Yeni Azərbaycan Partiyası gənclərin potensialından səmərəli istifadə olunmasına xüsusi diqqət yetirir

Bakı:

15 °C

82 %

3 m/s

AZ RU EN

Ana səhifə / YAP xəbərləri / Yeni Azərbaycan Partiyası gənclərin potensialından səmərəli istifadə olunmasına xüsusi diqqət yetirir

Yeni Azərbaycan Partiyası gənclərin potensialından səmərəli istifadə olunmasına xüsusi diqqət yetirir

14.03.2015 [10:49]

YAP Qusar rayon təşkilatı Gənclər Birliyinin IV konfransı keçirilib
Dünən Yeni Azərbaycan Partiyası (YAP) Qusar rayon təşkilatı Gənclər Birliyinin IV konfransı keçirilib. Konfrans iştirakçıları öncə Ulu öndər Heydər Əliyevin abidəsi önünə gül dəstələri düzərək, xatirəsini ehtiramla yad ediblər.
YAP Qusar rayon təşkilatının sədri, partiyanın Siyasi Şurasının üzvü David İbramxəlilov ölkəmizdə həyata keçirilən uğurlu dövlət gənclər siyasətindən danışıb. Yeni Azərbaycan Partiyasının gənclərə xüsusi diqqət və qayğı göstərdiyini deyən D.İbramxəlilov YAP Gənclər Birliyinin fəaliyyətindən, qazandığı nailiyyətlərdən də bəhs edib.
Hesabat məruzəsi ilə çıxış edən YAP Qusar rayon təşkilatı Gənclər Birliyinin sədri Zeynal Əskərov hesabat dövründə rayonda gənclərin davamlı inkişafı üçün görülən işlərdən, YAP Qusar rayon təşkilatının həyata keçirdiyi tədbirlərdən söz açıb. Vurğulanıb ki, YAP Qusar rayon təşkilatının üzvü olan gənclər ölkəmizin və rayonun ictimai-siyasi həyatında fəallıq göstərirlər. Bunun nəticəsidir ki, YAP Qusar rayon təşkilatı Gənclər Birliyinin üzvləri ötən ilin sonunda keçirilən bələdiyyə seçkilərində uğurla iştirak ediblər.
Sonra şəhər 4 saylı orta məktəbin müəllimi Günel Hacıyeva, rayon İcra Hakimiyyəti başçısı Aparatının aparıcı məsləhətçisi Vadim Fərzəliyev, Qusar rayon Heydər Əliyev Mərkəzinin əməkdaşı Mehriban Fərəməzova, Çubuqlu kənd orta məktəbinin müəllimi Şixmət Hacıqayibov çıxış edərək ölkəmizdə gənclərə göstərilən diqqət və qayğıdan danışıb, hesabat məruzəsini qənaətbəxş sayıblar.
Daha sonra təşkilati məsələlərə baxılıb. Zeynal Əskərov yenidən YAP Qusar rayon təşkilatı Gənclər Birliyinin sədri seçilib. Şənlik Məmmədov və Əlfiyyə Rüstəmova sədr müavinləri seçiliblər. Konfransda, eyni zamanda, YAP Qusar rayon təşkilatı Gənclər Birliyinin Şura üzvləri, İdarə Heyətinin tərkibi, həmçinin, YAP Gənclər Birliyinin konfransına nümayəndələr seçilib.
Konfransda çıxış edən “Yeni Azərbaycan” qəzetinin baş redaktoru Hikmət Babaoğlu, YAP Gənclər Birliyinin sədri Seymur Orucov, YAP Mərkəzi Aparatının məsul işçisi Araz Xudadanov diqqətə çatdırıblar ki, bu gün Azərbaycanda yüksək intellektual səviyyəyə, vətənpərvərlik hissinə, milli düşüncəyə malik gənclər formalaşır. Azərbaycan gəncləri gündən-günə ölkənin ictimai-siyasi həyatında daha böyük rol oynayır. YAP gənclərin fəallığına, onların potensialından səmərəli istifadə olunmasına xüsusi diqqət yetirir. Azərbaycan gəncliyinin inkişafının dövlətin diqqət mərkəzində olduğunu deyən natiqlər əlavə ediblər ki, gənclərin intellektual, fiziki və mənəvi inkişafını, ölkənin sosial-iqtisadi, ictimai-siyasi və mədəni həyatında fəal iştirakını təmin etmək məqsədi ilə Prezident İlham Əliyev tərəfindən “2015-2025-ci illərdə Azərbaycan gənclərinin İnkişaf Strategiyası”nın təsdiq edilməsi haqqında Sərəncamın imzalanması mühüm əhəmiyyət kəsb edir.
Sonda YAP sıralarına qəbul olunmuş bir qrup gəncə partiyanın üzvlük vəsiqələri təqdim olunub.

Paylaş:

Baxılıb: 996 dəfə