Xəzər rayonunda 8 Mart - Beynəlxalq Qadınlar Günü münasibətilə tədbir keçirilib

Bakı:

24 °C

55 %

6 m/s

Əlaqə

AZ RU EN

Ana səhifə / YAP xəbərləri / Xəzər rayonunda 8 Mart - Beynəlxalq Qadınlar Günü münasibətilə tədbir keçirilib

Xəzər rayonunda 8 Mart - Beynəlxalq Qadınlar Günü münasibətilə tədbir keçirilib

08.03.2016 [10:21]

Dünən Yeni Azərbaycan Partiyası (YAP) Xəzər rayon təşkilatı Qadınlar Şurasının və Xəzər rayon İcra Hakimiyyətinin birgə təşkilatçılığı ilə 8 Mart - Beynəlxalq Qadınlar Günü münasibətilə tədbir keçirilib. Tədbiri giriş sözü ilə açan YAP Xəzər rayon təşkilatı Qadınlar Şurasının sədri Pərvanə Hacıyeva bildirib ki, müasir dövrümüzdə Azərbaycan qadını ölkənin ictimai-siyasi həyatında fəal rol oynayır: “Heydər Əliyev Fondunun Prezidenti, UNESCO-nun və İSESCO-nun xoşməramlı səfiri, millət vəkili Mehriban xanım Əliyeva bütün dünyaya sübut edir ki, Azərbaycan qadını gözəl ana olmaqla bərabər, həm də fəal ictimai xadim ola bilər. Bu gün əbəs yerə deyil ki, respublikamızın bir çox sahələrində çalışanların böyük bir hissəsini qadınlar təşkil edirlər. Azərbaycan qadını həm həkim, həm müəllim, həm memar, həm dövlət qulluqçusu, həm hərbçi, həm ictimai-siyasi xadim, həm də qayğıkeş ana, vəfalı həyat yoldaşıdır”.
Daha sonra YAP Xəzər rayon təşkilatının sədri, partiyanın Siyasi Şurasının üzvü Namiq Əhmədov 8 Mart - Beynəlxalq Qadınlar Günü münasibətilə qadınları təbrik edib. O bildirib ki, qadın bəşəriyyətə ana və ilk tərbiyəçidir: “Qadınlar həm cəmiyyətdə, həm də ailədə xüsusi rola malikdirlər. Bu gün cəmiyyəti qadınsız təsəvvür etmək mümkün deyil”.
Namiq Əhmədov vurğulayıb ki, Şərqdə ilk dəfə səsvermə hüququ qazanmış Azərbaycan qadını bu gün ölkəmizi beynəlxalq müstəvidə layiqincə təmsil edir.
Milli Məclisin deputatı Rauf Əliyev çıxışında qeyd edib ki, bu gün Azərbaycanda uğurlu qadın siyasəti yürüdülür və bu siyasət hər bir azərbaycanlı qadının inkişaf etməsində stimul rolunu oynamaqdadır: “O cümlədən bildiyimiz kimi, ölkə parlamentində gender bərabərliyi haqqında qanun qəbul olunub. Ümumiyyətlə, Azərbaycanda qadınların hüquq bərabərliyi tam təmin olunub. Məhz bu amil ölkəmizdə demokratik proseslərin daşıyıcılarından biri kimi ehtiva olunmaqdadır”.
Xəzər rayon İcra Hakimiyyətinin başçısı Gülağa İslamov çıxışında qadınları əlamətdar gün münasibəti ilə təbrik edib. Azərbaycanda uğurlu dövlət qadın siyasətinin həyata keçirildiyini qeyd edən Gülağa İslamov bildirib ki, qadınlar bu gün ictimai-siyasi proseslərdə fəal olmaqla yanaşı dövlət qurumlarında da lazımi səviyyədə təmsil olunurlar: “Biz bu fəaliyyəti davamlı olaraq görməkdəyik. Rayonumuzda yaşayan qadınlarımız da səmərəli ictimai, sosial fəaliyyətləri ilə daim öz öncüllükləri ilə seçiliblər. Biz bu uğurları gördükcə sevinir və hər zaman qadınlarımızın fəaliyyətlərini dəstəkləyirik”.
Sonda Xəzər rayonunun ictimai-siyasi həyatında fəallıq göstərən bir qrup qadına fəxri fərmanlar və hədiyyələr təqdim olunub. Tədbir konsert proqramı ilə başa çatıb.

Paylaş:

Baxılıb: 1137 dəfə