Nəriman Əliyevin Masallı rayon Səmidxan kəndində seçicilərlə görüşü keçirilib

Bakı:

14 °C

88 %

6 m/s

Əlaqə

AZ RU EN

Ana səhifə / YAP xəbərləri / Nəriman Əliyevin Masallı rayon Səmidxan kəndində seçicilərlə görüşü keçirilib

Nəriman Əliyevin Masallı rayon Səmidxan kəndində seçicilərlə görüşü keçirilib

30.10.2015 [10:35]

1 noyabr 2015-ci il tarixdə Azərbaycan Respublikası Milli Məclisinə keçiriləcək seçkilərdə Yeni Azərbaycan Partiyası (YAP) tərəfindən 70 saylı Masallı şəhər Seçki Dairəsi üzrə deputatlığa namizədliyi irəli sürülmüş Nəriman Əlibala oğlu Əliyevin Masallı rayonu Səmidxan kəndində seçicilərlə növbəti görüşü keçirilib.
Görüşü giriş sözü ilə açan YAP Masallı rayon təşkilatının sədri Seyfəddin Əliyev son illərdə ölkəmizdə çoxsaylı uğurların əldə olunduğunu bildirib: “İnanıram ki, əldə olunan bu uğurları göz önündə tutan Azərbaycan xalqı yenə də öz doğru seçimini edərək YAP-ın namizədlərini dəstəkləyəcək”.
Daha sonra çıxış edən YAP Masallı rayon təşkilatı Seçki Qərargahının üzvü Rafiq Bağırov əsası Ulu öndər Heydər Əliyev tərəfindən qoyulmuş bu inkişaf strategiyasının Azərbaycan Respublikasının Prezidenti cənab İlham Əliyev tərəfindən uğurla davam etdirildiyini vurğulayıb. Məhz bu uğurlu idarəetmə və siyasətin nəticəsidir ki, Azərbaycan bu gün dünyanın inkişaf etmiş ölkələri sırasında yer alaraq regionun lider dövlətinə çevrilib.
Görüşdə çıxış edən Səmidxan kənd sakinləri Yeni Azərbaycan Partiyasının 70 saylı Masallı şəhər Seçki Dairəsindən namizədi Nəriman Əliyevin layiqli namizəd olduğunu qeyd edərək seçkidə yekdilliklə ona səs verəcəklərini söyləyiblər.
Seçicilərlə görüşdə çıxış edən Yeni Azərbaycan Partiyasının 70 saylı Masallı şəhər Seçki Dairəsi üzrə deputatlığa namizədi Nəriman Əliyev bildirib ki, möhtərəm Prezidentimiz İlham Əliyevin rəhbərliyilə uğurla həyata keçirilən mükəmməl daxili və xarici siyasətin nəticəsidir ki, bu gün Azərbaycan dünyanın ən sürətlə inkişaf edən ölkələri sırasına daxil olub.
Nəriman Əliyev həmçinin seçicilərin etimadını qazanıb millət vəkili seçiləcəyi təqdirdə, görəcəyi işlər haqqında da məlumat verib: “Parlament üzvünün vəzifələri qanunlarla müəyyənləşib. Deputatların əsas vəzifəsi qanun yaradıcılığı işilə məşğul olmaqdır. Amma insanların dəstəyilə parlamentə seçilən şəxs də həmin insanların problemlərilə maraqlanmağa və həllinə çalışmağa borcludur. Mən də sizi əmin edirəm ki, bütün gücümlə sizin etimadınızı doğrultmağa çalışacağam. Hamınızı 1 noyabr 2015-ci ildə keçiriləcək seçkidə YAP-ın namizədinə səs verməyə çağırıram”.
Sonda kənd sakinləri mövcud problemlər barədə namizədə məlumat verib, təkliflər irəli sürüblər.

Paylaş:

Baxılıb: 924 dəfə