaycan Prezidenti tərəfindən irəli sürülüb

Mirsüleyman Mirxaslı: Koronavirusa qarşı mübarizədə beynəlxalq həmrəyliyin gücləndirilməsi məqsədilə təşəbbüslər məhz Azərbaycan Prezidenti tərəfindən irəli sürülüb

09.07.2020 [09:32]

“Bu gün təkcə Azərbaycan deyil, bütün dünya böyük bir sınaq qaşısındadır. Bəşəriyyət II Dünya müharibəsindən sonra növbəti böyük bir fəlakətlə, qorxunc pandemiya ilə üz-üzədir. Onun ümumbəşəri bəla olmasının, dünya üçün təhlükəlilik dərəcəsinin xarakteri pandemiyanın görünməz, gizli düşmən olmasıdır. Bunun özü COVID-19-un bütün dünyanın problemi olduğunu göstərir. Çünki bir ölkədə bu problemin minimuma endirilməsi, o ölkənin bu bəladan qurtulması anlamına gələ bilməz”.
Bu fikirləri Yeni Azərbaycan Partiyası (YAP) Cəlilabad rayon təşkilatının sədri Mirsüleyman Mirxaslı deyib.
Onun sözlərinə görə, son ayların təcrübəsi göstərdi ki, qlobal humanitar fəlakətdən və iqtisadi böhrandan xilas olmağın yeganə yolu bütün ölkələrin pandemiyaya qarşı birgə və effektiv addımlar atmasından keçir: “Yalnız bütün ölkələrin birgə səyi və çevik, koordinasiyalı addımları fəlakətin miqyasını azalda və ya ona son qoya bilər”.
M.Mirxaslı deyib ki, pandemiya ilə mübarizə istiqamətində Prezident İlham Əliyevin atdığı əməli addımlar böyük əhəmiyyət kəsb edir: “Azərbaycan dövləti bu istiqamətdə öz potensialının verdiyi imkanlardan da artıq səylər göstərir və bu səylər həm Ümumdünya Səhiyyə Təşkilatı (ÜST), həm də ayrı-ayrı ölkələr tərəfindən yüksək qiymətləndirilir. Ölkəmiz pandemiyanın yaratdığı iqtisadi-maliyyə çətinliklərinə baxmayaraq, ÜST-ə könüllü ianə ayırıb, digər ölkələrə də yardımını əsirgəmir”.
Rayon təşkilatının sədrinin sözlərinə görə, təqdirəlayiq haldır ki, koronavirusa qarşı mübarizədə beynəlxalq həmrəyliyin gücləndirilməsi məqsədilə təşəbbüslər məhz Azərbaycan Prezidenti tərəfindən irəli sürülüb: “Məlum olduğu kimi, Qoşulmama Hərəkatının Sədri olaraq Azərbaycan Prezidenti İlham Əliyev qlobal həmrəyliyin nümunəsi kimi pandemiya ilə mübarizə məqsədilə BMT Baş Assambleyasının dövlət və hökumət başçıları səviyyəsində videokonfrans vasitəsilə xüsusi sessiyasının keçirilməsini təklif edib və bu təşəbbüsə artıq dünyanın 130-dan çox dövləti dəstək verib. Şübhəsiz ki, bu hadisə xalqımız üçün qürurverici hadisə olmaqla yanaşı, eyni zamanda da dünya dövlətlərinin Azərbaycana olan böyük etimad və ehtiramının təzahürüdür”.
“Ümidvarıq ki, bütün dünya üçün həyati əhəmiyyət daşıyan xüsusi sessiya tez bir zamanda təşkil olunacaq və uğurla yekunlaşacaq, pandemiya qarşı mübarizədə dünya ölkələrinin həmrəyliyin gücləndirilməsinə yönəlmiş fəaliyyət qlobal bəladan xilas olmağımıza vəsilə olacaq”, - deyə M. Mirxaslı vurğulayıb.

Paylaş:

Baxılıb: 582 dəfə