YAP Tərtər rayon təşkilatı Seçki Qərargahının növbəti iclası olub

Bakı:

10 °C

93 %

6 m/s

Əlaqə

AZ RU EN

Ana səhifə / YAP xəbərləri / YAP Tərtər rayon təşkilatı Seçki Qərargahının növbəti iclası olub

YAP Tərtər rayon təşkilatı Seçki Qərargahının növbəti iclası olub

26.08.2015 [10:07]

Ramiz Şabanov: Əminik ki, ümumxalq partiyası olan YAP növbəti parlament seçkilərində də parlaq qələbə qazanacaq
“Məlum olduğu kimi, avqustun 22-də Yeni Azərbaycan Partiyasının (YAP) Sədr müavini - İcra katibi, Baş nazirin müavini Əli Əhmədovun rəhbərliyi ilə YAP Mərkəzi Seçki Qərargahının Yevlax şəhərində partiyanın Mingəçevir şəhər və Bərdə, Ağcabədi, Goranboy, Tərtər, Yevlax, Ağdam, Xocalı, Laçın rayon şöbələrinin qarşıdan gələn parlament seçkilərinə hazırlıq işləri ilə əlaqədar müşavirəsi keçirilib. Parlament seçkiləri kampaniyasına hazırlıqla bağlı məsələlərin müzakirə edildiyi həmin müşavirədə seçki kampaniyasının yüksək səviyyədə keçirilməsi üçün tövsiyə və tapşırıqlar verilib. YAP Tərtər rayon təşkilatı da öz fəaliyyətini İcra Katibliyinin tövsiyə və tapşırıqları əsasında qurub”.
Bunu Yeni Azərbaycan Partiyası Tərtər rayon təşkilatının və rayon təşkilatının Seçki Qərargahının sədri Ramiz Şabanov qərargahın avqustun 24-də keçirilən növbəti iclasında bildirib. Onun sözlərinə görə, noyabrda keçiriləcək parlament seçkiləri ilə əlaqədar YAP Tərtər rayon təşkilatında 11 nəfərdən ibarət Seçki Qərargahı yaradılıb: “Seçki Qərargahının ilk iclasında isə hər bir məntəqədə fəaliyyət göstərəcək məşvərətçi səs hüquqlu üzvlər və müşahidəçilər təyin edilib, eləcə də, təbliğat kampaniyasında iştirak edəcək fəalların tərkibi müəyyənləşdirilib”.
Seçkilərə hazırlığın yüksək səviyyədə keçdiyini deyən Ramiz Şabanov onu da əlavə edib ki, YAP Tərtər rayon təşkilatının Seçki Qərargahının üzvləri arasında iş bölgüsü və üç mərhələdən ibarət Fəaliyyət Proqramı hazırlanaraq təsdiq edilib, həmçinin, 10 nəfərdən ibarət imza toplayanlar müəyyənləşdirilib: “Eyni zamanda, Seçki Qərargahının üzvlərinə treninq keçirilib, hər bir qərargah üzvünün görəcəyi işlər konkretləşdirilib. YAP Tərtər rayon təşkilatı növbəti parlament seçkilərində YAP-ın namizədlərinin layiqli qələbə qazanması üçün bütün zəruri tədbirlərin vaxtında həyata keçirilməsini təmin edəcək”.
“Əminik ki, ümumxalq partiyası olan YAP növbəti parlament seçkilərində də parlaq qələbə qazanacaq”, - deyən Ramiz Şabanov onu da əlavə edib ki, Tərtər rayonu üzrə 2 Seçki Dairəsi mövcuddur: 95 saylı Tərtər və 97 saylı Goranboy-Tərtər-Ağdam Seçki Dairəsi: “Ümumilikdə rayon üzrə seçkilərdə 40707 nəfər, o cümlədən, 95 saylı Seçki Dairəsi üzrə 37538 nəfər, 97 saylı dairə üzrə isə 3169 nəfər seçici qeydiyyatdadır”.
İclasda, həmçinin, qərargah üzvlərindən K.Məmmədov, G.Əhmədova, Z.İbrahimov və başqaları çıxış ediblər. Çıxışçılar parlament seçkilərində partiyamızın layiqli qələbəsinin əldə olunması üçün yerinə yetirilməli olan vəzifələrin Tərtər rayonunda yüksək əhval-ruhiyyə şəraitində həyata keçiriləcəyini bildiriblər.

Paylaş:

Baxılıb: 752 dəfə