YAP Şəmkir rayon təşkilatı Ümummilli lider Heydər Əliyevin Azərbaycanda birinci dəfə hakimiyyətə gəlməsinin 48-ci ildönümü münasibətilə tədbir keçirib

Bakı:

22 °C

56 %

2 m/s

AZ RU EN

Ana səhifə / YAP xəbərləri / YAP Şəmkir rayon təşkilatı Ümummilli lider Heydər Əliyevin Azərbaycanda birinci dəfə hakimiyyətə gəlməsinin 48-ci ildönümü münasibətilə tədbir keçirib

YAP Şəmkir rayon təşkilatı Ümummilli lider Heydər Əliyevin Azərbaycanda birinci dəfə hakimiyyətə gəlməsinin 48-ci ildönümü münasibətilə tədbir keçirib

06.07.2017 [09:55]

Dünən Yeni Azərbaycan Partiyası (YAP) Şəmkir rayon təşkilatının təşkilatçılığı ilə Ümummilli lider Heydər Əliyevin Azərbaycanda birinci dəfə hakimiyyətə gəlməsinin 48-ci ildönümü münasibətilə Nizami Gəncəvi adına məhəlli ilk partiya təşkilatında tədbir keçirilib. Tədbiri giriş sözü ilə açan Şəmkir rayon İcra Hakimiyyəti başçısının müavini, YAP Şəmkir rayon təşkilatının sədri Fəxrəddin Vəliyev qeyd edib ki, 48 il bundan əvvəl, 1969-cu ilin iyulunda Sovet Azərbaycanının tarixində gələcək müstəqil Azərbaycanın tarixinə hesablanmış böyük və misilsiz bir hadisə baş verdi: “Həmin gün bütün ömrünü Azərbaycan adlı bir məmləkətin varlığına bağlamış, taleyi Azərbaycan adı ilə qoşa yazılmış xalqımızın xilaskar oğlu, dünyanın ən böyük siyasətçilərindən biri olan Heydər Əliyev ilk dəfə Azərbaycana rəhbərlik etməyə başladı. Ulu öndərin 1969-cu il 14 iyulda Azərbaycanda rəhbərliyə gəlməsi Azərbaycanın ən yeni tarixinin dönüş mərhələsinin başlanğıcı idi. Ulu öndər Heydər Əliyevin hakimiyyətə gəlişi ilə Azərbaycan qısa zaman kəsiyində ittifaq miqyasında iqtisadi baxımdan özünü təmin etməyə qadir olan respublikalar sırasına daxil oldu. Ulu öndər Heydər Əliyevin hakimiyyətinin birinci dövründə yaradılmış iqtisadi potensial sonrakı mərhələlərdə müstəqillik illərində Azərbaycan üçün çox əhəmiyyətli bir rol oynadı”.
F.Vəliyevin sözlərinə görə, Ulu öndər Heydər Əliyevin banisi olduğu müstəqil Azərbaycan dövləti Onun 1969-cu ildə başladığı siyasətin məntiqi davamıdır: “Bu yol güclü, qüdrətli, zəngin, lider yolu deməkdir. Bu yol bütün dünya azərbaycanlılarının azərbaycançılıq ideologiyası ətrafında birləşdirilməsi deməkdir. 48 il bundan əvvəl başlanan yol bundan sonra da Azərbaycan üçün aparıcı yol olacaq və Azərbaycan xalqı daimi Ulu öndər Heydər Əliyev yolu ilə gedəcəkdir”.
Daha sonra çıxış edən Nizami Gəncəvi adına məhəlli ilk partiya təşkilatının sədri İlhamə Səfərova və partiya fəalı Elşən Ələsgərov Ulu öndər Heydər Əliyevin Azərbaycan dövlətçiliyi və xalqımız qarşısında misilsiz xidmətlərindən danışıblar.
Qeyd olunub ki, bu gün Ümummilli liderin əsasını qoyduğu siyasi kursun Prezident İlham Əliyev tərəfindən uğurla davam etdirilməsi nəticəsində Azərbaycan dünyanın ən yüksək sürətlə inkişaf edən dövlətlərindən birinə çevrilib və hazırda ölkəmiz dünya miqyasında böyük hörmət və nüfuza malik bir dövlət kimi qəbul olunur.

Paylaş:

Baxılıb: 973 dəfə