YAP Binəqədi rayon təşkilatında “Tariximiz xatirələrdə” adlı layihə həyata keçirilib

Bakı:

24 °C

57 %

3 m/s

Əlaqə

AZ RU EN

Ana səhifə / YAP xəbərləri / YAP Binəqədi rayon təşkilatında “Tariximiz xatirələrdə” adlı layihə həyata keçirilib

YAP Binəqədi rayon təşkilatında “Tariximiz xatirələrdə” adlı layihə həyata keçirilib

30.11.2016 [09:20]

29 oktyabr - 26 noyabr 2016-cı il tarixlərində Azərbaycan Respublikasının Prezidenti yanında Gənclər Fondunun maliyyə dəstəyi, Yeni Azərbaycan Partiyası (YAP) Binəqədi rayon təşkilatı Gənclər Birliyi və Binəqədi rayon Gənclər və İdman İdarəsinin təşkilatçılığı ilə VIII qrant müsabiqəsinin qalibi - YAP Binəqədi rayon təşkilatının fəal gənci Məcid İskəndərovun “Tariximiz xatirələrdə” adlı layihəsi həyata keçirilib.
Oktyabrın 29-da YAP Binəqədi rayon təşkilatının inzibati binasında layihənin açılış mərasimi və birinci təlimi keçirilib. Tədbirdə YAP Binəqədi rayon təşkilatının Aparat rəhbəri Sevinc Abdullayeva, Azərbaycan Respublikasının elm sahəsi üzrə Dövlət Mükafatı laureatı, tarix üzrə fəlsəfə doktoru Vidadi Umudlu, Binəqədi rayon Gənclər və İdman İdarəsinin aparıcı məsləhətçisi Ülviyyə Usubova və gənclər iştirak ediblər.
“Tariximiz xatirələrdə” adlı layihənin əhəmiyyətindən danışan natiqlər qeyd ediblər ki, hər bir gənc tarixi keçmişimizi dərindən bilməli, Azərbaycanın milli-mədəni irsi, tarixi, qəhrəmanlıq nümunələri haqqında məlumatlı olmalıdır.
Növbəti tədbir noyabrın 19-da Binəqədi rayonu Gənclər Evində keçirilib. Tədbirdə AMEA-nın Arxeologiya və Etnoqrafiya İnstitutunun elmi işçisi Faiq Babayev, Binəqədi rayon Gənclər və İdman İdarəsinin aparıcı məsləhətçisi Ülviyyə Usubova, tələbələr iştirak ediblər. Faiq Babayev XX əsrin əvvəllərində Azərbaycanda mövcud olan ictimai-siyasi vəziyyət, 1906-cı ildə yaradılmış “Difai” Partiyasının məqsəd və vəzifələri, partiyanın proqramından bəhs edən geniş məruzə ilə çıxış edib.
Noyabrın 26-da isə YAP Binəqədi rayon təşkilatının inzibati binasının akt zalında layihənin bağlanış mərasimi keçirilib. Tədbirdə YAP Binəqədi rayon təşkilatının sədri Ramiz Göyüşov, Binəqədi rayon Gənclər və İdman İdarəsinin rəisi Qüdsi Bayramov, YAP Binəqədi rayon təşkilatının Aparat rəhbəri Sevinc Abdullayeva iştirak ediblər. İlk olaraq “Tariximiz xatirələrdə” layihəsinin rəhbəri Məcid İskəndərov çıxış edərək bildirib ki, layihənin əsas məqsədi tarixi savadsızlığın aradan qaldırılması və dövlətçilik ənənələrinin daima yaşadılmasıdır. Sonra YAP Binəqədi rayon təşkilatının sədri Ramiz Göyüşov və Binəqədi rayon Gənclər və İdman İdarəsinin rəisi Qüdsi Bayramov çıxış edərək ölkənin bütün gənclərini bu gün mövcud olan milli-mənəvi dəyərlərə hörmətlə yanaşmağa və xalqın tarixinə daima hörmət etməyə dəvət ediblər.
Son olaraq təlimlərdə aktiv iştirak etmiş gənclərə sertifikatlar təqdim olunub.

Paylaş:

Baxılıb: 928 dəfə