Gənclərin inkişafı üçün mühüm addımlar atılır

Bakı:

27 °C

54 %

5 m/s

Əlaqə

AZ RU EN

Ana səhifə / YAP xəbərləri / Gənclərin inkişafı üçün mühüm addımlar atılır

Gənclərin inkişafı üçün mühüm addımlar atılır

05.03.2015 [09:51]

YAP Neftçala rayon təşkilatı Gənclər Birliyinin IV konfransı keçirilib
Yeni Azərbaycan Partiyası (YAP) Neftçala rayon təşkilatı Gənclər Birliyinin IV konfransı keçirilib. Konfransda YAP İdarə Heyətinin üzvü Kərim Kərimov, “Səs” qəzetinin baş redaktoru Bəhruz Quliyev, YAP Mərkəzi Aparatının məsul işçisi Ramil Mirzəyev, YAP Gənclər Birliyinin məsul işçisi Ümüd Abuzərli iştirak ediblər.
Neftçala şəhəri Heydər Əliyev Mərkəzində keçirilən tədbirdə çıxış edən YAP Neftçala rayon təşkilatının sədri Anar Cəfərov ölkəmizdə gənclərə göstərilən diqqət və qayğıdan söz açıb. Bildirilib ki, Ulu öndərimiz Heydər Əliyevin əsasını qoyduğu və Prezident İlham Əliyev tərəfindən uğurla davam və inkişaf etdirilən dövlət siyasəti nəticəsində gənclərimizin intellektual inkişafı, milli vətənpərvərliyin aşılanması istiqamətində mühüm nailiyyətlər əldə olunub. Vurğulanıb ki, “2015-2025-ci illərdə Azərbaycan gənclərinin İnkişaf Strategiyası”nın təsdiq edilməsi barədə ölkə Prezidentinin Sərəncamı bu fəaliyyətin uğurlu davamı sayılır.
Daha sonra hesabat məruzəsi ilə çıxış edən YAP Neftçala rayon təşkilatı Gənclər Birliyinin sədri Vurğun Əkbərov bildirib ki, YAP Neftçala rayon təşkilatının gənc üzvləri hər zaman milli maraqlarımızın qorunması, dövlətçiliyimizin inkişafı yönündə uğurla fəaliyyət göstərirlər. Qeyd edilib ki, YAP Neftçala rayon təşkilatının 4299 nəfər üzvünün 1770 nəfəri gənclərdir.
Çıxış edən YAP Neftçala rayon təşkilatı Gənclər Birliyinin üzvləri Gövhər Nağıyeva və Ülvi Fərzəliyev hesabat məruzəsini qənaətbəxş hesab ediblər.
Daha sonra, YAP Neftçala rayon təşkilatının Gənclər Birliyinin Şurasının və İdarə Heyətinin yeni tərkibi seçilib. Ülvi Fərzəliyev YAP Neftçala rayon təşkilatının Gənclər Birliyinin sədri, Əli Məmmədzadə və Gövhər Nağıyeva sədr müavinləri seçiliblər. YAP Gənclər Birliyinin respublika konfransına da nümayəndələr seçilib.
Tədbirdə çıxış edən YAP İdarə heyətinin üzvü Kərim Kərimov, “Səs” qəzetinin baş redaktoru Bəhruz Quliyev, YAP Mərkəzi Aparatının məsul işçisi Ramil Mirzəyev, YAP Gənclər Birliyinin məsul işçisi Ümüd Abuzərli və Neftçala rayonu Heydər Əliyev Mərkəzinin direktoru Ruhəngiz Nəcəfova vurğulayıblar ki, Yeni Azərbaycan Partiyasının üzvü olan gənclər hər zaman ölkədə gedən proseslərin önündə yer alıblar. Natiqlər, həmçinin, ölkə Prezidenti, Yeni Azərbaycan Partiyasının Sədri İlham Əliyevin gənclərə diqqət və qayğısını xüsusi qeyd edərək respublikamızda yaradılan siyasi sabitlik, iqtisadi inkişaf nəticəsində əldə olunmuş nailiyyətlərin məhz dövlət başçısının səmərəli və yorulmaz fəaliyyəti sayəsində mümkün olduğunu diqqətə çatdırıblar.
Pərviz SADAYOĞLU

Paylaş:

Baxılıb: 1061 dəfə