Bəyimsarov seçiciləri YAP-ın namizədinə səs verəcəklər

Bakı:

23 °C

57 %

2 m/s

Əlaqə

AZ RU EN

Ana səhifə / YAP xəbərləri / Bəyimsarov seçiciləri YAP-ın namizədinə səs verəcəklər

Bəyimsarov seçiciləri YAP-ın namizədinə səs verəcəklər

22.10.2015 [10:42]

YAP-ın 97 saylı Goranboy-Ağdam-Tərtər Seçki Dairəsindən deputatlığa namizədi Ağalar Vəliyevin seçicilərlə növbəti görüşü keçirilib
Yeni Azərbaycan Partiyası (YAP) təbliğat-təşviqat kampaniyasını uğurla davam etdirir. Kampaniya çərçivəsində partiya tərəfindən 97 saylı Goranboy-Ağdam-Tərtər Seçki Dairəsindən namizədliyi irəli sürülmüş Ağalar Vəliyevin Tərtər rayonunun Bəyimsarov kəndində seçicilərlə görüşü keçirilib.
Görüşü giriş sözü ilə açan YAP Tərtər rayon təşkilatının sədri Ramiz Şabanov Yeni Azərbaycan Partiyasının yüksək nüfuza sahib olduğunu bildirib: “Azərbaycan sürətli və sabit inkişaf tempi ilə bir çox ölkələr üçün nümunədir. Heç şübhəsiz, bu inkişafda Yeni Azərbaycan Partiyasının özünəməxsus rolu var. Ona görə də seçiciləri parlament seçkilərində layiqli şəxslərə - Yeni Azərbaycan Partiyasının namizədlərinə səs verməyə çağırıram”.
Daha sonra Ağalar Vəliyevin vəkilləri Rəxşəndə Abdullayeva və Nigar Əliyeva onun tərcümeyi-halı və əmək fəaliyyəti barədə geniş məlumat veriblər. Vurğulanıb ki, Ağalar Vəliyev IV çağırış Milli Məclisin İqtisadi siyasət komitəsinin, Avstriya, Belarus, Türkiyə parlamentləri ilə əlaqələr üzrə işçi qruplarının, ATƏT-in Parlament Assambleyasında Azərbaycan nümayəndə heyətinin üzvü olub və Azərbaycan-Slovenya parlamentlərarası əlaqələr üzrə işçi qrupuna rəhbərlik edib. Bildirilib ki, Azərbaycan Respublikasının Prezidenti İlham Əliyevin 9 aprel 2010-cu il tarixli Sərəncamı ilə Ağalar Vəliyev “Əməkdar mühəndis” fəxri adına layiq görülüb və dövlət başçısının 10 aprel 2012-ci il tarixli Fərmanı ilə “Şöhrət” ordeni ilə təltif olunub.
Tədbirdə çıxış edən Bəyimsarov kənd xəstəxanasının baş həkimi Mehriban Hüseynova ölkəmizdə həyata keçirilən siyasətin uğurlu nəticələrindən bəhs edib və Yeni Azərbaycan Partiyasının namizədlərinin növbəti dəfə əzəmətli qələbə qazanacağına inandığını bildirib. Onun sözlərinə görə, Yeni Azərbaycan Partiyasının Sədri, cənab Prezident İlham Əliyevin rəhbərliyi ilə həyata keçirilən inkişaf siyasəti nəticəsində vətəndaşların sosial rifah halı daha da yaxşılaşıb, insanlar gələcəyə optimist baxırlar.
Seçicilər qarşısında çıxış edən Ağalar Vəliyev bütün vətəndaşların ölkəmizin inkişafının canlı şahidləri olduğunu deyərək əlavə edib ki, əhalinin rifahının yüksəlməsi, iqtisadiyyatın sürətli inkişafı, Azərbaycanın modernləşmə xəttinin uğurla həyata keçirilməsi və digər amillər ölkə reallıqlarını təşkil edir: “Ölkəmizin inkişafı, həyata keçirilən siyasətin davamlı uğurlarla müşayiət olunması Azərbaycan cəmiyyətində yüksək ictimai əhval yaradır və cəmiyyət üzvləri alternativsiz siyasi güc olan Yeni Azərbaycan Partiyasına üz tuturlar. YAP Azərbaycan xalqının istək və arzularının ifadəçisi kimi çıxış edir. İnsanlar inkişaf siyasətinin davam etməsinin tərəfdarıdırlar, ona görə də əminliklə deyə bilərəm ki, bu seçkilərdə də məhz YAP-ın namizədlərinə səs verəcəklər”.
Seçicilər çıxış edərək seçimlərini YAP-ın namizədinin lehinə edəcəklərini - Ağalar Vəliyevə səs verəcəklərini bildiriblər.
NURLAN

Paylaş:

Baxılıb: 840 dəfə