YAP Binəqədi rayon təşkilatının yaradılmasının 23-cü ildönümü münasibətilə tədbir keçirilib

Bakı:

24 °C

52 %

6 m/s

AZ RU EN

Ana səhifə / YAP xəbərləri / YAP Binəqədi rayon təşkilatının yaradılmasının 23-cü ildönümü münasibətilə tədbir keçirilib

YAP Binəqədi rayon təşkilatının yaradılmasının 23-cü ildönümü münasibətilə tədbir keçirilib

08.03.2016 [10:23]

Yeni Azərbaycan Partiyası (YAP) Binəqədi rayon təşkilatının yaradılmasının 23-cü ildönümü münasibətilə tədbir keçirilib. Tədbirdə Binəqədi rayon İcra Hakimiyyətinin başçısı Xaləddin İsgəndərov, YAP İdarə Heyətinin üzvü, Milli Məclisin Aqrar siyasət komitəsinin sədri Eldar İbrahimov, millət vəkili Kəmaləddin Qafarov, YAP Binəqədi rayon təşkilatının sədri Ramiz Göyüşov və rayonun ictimai-siyasi və mədəni həyatında fəal iştirak edən partiya üzvləri iştirak ediblər.
Rayon təşkilatından verilən məlumata görə, tədbir iştirakçıları əvvəlcə xalqımızın Ümummilli lideri Heydər Əliyevin YAP Binəqədi rayon təşkilatının inzibati binasının qarşısındakı abidəsinin önünə gül dəstələri qoyaraq Ulu öndərin xatirəsinə ehtiramlarını bildiriblər. Sonra YAP və partiyanın Binəqədi rayon təşkilatının ötən dövr ərzindəki fəaliyyətindən bəhs edən film nümayiş edilib. Yığıncaqda çıxış edən YAP Binəqədi rayon təşkilatının sədri Ramiz Göyüşov rayon təşkilatının fəaliyyəti və 2015-ci ildə həyata keçirdiyi çoxsaylı layihələrdən söhbət açıb. YAP Binəqədi rayon təşkilatının sədri partiya üzvlərinin bundan sonrakı fəaliyyətləri dövründə də dahi şəxsiyyət Heydər Əliyev ideyalarına sədaqətli olacaqlarını və ölkəmizin çiçəklənməsi uğrunda daim çalışacaqlarını bildirib.
Yığıncaqda çıxış edən YAP İdarə Heyətinin üzvü, Milli Məclisin Aqrar siyasət komitəsinin sədri Eldar İbrahimov partiyanın çətin dönəmlərdə yarandığını bildirib. Eldar İbrahimov 1990-cı illərin əvvəllərində ölkəni idarə edən şəxslərin yarıtmaz fəaliyyətinin xalqın səbir kasasının daşmasına səbəb olduğunu, xalqımızın Ulu öndər Heydər Əliyevin hakimiyyətə gəlməsini tələb etdiyini, 1993-cü ildə Heydər Əliyevin Azərbaycanı xilas etməsinin Azərbaycan tarixində mühüm bir hadisə olduğunu bildirib. Millət vəkili həmçinin Ümummilli lider Heydər Əliyevin Azərbaycan dövlətçiliyinin inkişafı üçün misilsiz xidmətlər göstərdiyini və bu siyasətin bu gün də dövlət başçısı cənab İlham Əliyev tərəfindən uğurla davam etdirildiyini diqqətə çatdırıb.
Millət vəkili Kəmaləddin Qafarov da YAP-ın Azərbaycanın həyatında mühüm rol oynadığını qeyd edib. Çıxışında həmçinin ölkə Prezidenti, YAP-ın Sədri İlham Əliyevin rəhbərliyi ilə Azərbaycanda həyata keçirilən uğurlu siyasətdən danışan natiq dövlət başçısının məqsədyönlü siyasəti nəticəsində uğurlarımızın bundan sonra da davam edəcəyini deyib.
Tədbirdə çıxış edən Binəqədi rayon İcra Hakimiyyətinin başçısı Xaləddin İsgəndərov Ümummilli lider Heydər Əliyev tərəfindən əsası qoyulan uğurlu inkişaf strategiyasının hazırda Prezident İlham Əliyev tərəfindən məqsədyönlü şəkildə davam etdirildiyini qeyd edib. Xaləddin İsgəndərov Prezident İlham Əliyevin Azərbaycanın inkişafı üçün çalışdığını və bu fəaliyyətin hər kəsə nümunə olduğunu bildirib.
Sonda YAP Binəqədi rayon təşkilatının yaradılmasının 23 illiyi münasibətilə rayonun ictimai-siyasi və mədəni həyatında fəal iştirakına görə fərqlənən bir qrup partiya fəalı fəxri fərmanlar və xatirə hədiyyələri ilə mükafatlandırılıb.
Eyni zamanda, partiya sıralarına yeni qəbul olunan bir qrup gəncə üzvlük vəsiqələri təqdim olunub.

Paylaş:

Baxılıb: 1125 dəfə