YAP növbəti dəfə möhtəşəm qələbə qazanacaq

Bakı:

19 °C

72 %

9 m/s

Əlaqə

AZ RU EN

Ana səhifə / YAP xəbərləri / YAP növbəti dəfə möhtəşəm qələbə qazanacaq

YAP növbəti dəfə möhtəşəm qələbə qazanacaq

17.10.2015 [13:27]

Yeni Azərbaycan Partiyası tərəfindən 97 saylı Goranboy-Ağdam-Tərtər Seçki Dairəsindən namizədliyi irəli sürülmüş Ağalar Vəliyevin Goranboy rayonunun Xanqarvənd kəndində seçicilərlə görüşü keçirilib
Noyabrın 1-də ölkəmizdə keçiriləcək parlament seçkilərinin təbliğat-təşviqat mərhələsi davam edir. Qatıldığı bütün seçkilərdə parlaq qələbələr qazanan və ümumxalq partiyası kimi xarakterizə edilən Yeni Azərbaycan Partiyası (YAP) təbliğat-təşviqat kampaniyasını uğurla həyata keçirir.
Kampaniya çərçivəsində YAP tərəfindən 97 saylı Goranboy-Ağdam-Tərtər Seçki Dairəsindən namizədliyi irəli sürülmüş Ağalar Vəliyevin Goranboy rayonunun Xanqarvənd kəndində seçicilərlə görüşü keçirilib.
Görüşü giriş sözü ilə açan YAP Goranboy rayon təşkilatının sədri Elçin İsmayılov qeyd edib ki, Yeni Azərbaycan Partiyası növbəti seçkilərə də mütləq qələbə hədəfi ilə gedir. O, Yeni Azərbaycan Partiyasının yüksək nüfuza sahib olduğunu bildirib. Təşkilat sədrinin sözlərinə görə, cəmiyyətin yüksək etimadı və dəstəyi sayəsində Yeni Azərbaycan Partiyası qatıldığı bütün seçkilərdə parlaq qələbələr qazanıb: “Azərbaycan sürətli və sabit inkişaf tempi ilə qlobal miqyasda nümunə kimi çıxış edir. Heç şübhəsiz, bu inkişafda Yeni Azərbaycan Partiyasının özünəməxsus rolu var. Ona görə də seçiciləri parlament seçkilərində layiqli şəxslərə - Yeni Azərbaycan Partiyasının namizədlərinə səs verməyə çağırıram”.
“YAP yarandığı andan etibarən ictimai-siyasi müstəvidə ciddi nailiyyətlər əldə edib, qatıldığı bütün seçkiləri parlaq qələbələrlə başa vurub. Əminliklə deyə bilərəm ki, növbəti seçkilər də partiyamızın tarixinin şanlı səhifələrindən biri olacaq”, - deyə o bildirib.
Daha sonra namizədin vəkilləri Şahin Allahverdiyev və Məzahir Zeynalov Ağalar Vəliyevin deputatlığı dövründə Qaradağ rayonunda gördüyü işlər barədə seçicilərə geniş məlumat veriblər. Diqqətə çatdırılıb ki, Ağalar Vəliyev IV çağırış Milli Məclisin İqtisadi siyasət komitəsinin, Avstriya, Belarus, Türkiyə parlamentləri ilə əlaqələr üzrə işçi qruplarının, ATƏT-in Parlament Assambleyasında Azərbaycan nümayəndə heyətinin üzvü olub və Azərbaycan-Slovenya parlamentlərarası əlaqələr üzrə işçi qrupuna rəhbərlik edib. Bildirilib ki, Azərbaycan Respublikasının Prezidenti İlham Əliyevin 9 aprel 2010-cu il tarixli Sərəncamı ilə Ağalar Vəliyev “Əməkdar mühəndis” fəxri adına layiq görülüb və dövlət başçısının 10 aprel 2012-ci il tarixli Fərmanı ilə “Şöhrət” ordeni ilə təltif olunub.
Ağalar Vəliyev isə Qaradağ rayonunda deputatlığı dövründə gördüyü işlər barədə seçicilərə geniş məlumat verib: “Milli Məclisdə aktiv fəaliyyətlə yanaşı, təmsil etdiyim Qaradağ rayonunda aparılan quruculuq işinə mühüm töhfələr vermişəm. Bu xidmətlərimi və xeyriyyəçilik işini seçildikdən sonra 97 saylı Goranboy-Ağdam-Tərtər dairəsinin əhatə etdiyi kənd və qəsəbələrdə davam etdirəcəyəm. Seçicilər mənə etimad göstərsələr, öz fəaliyyətimlə bu etimadı doğruldacağam”.
Görüşlərdə çıxış edən seçicilər - Talıb Bəylərov, Nargilə Hüseynova, Rasim Əliyev və başqaları seçimlərini YAP-ın namizədinin lehinə edəcəklərini, Ağalar Vəliyevə səs verəcəklərini söyləyiblər.
Onlar əmin olduqlarını bildiriblər ki, YAP növbəti dəfə möhtəşəm qələbə qazanacaq.
NURLAN

Paylaş:

Baxılıb: 762 dəfə