YAP könüllüləri “Bizim həyət” layihəsinə dəstək məqsədilə “Sağlam həyat naminə birləşək” aksiyasına start veriblər

Bakı:

23 °C

56 %

3 m/s

AZ RU EN

Ana səhifə / YAP xəbərləri / YAP könüllüləri “Bizim həyət” layihəsinə dəstək məqsədilə “Sağlam həyat naminə birləşək” aksiyasına start veriblər

YAP könüllüləri “Bizim həyət” layihəsinə dəstək məqsədilə “Sağlam həyat naminə birləşək” aksiyasına start veriblər

04.03.2020 [09:38]

Yeni Azərbaycan Partiyasının (YAP) könüllüləri Heydər Əliyev Fondunun vitse-prezidenti, İDEA İctimai Birliyinin təsisçisi və rəhbəri Leyla Əliyevanın təşəbbüsü ilə reallaşdırılan “Bizim həyət” layihəsinə dəstək məqsədilə “Sağlam həyat naminə birləşək” aksiyasına start veriblər.
Aksiya Binqədi rayonu, 6-cı mikrorayondakı 201 saylı binanın qarşısındakı “Bizim həyət” layihəsi çərçivəsində abadlaşan həyətdə baş tutub. Aksiyada gənclər İDEA İctimai Birliyi tərəfindən həyata keçirilən təmirsiz həyətlərin abadlaşdırılmasına yönələn “Bizim həyət” layihəsi çərçivəsində quraşdırılan idman qurğuları və oyun meydançalarında səmərəli vaxt keçiriblər.
YAP Binəqədi rayon təşkilatının sədri Ramiz Göyüşov bildirib ki, Heydər Əliyev Fondunun vitse-prezidenti, İDEA İctimai Birliyinin rəhbəri Leyla Əliyevanın təşəbbüsü və rəhbərliyi ilə Bakı və respublikamızın digər iri şəhərlərində reallaşdırılan “Bizim həyət” layihəsi çərçivəsində Binəqədi rayonunda xeyli sayda həyət abadlaşdırılaraq sakinlərin ixtiyarına verilib. Onun sözlərinə görə, həyətlərin ekoloji cəhətdən təmiz və abad edilməsi, şəhər ekologiyasının sütununu təşkil edən yaşıllıqların bərpasında əsas məqsəd sağlam həyat tərzinin formalaşdırılması, sakinlər üçün təhlükəsiz və rahat yaşam şəraitinin yaradılmasıdır: “Abadlaşdırılan həyətlərdə müxtəlif idman qurğularının quraşdırılması, meydançaların salınması gənclərimizin asudə vaxtlarının səmərəli keçirilməsində çox mühüm rol oynayır. Bu addımlar əhali və ən əsası isə gənclər tərəfindən müsbət qarşılanır. Çünki gənclərimiz abadlaşdırılan həyətlərdə müxtəlif idman oyunları, yarışları keçirirlər. Bildiyiniz kimi, Azərbaycan idman ölkəsidir və gənclərimizin idmana olan həvəsinin artırılması məqsədilə müxtəlif işlər görülür. Əlbəttə ki, bu işlərdə məhəllələrin abadlaşdırılması da xüsusi rola malikdir. Təbii ki, yaradılan şəraitdən azyaşlılar da faydalanırlar. Bütün bunlar dövlətimizin gənclərə, eləcə də uşaqlara göstərdiyi dövlət qayğısının nəticəsidir”.
YAP Gənclər Birliyinin Ofis rəhbəri Elmar Məmmədov bildirib ki, Azərbaycan Prezidenti İlham Əliyevin Sərəncamı ilə 2020-ci ilin ölkəmizdə “Könüllülər ili” elan olunması gənclərə diqqət və qayğının bariz nümunəsidir. Onun sözlərinə görə, YAP könüllüləri tərəfindən il ərzində müxtəlif layihələr həyata keçiriləcək.
Bu layihələr sosial, mədəni, ekoloji və digər istiqamətlərdə olmaqla gənclərin ölkə həyatının müxtəlif sferalarında fəal iştirakını təmin etmək məqsədi daşıyır.
“Sağlam həyat naminə birləşək” aksiyası “Bizim həyət” layihəsinə dəstək, eyni zamanda, gənclər arasında sağlam həyat tərzini aşılamaq məqsədi daşıyır. 100-ə yaxın gəncin qoşulduğu “Sağlam həyat naminə birləşək” aksiyası Bakı, Sumqayıt şəhərləri, Abşeron rayonu da daxil olmaqla bütün bölgələri əhatə edəcək. Bu aksiyaya ilk olaraq Bakının Binəqədi rayonunda başlamışıq”, -deyə E.Məmmədov qeyd edib.
Azərbaycanda könüllülər üçün təşkil olunan layihələrdən yararlandığını deyən YAP könüllüsü Yeganə Cavadova isə bu cür layihələrin gənclərin sağlam gələcəklərini qurması üçün önəmli rola malik olduğunu bildirib: “Bildiyiniz kimi, Azərbaycanda könüllülər üçün müxtəlif, ekoloji, mədəni, idman sahəsi ilə bağlı müxtəlif layihələr həyata keçirilir. Bizim də könüllülər olaraq həmin layihələrdən yararlanaraq həm də bir ideya ətrafında birləşməyimizə xidmət edir. Belə ki, layihələr vasitəsilə gənclər ünsiyyət qurmaqla yanaşı, həm də etdikləri müşahidələr əsasında təcrübə toplamaq şansı əldə edirlər”.
Nardar

Paylaş:

Baxılıb: 937 dəfə