Ölkəmizin inkişafı və xalqımızın rifahı üçün səs verək!

Bakı:

19 °C

79 %

12 m/s

Əlaqə

AZ RU EN

Ana səhifə / YAP xəbərləri / Ölkəmizin inkişafı və xalqımızın rifahı üçün səs verək!

Ölkəmizin inkişafı və xalqımızın rifahı üçün səs verək!

28.03.2018 [10:36]

Yeni Azərbaycan Partiyasının (YAP) Pirallahı rayon təşkilatı aprelin 11-də keçiriləcək prezident seçkilərində partiyamızın namizədi cənab İlham Əliyevin təbliğat-təşviqat kampaniyasını uğurla davam etdirir. Kampaniya çərçivəsində rayon seçiciləri ilə görüş keçirilib.
Görüşdə çıxış edən YAP Pirallahı rayon təşkilatının sədri Hikmət Şikarov qeyd edib ki, ölkə başçısı cənab İlham Əliyevin reallaşdırdığı uğurlu layihələr, apardığı islahatlar nəticəsində respublikanın bütün bölgələrində olduğu kimi, Pirallahı rayonunda da geniş abadlıq və quruculuq işləri görülüb. Sədr əlavə edib ki, Pirallahı rayonundan olan seçicilər aprelin 11-də keçiriləcək prezident seçkilərində birmənalı şəkildə cənab İlham Əliyevə səs verəcəklər.
Çıxış edən YAP Mərkəzi Seçki Qərargahının üzvü, Milli Məclisin deputatı Rauf Əliyev ölkəmizin son illərdə qazandığı iqtisadi nailiyyətlərdən danışaraq bildirib ki, Azərbaycan bütün sahələrdə böyük uğurlara imza atıb. Prezident-xalq birliyi, təbii ki, bütün uğurların əsasında dayanan əsas amillərdəndir. Xalq həyata keçirilən siyasətin gələcəyinə böyük inamla baxır. Görülən işlər Azərbaycanın uğurlu gələcəyindən soraq verir. Xalq 11 apreldə keçiriləcək prezident seçkilərində cənab İlham Əliyevə səs verməklə Azərbaycanın davamlı inkişafına səs verəcək.
Görüşdə çıxış edən YAP Mərkəzi Seçki Qərargahının və partiyanın Siyasi Şurasının üzvü, “İki sahil” qəzetinin baş redaktoru Vüqar Rəhimzadə Azərbaycanda bütün sahələrdə sürətli inkişaf getdiyini diqqətə çatdırıb. Prezident İlham Əliyevin bütün fəaliyyətini Azərbaycan xalqının xoşbəxt gələcəyinə həsr etdiyini vurğulayan V.Rəhimzadə bu dəfəki prezident seçkilərinin də demokratik, azad və ədalətli keçiriləcəyinə, xalqın bu prosesdə fəallıq nümayiş etdirərək layiqli namizədimiz cənab İlham Əliyevə səs verəcəyinə əminliyini ifadə edib.
Milli Məclisin deputatı Rüfət Quliyev çıxışında qeyd edib ki, cənab İlham Əliyev Ulu öndər Heydər Əliyev ideyalarının ən layiqli davamçısı olaraq daim ölkəmizin inkişafı və xalqımızın rifahı üçün çalışıb.
Görüşdə həmçinin Pirallahı rayon Ağsaqqallar Şurasının üzvü, Əməkdar neftçi Səməd Əhmədov, YAP Pirallahı rayon təşkilatının məsul əməkdaşı Günel Məmmədova çıxış edərək dövlətimizin daim gənclərə üstünlük verdiyini, onlara hər sahədə inkişaf etmələri üçün şərait yaratdığını bildiriblər. Natiqlər rayon gənclərini seçkilərdə fəal olmağa və xalqın alternativsiz liderinə səs verməyə çağırıblar.
Daha sonra tədbir tanınmış incəsənət xadimlərinin konsert proqramı ilə davam edib.

Paylaş:

Baxılıb: 778 dəfə