Yusif Babanlı: Açılış mərasimi necə möhtəşəm idisə, ilk Avropa Oyunlarının bağlanış mərasimi də bir o qədər əzəmətli oldu

Bakı:

29 °C

54 %

4 m/s

AZ RU EN

Ana səhifə / YAP xəbərləri / Yusif Babanlı: Açılış mərasimi necə möhtəşəm idisə, ilk Avropa Oyunlarının bağlanış mərasimi də bir o qədər əzəmətli oldu

Yusif Babanlı: Açılış mərasimi necə möhtəşəm idisə, ilk Avropa Oyunlarının bağlanış mərasimi də bir o qədər əzəmətli oldu

30.06.2015 [10:12]

“İlk Avropa Oyunlarının açılış mərasimi necə möhtəşəm idisə, onun bağlanış mərasimi də bir o qədər möhtəşəm və əzəmətli oldu.
Açılış mərasimi yaddaşlarda dərin izlər buraxdığı kimi, bağlanış mərasimi də hələ uzun illər yaddaşlardan silinməyəcək, heyranlıqla xatırlanacaq”. Bu fikirləri “Gün.Az”-a açıqlamasında Azərbaycan Dövlət Bədən Tərbiyəsi və İdman Akademiyasının prorektoru, Boks Federasiyasının İcraiyyə Komitəsinin üzvü, Yeni Azərbaycan Partiyası (YAP) Gənclər Birliyi İdarə Heyətinin üzvü Yusif Babanlı dilə gətirib. Onun dediyinə görə, belə bir möhtəşəm, son dərəcə əsrarəngiz açılış və bağlanış mərasimi ilə ancaq və ancaq fəxr etmək, qürurlanmaq olar.
“Eyni zamanda, bütün dünya gördü və bir daha əmin oldu ki, Azərbaycan dövləti və xalqı nələrə qadirdir, Azərbaycan adlı məmləkət inkişafın hansı yüksək mərhələsindədir”, - deyən Y.Babanlının sözlərinə görə, həmçinin, bütün dünya gördü və bildi ki, aylardan bəri istər ilk Avropa Oyunlarına, istərsə də bütövlükdə Azərbaycana qarşı aparılan qarayaxmalar, Avropa Parlamentinin, Almaniya Bundestaqının, “London platforması”nın təşkil etdikləri və sinxron şəkildə həyata keçirdikləri anti-Azərbaycan kampaniyası böhtandan, qərəzdən, ikili standartlardan başqa bir şey deyilmiş: “Bütün dünya həm də gördü və özü üçün yəqin etdi ki, cəmi bir neçə il öncə Ermənistanın Azərbaycan torpaqlarını işğal etdiyini öz qətnaməsində əks etdirən, ancaq anti-Azərbaycan kampaniyası “xoru”nda yer alaraq Oyunların gedişatında anti-Azərbaycan ovqatlı qətnamə qəbul edən Avropa Şurası Parlament Assambleyası nə qədər gülünc və zavallı bir vəziyyətdəymiş.
Həmin günlərdə Ermənistanda cinayətkar xuntanın öz xalqına divan tutmasını görməzlikdən gələn, özünü digər beynəlxalq qurumlar kimi korluğa, karlığa, lallığa vuran Avropa Şurası Parlament Assambleyası, xüsusilə, Qross kimiləri Ermənistanı cəzalandırmaq, Sarkisyan hakimiyyətini xalqına qarşı etdiyi antiinsani davranışlara görə məşhər ayağına çəkmək əvəzinə Azərbaycanla bağlı sənəd qəbul edərək, işğal altındakı Dağlıq Qarabağa bitişik 7 rayonun adı olan ifadəni oradan çıxarmış və bir daha anti-Azərbaycan, ermənipərəst dairələrin əlində alət olduğunu sübut etmiş, öz iç üzünü çılpağlığı ilə ortaya qoymuş oldu.
Amma bütün dünya gördü və bir daha görməlidir ki, nə Qrosslar, nə Merkellər, nə Şultslar, nə Lunaçeklər, nə AŞ PA-dakı, nə Avropa Parlamentindəki, nə də Bundestaqdakı digərləri bu cür davranışları, açıq-aşkar qərəzli və ədalətsiz addımları ilə heç nəyə nail ola bilməyəcəklər. Onların Azərbaycanı təzyiqlər yolu ilə öz yolundan döndərməsi, Ermənistanı isə düşdüyü bu xaos və çöküş girdabından xilas etmək istəkləri mümkün olmayacaq. Bu yöndəki bütün cəhdləri fiaskoya uğrayacaq. Nə qədər çox təzyiq göstərsələr, Azərbaycan bir o qədər güclü və möhkəm olacaq, həmçinin, nə qədər xilas cəhdlərində bulunsalar da Ermənistanı inkişafa, tərəqqiyə, sabitliyə qovuşdura bilməyəcəklər. Ermənistanın çöküşü daha sürətli və daha dönməz xarakter alacaq”.
Y.Babanlının fikrincə, Azərbaycan dövləti ölkə Prezidenti İlham Əliyevin rəhbərliyi ilə hələ çox uğurlara, zəfərlərə imza atacaq: “Azərbaycan bundan sonra da hələ bir çox idman, musiqi yarışmalarına, beynəlxalq toplantılara uğurlu və yüksək səviyyəli ev sahibliyi edəcək”.

Paylaş:

Baxılıb: 1088 dəfə