YAP Tərtər rayon təşkilatında Ümummilli Lider Heydər Əliyevin siyasi hakimiyyətə gəlməsinin 50-ci ildönümünə həsr olunmuş tədbir keçirilib

Bakı:

15 °C

94 %

0 m/s

AZ RU EN

Ana səhifə / YAP xəbərləri / YAP Tərtər rayon təşkilatında Ümummilli Lider Heydər Əliyevin siyasi hakimiyyətə gəlməsinin 50-ci ildönümünə həsr olunmuş tədbir keçirilib

YAP Tərtər rayon təşkilatında Ümummilli Lider Heydər Əliyevin siyasi hakimiyyətə gəlməsinin 50-ci ildönümünə həsr olunmuş tədbir keçirilib

13.07.2019 [10:14]

Yeni Azərbaycan Partiyası (YAP) Tərtər rayon təşkilatının qərargahında Ümummilli Lider Heydər Əliyevin siyasi hakimiyyətə gəlməsinin 50-ci ildönümünə həsr olunmuş tədbir keçirilib. Tədbirdə “Heydər Əliyev epoxası-50” mövzusunda məruzə ilə çıxış edən YAP Tərtər rayon təşkilatının sədri Ramiz Şabanov müasir Azərbaycanın tarixinin son 50 illik dövrünun Ulu Öndər Heydər Əliyevin adı ilə bağlı olduğunu deyib.
Qeyd olunub ki, 1969-cu ilə qədər SSRİ-nin aqrar respublikası kimi tanınan Azərbaycan həmin tarixdən sonra inkişaf etmiş sənaye respublikasına, elmi-texniki tərəqqinin geniş şəkildə tətbiq olunduğu, yüksək mədəniyyəti ilə bütün dünyada tanınan bir diyara çevrilib.
Çıxışına davam edən natiq deyib ki, 1993-cü ilin yayında ölkədə qardaş qanı töküldüyü və milli dövlətçiliyimiz ikinci dəfə məhvolma təhlükəsi ilə üzləşdiyi bir vaxtda xalq yenidən nicatını Ulu Öndərin hakimiyyətə qayıdışında gördü, dahi rəhbəri Naxçıvandan Bakıya dəvət etdi: “Vətəninin və xalqının taleyinə biganə qala bilməyən Ümummilli Lider 1993-cü ilin iyun ayında Naxçıvandan Bakıya qayıtdı və bu qayıdış Vətənin xilası, xalqın qurtuluş tarixinə çevrildi, Azərbaycan 1969-cu ildən başlanan quruculuq yoluna döndü”.
Ramiz Şabanov Ulu Öndər Heydər Əliyev tərəfindən əsası qoyulan siyasətin hazırda da uğurla davam etdirildiyini bildirib: “Ulu Öndərin siyasi varisi cənab İlham Əliyevin 2003-cü ildən etibarən həyata keçirdiyi siyasət nəticəsində sosial-iqtisadi islahatların və inkişafın Azərbaycan modeli yaradılıb. Prezident İlham Əliyev Azərbaycanı Heydər Əliyev yolu ilə apararaq regionun lider dövlətinə, dünyada söz və nüfuz sahibinə çevirib. Bu gün ölkəmiz sürətlə inkişaf edən iqtisadiyyatı, əlverişli geostrateji mövqeyi, zəngin mədəniyyəti və ənənəvi tolerantlığı ilə bütün planetin diqqət mərkəzindədir”.
Məruzə ətrafında çıxış edən Heydər Əliyev Mərkəzinin əməkdaşı İradə Əkbərli, Qapanlı kənd tam orta məktəbinin müəllimi Sadiq Məhəmmədov, Seydimli kənd tam orta məktəbinin müəllimi Aynurə Vəliyeva və başqaları bildiriblər ki, Heydər Əliyev dühası dünəndən bu günümüzə, bu gündən isə sabahımıza körpülər salıb.

Paylaş:

Baxılıb: 973 dəfə