Nəriman Əliyev Masallı rayonu Şıxlar kəndində seçicilərlə görüşüb

Bakı:

24 °C

88 %

3 m/s

Əlaqə

AZ RU EN

Ana səhifə / YAP xəbərləri / Nəriman Əliyev Masallı rayonu Şıxlar kəndində seçicilərlə görüşüb

Nəriman Əliyev Masallı rayonu Şıxlar kəndində seçicilərlə görüşüb

20.10.2015 [10:42]

Azərbaycan Respublikası Milli Məclisinə keçiriləcək seçkilərdə Yeni Azərbaycan Partiyası (YAP) tərəfindən 70 saylı Masallı şəhər Seçki Dairəsi üzrə deputatlığa namizədliyi irəli sürülmüş Əliyev Nəriman Əlibala oğlunun Masallı rayonu Şıxlar kəndində seçicilərlə növbəti görüşü keçirilib. Görüşü giriş sözü ilə açan YAP Masallı rayon təşkilatının Seçki Qərargahının sədri Seyfəddin Əliyev son 12 ildə Azərbaycan Prezidenti İlham Əliyevin rəhbərliyi ilə ölkəmizdə çoxsaylı uğurların əldə olunduğunu bildirib: “Bu uğur, inkişaf demək olar ki, bütün sferalarda hiss olunub. Keçən zaman ərzində orta aylıq əmək haqları, pensiyalar, sosial müavinətlər artırılıb, yoxsulluq səviyyəsi nəzərəçarpacaq dərəcədə azalıb”.
S.Əliyev Şıxlar kəndinin seçicilərinə müraciət edərək, bu uğurların davamlı və uzunmüddətli olması üçün hər kəsi YAP-ın ətrafında sıx birləşməyə və onun namizədlərinə səs verməyə çağırıb.
Görüşdə çıxış edən YAP Masallı rayon təşkilatının Seçki Qərargahının üzvü Rafiq Bağırov dövlətin inkişafında Yeni Azərbaycan Partiyasının rolundan və Prezident İlham Əliyevin xalqa, dövlətə xeyirli, gərəkli və müstəsna xidmətlərindən söz açıb. R.Bağırov seçiciləri fəal olmağa və ümumxalq partiyası olan Yeni Azərbaycan Partiyasının namizədinə səs verməyə çağırıb.
Görüşdə Şıxlar kənd sakinləri adından çıxış edən Qüdrət Əmirov, Şərəfxan Əhmədov və digərləri Prezident İlham Əliyevin apardığı daxili və xarici siyasəti dəstəklədiklərini qeyd ediblər, bir seçici kimi özlərinin, eləcə də kənd sakinlərinin YAP-ın namizədi olan Nəriman Əliyevə səs verəcəklərini söyləyiblər.
Görüşdə çıxış edən YAP-ın deputatlığa namizədi Nəriman Əliyev rayonda görülmüş quruculuq-abadlıq işləri, yeni iş yerlərinin açılması haqqında geniş və əhatəli məlumat verib. Bildirib ki, ölkə başçısının rəhbərliyi ilə reallaşdırılan uğurlu layihələr, aparılan islahatlar nəticəsində bütün ölkəmizdə olduğu kimi rayonda da böyük işlər görülüb: “Bütün bunlar Ulu öndər Heydər Əliyevin əsasını qoyduğu və bu gün Prezident İlham Əliyev tərəfindən davam etdirilən uğurlu siyasətin nəticəsidir. Bu uğurlu siyasət dövlətçiliyimizin, xalqımızın inkişafına, tərəqqisinə xidmət edir”.
Nəriman Əliyev bütün seçiciləri bu amallar uğrunda dövlətə, xalqa xidmət edən YAP-ın namizədlərinə səs verməyə çağırıb. O, seçicilərin etimadını qazanaraq millət vəkili seçiləcəyi təqdirdə onların problemlərinin, həllində yardımçı olacağını söyləyib.

Paylaş:

Baxılıb: 908 dəfə