YAP Gədəbəy rayon təşkilatının Seçki Qərargahı toplantı keçirib

Bakı:

18 °C

77 %

1 m/s

Əlaqə

AZ RU EN

Ana səhifə / YAP xəbərləri / YAP Gədəbəy rayon təşkilatının Seçki Qərargahı toplantı keçirib

YAP Gədəbəy rayon təşkilatının Seçki Qərargahı toplantı keçirib

27.08.2015 [10:00]

Rüstəm Nağıyev: YAP bu seçkilərə də yüksək səviyyədə hazırlaşır
“Ölkəmizdə keçiriləcək növbəti parlament seçkiləri yaxınlaşdıqca seçki prosesi ilə bağlı fəaliyyətlər daha da aktivləşməkdədir. Öz növbəsində, müstəqil Azərbaycanda keçirilən bütün seçkilərdə qətiyyətli qələbə əldə etmiş Yeni Azərbaycan Partiyası (YAP) noyabrda keçiriləcək parlament seçkilərinə də yüksək səviyyədə hazırlaşır”. Bunu YAP Gədəbəy rayon təşkilatının və rayon təşkilatı Seçki Qərargahının sədri Rüstəm Nağıyev deyib.
Onun sözlərinə görə, YAP Gədəbəy rayon təşkilatının Seçki Qərargahı da seçki prosesinə ciddi şəkildə hazırlaşır. Vurğulamaq lazımdır ki, Gədəbəy rayonunun inzibati ərazisi üzrə 2 Dairə Seçki Komissiyası fəaliyyət göstərir. 41500 nəfər seçicisi olan 103 saylı Gədəbəy Seçki Dairəsi 43 seçki məntəqəsini, 20980 nəfər seçicisi olan 104 saylı Gədəbəy-Tovuz Seçki Dairəsi 23 seçki məntəqəsini özündə birləşdirir. YAP Gədəbəy rayon təşkilatının 80 ərazi ilk partiya təşkilatı üzrə 5780 nəfər üzvü var. Qarşıdan gələn parlament seçkilərinin mütəşəkkil və şəffaf keçirilməsi ilə bağlı 17 nəfərdən ibarət YAP Gədəbəy rayon təşkilatının Seçki Qərargahı yaradılıb.
Bu arada partiya rayon təşkilatının Seçki Qərargahının toplantısı keçirilib. YAP Gədəbəy rayon təşkilatının və rayon təşkilatı Seçki Qərargahının sədri Rüstəm Nağıyev iclasda ölkəmizdə keçiriləcək parlament seçkiləri ilə bağlı məlumat verib. O, YAP Gədəbəy rayon təşkilatının da bu siyasi prosesdə aktiv iştirak edəcəyini deyib. Rüstəm Nağıyevin sözlərinə görə, bütün seçkilərdə ölkəmizin inkişafını özündə ehtiva edən siyasi kurs üzrə fəaliyyət nümayiş etdirən YAP bu dəfə də seçkilərdə qalib gələcək.
Rayon təşkilatının Seçki Qərargahının üzvü Alim Verdiyev seçki prosesinin birinci mərhələsində namizədliyi irəli sürülən şəxslərin imzatoplama kampaniyasının keçiriləcəyini deyib. Onun sözlərinə görə, partiya üzvü olan gənclər seçki prosesinə hazırdırlar.
YAP Gədəbəy rayon təşkilatının Seçki Qərargahının üzvü İlahə Məmmədova isə müşahidəçi və məşvərətçi səs hüquqlu komissiya üzvlərinin müəyyənləşdiyini və onlarla mütəmadi görüşlərin keçirildiyini diqqətə çatdırıb. Onun sözlərinə görə, YAP Gədəbəy rayon təşkilatı partiyamızın qələbəsinin təmin edilməsi üçün bütün gücünü səfərbər edib.
Rayon təşkilatının Seçki Qərargahının üzvü Eşqin Rüstəmov bildirib ki, YAP Gədəbəy rayon təşkilatının Seçki Qərargahı qarşıdan gələn seçki prosesinə tam hazırdır. İmza toplayacaq, təbliğat prosesində iştirak edəcək mobil qruplar artıq hazırlanıb və onlara treninqlər keçirilir. E.Rüstəmov YAP-ın bu seçkilərdə də uğurlu qələbə əldə edəcəyinə inamını ifadə edib.
Pərviz

Paylaş:

Baxılıb: 989 dəfə