Şəmkirdə Ulu öndər Heydər Əliyevin anadan olmasının 92-ci ildönümünə həsr olunmuş silsilə tədbirlər keçirilir

Bakı:

24 °C

88 %

3 m/s

AZ RU EN

Ana səhifə / YAP xəbərləri / Şəmkirdə Ulu öndər Heydər Əliyevin anadan olmasının 92-ci ildönümünə həsr olunmuş silsilə tədbirlər keçirilir

Şəmkirdə Ulu öndər Heydər Əliyevin anadan olmasının 92-ci ildönümünə həsr olunmuş silsilə tədbirlər keçirilir

01.05.2015 [09:35]

Şəmkir rayonunda Ümummilli lider Heydər Əliyevin anadan olmasının 92-ci ildönümünə həsr olunmuş silsilə tədbirlər keçirilir. Bu istiqamətdə növbəti tədbir aprelin 29-da baş tutub. Belə ki, Yeni Azərbaycan Partiyası (YAP) Şəmkir rayon təşkilatının təşəbbüsü ilə Ümummilli lider Heydər Əliyevin Şəmkirə səfəri zamanı Onunla görüşən Şəmkir ziyalılarının YAP-ın fəal gəncləri ilə görüşü keçirilib.
YAP Şəmkir rayon təşkilatının sədri Fəxrəddin Vəliyev tədbiri giriş sözü ilə açaraq deyib ki, Ulu öndər Heydər Əliyev 1969-cu ildə respublikamıza rəhbər təyin olunanda Azərbaycan keçmiş sovetlər birliyində ən geridə qalan, aqrar bir respublika idi. Qısa bir vaxt ərzində Ulu öndər Heydər Əliyev Azərbaycanda kənd təsərrüfatı ilə yanaşı, iqtisadiyyatın, sənayenin inkişafına da nail oldu. F.Vəliyev qeyd edib ki, 1993-cü ildə xalqın təkidli tələbi ilə Ulu öndərimiz 2-ci dəfə Azərbaycana rəhbərliyə gələndə ölkəmiz vətəndaş müharibəsi həddində idi. Belə bir şəraitdə Ulu öndərimiz Azərbaycan dövlətçiliyini xilas etdi: “Ulu öndər Heydər Əliyevin qətiyyəti, möhkəm iradəsi və düzgün siyasəti nəticəsində Azərbaycanın müstəqilliyi qorunmaqla yanaşı, eyni zamanda, möhkəmləndi, inkişaf etdi, əbədilik qazandı. Biz bütün bunlara görə yalnız Ulu öndərimizə borcluyuq”.
Şəmkir rayon Ağsaqqallar Şurasının üzvü İsmayıl Süleymanov çıxış edərək deyib ki, Ulu öndər Heydər Əliyev xalqımızın və dövlətimizin taleyüklü həlledici çətin anlarında bütün məsuliyyəti həmişə Öz üzərinə götürüb: “Bu gün Azərbaycan dünya siyasətində strateji əhəmiyyəti olan bir ölkədir və bu nüfuz getdikcə artır. İndi Heydər Əliyevin siyasəti Azərbaycan Prezidenti İlham Əliyev tərəfindən çox böyük uğurla davam etdirilir”.
Çıxış edən Şəmkir rayonu Düyərli kənd İƏD-si üzrə nümayəndə, YAP Şəmkir rayon Qadınlar Şurası İdarə Heyətinin üzvü Aybəniz Nəsibova, Şəmkir rayon Təhsil şöbəsinin müdiri, YAP Şəmkir rayon təşkilatının sədr müavini Məcid Şıxlinski, YAP Şəmkir rayon Qadınlar Şurasının sədri Nüşabə Seyidova, Şəmkir rayon Ağsaqqallar Şurasının üzvü Qafar Vəliyev, Şəmkir rayon Gənclər və İdman İdarəsinin baş məsləhətçisi, YAP Şəmkir rayon Gənclər Birliyinin sədr müavini Vüsal Rzayev və digərləri Ulu öndərin Şəmkirə səfərindən geniş bəhs ediblər. Həmçinin, bildirilib ki, Ümummilli lider Heydər Əliyevin Azərbaycan xalqı qarşısında göstərdiyi misilsiz xidmətlərini Azərbaycan xalqı unutmayıb və hər il keçirilən, xalqımızın böyük hörmətini və məhəbbətini ifadə edən bu tədbirlər vətəndaşların Ulu öndər Heydər Əliyevin xalqımızın qarşısındakı misilsiz, böyük, möhtəşəm xidmətlərinə verdiyi qiymətdir.

Paylaş:

Baxılıb: 996 dəfə