YAP Nizami və Qaradağ rayon təşkilatlarının fəal gəncləri müstəqillik gününü birgə qeyd ediblər

Bakı:

19 °C

63 %

6 m/s

AZ RU EN

Ana səhifə / YAP xəbərləri / YAP Nizami və Qaradağ rayon təşkilatlarının fəal gəncləri müstəqillik gününü birgə qeyd ediblər

YAP Nizami və Qaradağ rayon təşkilatlarının fəal gəncləri müstəqillik gününü birgə qeyd ediblər

14.10.2016 [10:14]

Azərbaycan Respublikasının dövlət müstəqilliyinin 25-ci ildönümü münasibətilə Yeni Azərbaycan Partiyası (YAP) Nizami və Qaradağ rayon təşkilatlarının fəal gənclərinin təşəbbüsü ilə silsilə tədbirlər keçirilib.
Tədbirlər çərçivəsində oktyabrın 11-də YAP Qaradağ rayon təşkilatının bir qrup gənc fəalı YAP Nizami rayon təşkilatının qonağı olub. Rayon təşkilatının qərargahında gənclərlə keçirilən görüşdə çıxış edən YAP Nizami rayon təşkilatının sədri, Milli Məclisin deputatı Sədaqət Vəliyeva Azərbaycan Respublikasının dövlət müstəqilliyi haqqında Konstitusiya Aktının qəbul olunmasının ildönümünün hər bir azərbaycanlının böyük fəxrlə qeyd etdiyi tarixi hadisə olduğunu deyib.
Deputat bu bayramın Azərbaycanla yanaşı, dünyanın bir çox ölkələrində də qeyd edildiyini söyləyib.
YAP Siyasi Şurasının üzvü, partiyanın Qaradağ rayon təşkilatının sədri, Milli Məclisin deputatı Aydın Hüseynov da dövlət müstəqilliyinin möhkəmləndirilməsində, əbədiliyinin və dönməzliyinin təmin edilməsində müasir müstəqil Azərbaycanın memarı və qurucusu, Ümummilli lider Heydər Əliyevin əvəzsiz tarixi xidmətlərini xatırladıb.
“Son on üç ildə Prezident İlham Əliyevin yürütdüyü uğurlu siyasət nəticəsində Azərbaycan misli görünməmiş inkişafa nail olub, dünyada nüfuzlu dövlətə çevrilib. Azərbaycan xalqı, vətəndaş cəmiyyəti Prezident İlham Əliyevin ətrafında sıx birləşib. Bu, sentyabrın 26-da keçirilən ümumxalq səsverməsində də sübuta yetirilib”, - deyə Aydın Hüseynov əlavə edib.
Görüşdən sonra gənclər SOCAR Ekologiya İdarəsinin “Ekoloji park”ına ekskursiya ediblər. Orada gənclər öncə ağac əkib, sonra açıq havada gəzinti zamanı Eko-parkın tarixçəsi, yaradılma məqsədi, parkın istehsalat sahələri, infrastrukturu, quraşdırılan külək generatorları, günəş panelləri və parkda tətbiq olunan digər texnologiyalarla tanış olublar. Gənclərə parkın qapalı şitilxana kompleksində yetişdirilən müxtəlif növ bitkilərin bio-ekoloji xüsusiyyətləri və becərilmə üsulları haqqında geniş məlumat verilib.
Oktyabrın 13-də isə YAP Nizami rayon təşkilatının fəal gəncləri Qaradağ rayonuna səfər ediblər. Müstəqilliyimizin qorunmasında, möhkəmlənməsində misilsiz xidmətləri olan Ulu öndər Heydər Əliyevin rayonun mərkəzindəki abidəsi önünə tər güllər düzülüb, sonra Heydər Əliyev Mərkəzilə tanışlıq olub.
Daha sonra Qobustan Milli Tarix-Bədii Qoruğunda olan gənclər əvvəlcə qoruğun muzeyində nümayiş etdirilən eksponatlara baxıblar. Qədim insan məskəni ilə tanışlıqdan məmnun qalan gənclər ərazidə aparılmış tədqiqat işləri və tarixi eksponatlarla maraqlanıblar.
Sonda xatirə şəkilləri çəkdirilib.

Paylaş:

Baxılıb: 946 dəfə