YAP Siyəzən rayon təşkilatı Gənclər Birliyinin V konfransı keçirilib

Bakı:

19 °C

61 %

3 m/s

Əlaqə

AZ RU EN

Ana səhifə / YAP xəbərləri / YAP Siyəzən rayon təşkilatı Gənclər Birliyinin V konfransı keçirilib

YAP Siyəzən rayon təşkilatı Gənclər Birliyinin V konfransı keçirilib

01.06.2019 [10:02]

Yeni Azərbaycan Partiyası (YAP) Siyəzən rayon təşkilatı Gənclər Birliyinin V konfransı keçirilib.
Tədbir iştirakçıları əvvəlcə Ümummilli Lider Heydər Əliyevin abidəsini ziyarət edib, önünə gül-çiçək dəstələri düzüb, xatirəsini ehtiramla yad ediblər.
Konfransda Siyəzən rayon İcra Hakimiyyətinin başçısı Novruz Novruzov, YAP Siyəzən rayon təşkilatının sədri Etibar Heydərov və 200 nəfərdən çox nümayəndə iştirak edib.
Tədbiri YAP Siyəzən rayon təşkilatının sədri Etibar Heydərov açıq elan edərək bildirib ki, əsası Ulu Öndər Heydər Əliyev tərəfindən qoyulan, hazırda Prezident İlham Əliyev tərəfindən uğurla davam etdirilən dövlət gənclər siyasəti gənclərin bütün təbəqələrinin hərtərəfli inkişafını, ölkənin ictimai-siyasi həyatında onların yaxından iştirakını təmin etməkdədir: “Bu gün gənclərimiz üçün hər bir şərait yaradılıb. Onlar dövlət tərəfindən diqqət və qayğı ilə tam əhatə olunublar. Məhz bunun nəticəsidir ki, ölkəsini, dövlətini sevən, onunla fəxr edən gənc bir nəsil yetişməkdədir”.
Ölkəmizdə gənclərlə bağlı qəbul edilən müxtəlif dövlət proqramlarının əhəmiyyətindən söz açan təşkilat sədri rayonda həyata keçirilən tədbirlər haqqında məlumat verərək, rayon gənclərinin quruculuq prosesində fəal iştirak etdiyini diqqətə çatdırıb.
Konfransda hesabat məruzəsi ilə çıxış edən rayon təşkilatının Gənclər Birliyinin sədri Rəşad Rəhmanov ötən müddət ərzində gənclərin fəallığından, rayonun ictimai-siyasi həyatında yaxından iştirakından, dövlətə, dövlətçiliyə, ölkə başçısının həyata keçirdiyi siyasətə dəstək olmasından bəhs edib.
Tədbirdə həmçinin Yeni Azərbaycan Partiyasının fəal üzvü Elvin Kərimov da çıxış edib.
Daha sonra konfransda təşkilati məsələlərə baxılaraq YAP Siyəzən rayon təşkilatı Gənclər Birliyinin 15 nəfərdən ibarət Şurasının yeni tərkibi, eləcə də 9 nəfərdən ibarət İdarə Heyətinin yeni tərkibi və Elvin Qorxmaz oğlu Kərimov Gənclər Birliyinin sədri seçilib. Həmçinin YAP Gənclər Birliyinin növbəti konfransına nümayəndələr müəyyənləşdirilib.
Sonda Siyəzən rayon İcra Hakimiyyətinin başçısı Novruz Novruzov çıxış edərək, Azərbaycan dövlətinin gənclərə göstərdiyi yüksək diqqət və qayğıdan, Ulu Öndər Heydər Əliyevin təməlini qoyduğu dövlət gənclər siyasətinin Prezident İlham Əliyev tərəfindən uğurla davam etdirilməsindən, ölkəmizin sosial-iqtisadi, ictimai-mədəni, eləcə də təhsil, səhiyyə və idman həyatında gənclərin uğurlarından danışıb. O, gəncləri ölkəmizin ictimai-siyasi həyatında daha fəal olmağa çağırıb, onlara uğurlar arzulayıb.

Paylaş:

Baxılıb: 976 dəfə