Azərbaycanda həyata keçirilən gənclər siyasəti milli inkişafa xidmət edir

Bakı:

28 °C

47 %

3 m/s

Əlaqə

AZ RU EN

Ana səhifə / YAP xəbərləri / Azərbaycanda həyata keçirilən gənclər siyasəti milli inkişafa xidmət edir

Azərbaycanda həyata keçirilən gənclər siyasəti milli inkişafa xidmət edir

06.03.2015 [10:00]

YAP Yevlax rayon təşkilatı Gənclər Birliyinin V konfransı keçirilib
Dünən Yeni Azərbaycan Partiyası (YAP) Yevlax rayon təşkilatı Gənclər Birliyinin V konfransı keçirilib. Tədbir iştirakçıları öncə Ulu öndər Heydər Əliyevin abidəsi önünə gül dəstələri düzərək, xatirəsini ehtiramla yad ediblər. Sonra tədbir Yevlax şəhər Şahmat məktəbinin konfrans zalında davam etdirilib.
Konfransı YAP Yevlax rayon təşkilatının sədri, millət vəkili İlham Məmmədov açaraq bildirib ki, yaradıcısı Ümummilli lider Heydər Əliyev olan Yeni Azərbaycan Partiyası zamanın çətin sınaqlarından şərəflə çıxaraq böyük siyasi qüvvəyə çevrilib. Natiq deyib ki, Yeni Azərbaycan Partiyası Azərbaycan siyasi sisteminin aparıcı qüvvəsi kimi çıxış edir.
Hesab məruzəsi ilə çıxış edən YAP Yevlax rayon təşkilatı Gənclər Birliyinin sədri Ariz Mikayılov təşkilatın ötən konfransından keçən dövr ərzindəki fəaliyyəti barədə geniş məlumat verib. Qeyd edilib ki, Azərbaycan dövləti gəncliyin inkişafına xüsusi diqqət və qayğı göstərir: “YAP Yevlax rayon təşkilatının sıralarında 8209 nəfər üzv birləşib ki, onlardan 2121 nəfərini gənclər təşkil edir”.
Öz növbəsində, Türkan Əliyeva, Seymur Novruzov və başqaları çıxış edərək Azərbaycanda həyata keçirilən gənclər siyasətinin inkişafa xidmət etdiyini, əldə edilən nailiyyətlərin davamlı xarakter daşıdığını diqqətə çatdırıblar.
Sonra, YAP Yevlax rayon təşkilatı Qadınlar Şurasının sədri Əminə Əhmədova, YAP Mərkəzi Aparatının məsul işçisi Araz Xudadanov və Yeni Azərbaycan Partiyası Gənclər Birliyinin sədri, partiyanın Siyasi Şurasının üzvü Seymur Orucov çıxış ediblər. Natiqlər Azərbaycan dövlətinin gənclərə göstərdiyi diqqət və qayğıdan, Ulu öndər Heydər Əliyevin təməlini qoyduğu dövlət gənclər siyasətinin Prezident İlham Əliyev tərəfindən uğurla davam etdirilməsindən, ölkəmizin sosial-iqtisadi, ictimai-mədəni, eləcə də, idman həyatında gənclərin rolundan danışıblar. Qeyd edilib ki, YAP, o cümlədən, partiyanın Gənclər Birliyi gənclərin fəallığına, onların potensialından səmərəli istifadə olunmasına xüsusi diqqət yetirir. Mütəmadi surətdə təkmilləşdirilən gənclər siyasəti gənc nəslin ictimai-siyasi həyatdakı rolunun artmasına, ölkənin aparıcı qüvvəsinə çevrilməsinə, bütövlükdə, kreativ gəncliyin formalaşmasına şərait yaradıb.
Sonda YAP Yevlax rayon təşkilatının 27 nəfər Şura, 11 nəfər İdarə Heyətindən ibarət yeni tərkibi seçilib. Ariz Mikayılov yenidən YAP Yevlax rayon təşkilatı Gənclər Birliyinin sədri, Afaq Bayramova və Namiq Əliyev isə sədr müavinləri seçiliblər. Eyni zamanda, YAP Gənclər Birliyinin respublika konfransına 3 nəfər nümayəndə seçilib.

Paylaş:

Baxılıb: 970 dəfə