YAP Səbail rayon təşkilatı İdarə Heyətinin iclası keçirilib

Bakı:

23 °C

52 %

6 m/s

Əlaqə

AZ RU EN

Ana səhifə / YAP xəbərləri / YAP Səbail rayon təşkilatı İdarə Heyətinin iclası keçirilib

YAP Səbail rayon təşkilatı İdarə Heyətinin iclası keçirilib

28.09.2017 [10:18]

Dünən Yeni Azərbaycan Partiyası (YAP) Səbail rayon təşkilatının İdarə Heyətinin iclası keçirilib. Əvvəlcə cari ilin sentyabr ayında Azərbaycanın ictimai-siyasi həyatında baş verən mühüm hadisələr haqqında ətraflı bəhs edən rayon təşkilatının sədri, millət vəkili Şəmsəddin Hacıyev 14 sentyabr tarixində Xəzər dənizinin Azərbaycan sektorunda “Azəri”, “Çıraq” yataqlarının və “Günəşli” yatağının dərinlikdə yerləşən hissəsinin birgə işlənməsi və neft hasilatının pay bölgüsü haqqında düzəliş edilmiş və yenidən tərtib olunmuş Sazişin imzalanmasını Azərbaycanın müasir tarixində müstəsna əhəmiyyət kəsb edən hadisə kimi qiymətləndirib.
Çıxışında Azərbaycan Respublikasının Prezidenti İlham Əliyevin BMT Baş Assambleyasının 72-ci sessiyasının açılışındakı nitqində səsləndirdiyi fikirlərin əhəmiyyətindən də danışan rayon təşkilatının sədri dövlətimizin başçısının proqram xarakterli nitqinin hər bir azərbaycanlı kimi, partiyanın üzvləri qarşısında da yeni vəzifələr müəyyənləşdirdiyini vurğulayıb.
Sonra gündəlikdəki məsələlər müzakirə olunub. Gələn ay YAP-ın təsis olunmasının 25 illiyinin geniş qeyd ediləcəyini vurğulayan Ş.Hacıyev bu münasibətlə nəzərdə tutulan tədbirlərdən danışıb. O deyib ki, YAP-ın 25 illik yubileyinin təntənəli qeyd olunması məqsədilə rayon təşkilatı tərəfindən cari ilin oktyabr-noyabr aylarını əhatə edən genişspektrli tədbirlər planı hazırlanıb. Sədr diqqətə çatdırıb ki, partiya fəallarının, gənclərin və qadınların yaxından iştirak edəcəyi tədbirlər planı çərçivəsində YAP-ın qızıl fondu - “91-lər”lə görüş, Səbail rayon İcra Hakimiyyəti ilə birgə ağacəkmə aksiyası, “Səs” qəzeti ilə birlikdə “dəyirmi masa”, Cocuq Mərcanlıda tədbir, elmi konfranslar və “dəyirmi masa”lar, Azərbaycan Dövlət Pedaqoji Universiteti ilə birgə təntənəli tədbir, rayon ictimaiyyəti nümayəndələrinin iştirakı ilə bayram konserti və digər bu səpkili görüş və tədbirlərin təşkili nəzərdə tutulur.
Daha sonra rayon təşkilatının ərazi ilk partiya təşkilatlarında görülmüş işlər haqqında məlumatlar dinlənilib. “Azərbaycan Tarixçiləri” (Milli Azərbaycan Tarix Muzeyi) ərazi ilk partiya təşkilatının sədri Pərvanə Əzimova, “Ziyalılar evi” ərazi ilk partiya təşkilatının sədri, rayon təşkilatı sədrinin müavini Arzuman Muradlı, “Muzeyşünaslıq” (Nizami Gəncəvi adına Milli Azərbaycan Ədəbiyyatı Muzeyi) ərazi ilk partiya təşkilatının sədri Xatirə Bəşirli və “Kosmos mütəxəssisləri” (“Azərkosmos” ASC) ərazi ilk partiya təşkilatının sədri Anar Həsənov görülən işlər haqqında çıxış ediblər.
İclasda həmçinin cari məsələlər müzakirə olunub.

Paylaş:

Baxılıb: 792 dəfə