Yeni Azərbaycan Partiyası Azərbaycanın müasir tarixində böyük bir fenomendir

Bakı:

23 °C

53 %

9 m/s

Əlaqə

AZ RU EN

Ana səhifə / YAP xəbərləri / Yeni Azərbaycan Partiyası Azərbaycanın müasir tarixində böyük bir fenomendir

Yeni Azərbaycan Partiyası Azərbaycanın müasir tarixində böyük bir fenomendir

27.05.2015 [09:28]

YAP Yasamal rayon təşkilatı “Neftqazelmitədqiqatlayihə” İnstitutu ərazi ilk partiya təşkilatının toplantısı keçirilib
Dünən YAP Yasamal rayon təşkilatı “Neftqazelmitədqiqatlayihə” İnstitutu ərazi ilk partiya təşkilatının toplantısı keçirilib. Toplantını giriş sözü ilə açan YAP Yasamal rayon təşkilatı “Neftqazelmitədqiqatlayihə” İnstitutu ərazi ilk partiya təşkilatı İdarə Heyətinin üzvü, İnstitutun direktoru Fəxrəddin İsmayılov toplantının tariximizin əlamətdar hadisələrindən olan Azərbaycan Xalq Cümhuriyyətinin yaranmasının 97-ci ildönümünə təsadüf etdiyini bildirərək, deyib ki, tariximizin şərəfli günü kimi qeyd olunan bu əlamətdar tarix respublikamızın hər bir guşəsində xalqımız tərəfindən yüksək əhval-ruhiyyə ilə qeyd edilir.
F.İsmayılov 1991-ci ilin 18 oktyabrında dövlət müstəqilliyini yenidən bərpa edən Azərbaycanın 1993-cü ildən sonrakı dövrdə əldə etdiyi uğurlardan danışıb. Onun sözlərinə görə, Ulu öndər Heydər Əliyevin ideyaları Azərbaycanın dünəninin, bugününün və gələcəyinin təminatçısıdır.
YAP Yasamal rayon təşkilatı “Neftqazelmitədqiqatlayihə” İnstitutu ərazi ilk partiya təşkilatının sədri Xıdır İbrahimov hesabat dövrü ərzində görülən işlər barədə ətraflı məlumat verərək bildirib ki, hazırda təşkilatın 349 nəfər üzvü var. Üzv olmaq üçün müraciət edənlərin sayı artır. Təbii ki, bu, Yeni Azərbaycan Partiyasının siyasətinə sadiqlikdən, gələcəyinə inamdan irəli gəlir.
YAP Yasamal rayon təşkilatı sədrinin müavini Tağı Əhmədov çıxışında Azərbaycanın keçdiyi inkişaf yolundan geniş bəhs edərək, bu uğurların təməlində düzgün qurulan siyasətin dayandığını bildirib. Hazırda bütün dünyanın diqqətini ölkəmizə yönəldən mühüm tədbirin-birinci Avropa Oyunlarının Azərbaycanda keçirilməsi də Ulu öndər Heydər Əliyev siyasətinin təntənəsidir.
YAP Siyasi Şurasının üzvü, “İki sahil” qəzetinin baş redaktoru Vüqar Rəhimzadə deyib ki, son 11 ildə əsası Ulu öndərimiz Heydər Əliyev tərəfindən qoyulan siyasətin Prezident İlham Əliyev tərəfindən uğurla davam etdirilməsinin nəticəsidir ki, hazırda Azərbaycan ən yüksək zirvələri fəth edir, beynəlxalq əhəmiyyətli tədbirlər üçün əsas məkan seçilir, biri-birindən əhəmiyyətli uğurları ilə beynəlxalq münasibətlər sistemində yerini və rolunu möhkəmləndirir. Ölkəmizin birinci Avropa Oyunlarına ev sahibliyi etməsi də artan nüfuzunun, siyasi çəkisinin göstəricisidir.
YAP Yasamal rayon təşkilatı “Neftqazelmitədqiqatlayihə” İnstitutu ərazi ilk partiya təşkilatının hesabat dövrü ərzində gördüyü işlər qənaətbəxş dəyərləndirilib. Sonra təşkilati məsələlərə baxılıb. 17 nəfərdən ibarət İdarə Heyətinin tərkibi təsdiqlənib. Xıdır İbrahimov yenidən YAP Yasamal rayon təşkilatı “Neftqazelmitədqiqatlayihə” İnstitutu ərazi ilk partiya təşkilatının sədri, Knyaz İbrahimov sədr müavini seçiliblər. Həmçinin YAP Yasamal rayon təşkilatının X konfransına 9 nümayəndə seçilib.

Paylaş:

Baxılıb: 864 dəfə