YAP Bərdə rayon təşkilatı “Çörək ASC” ərazi ilk partiya təşkilatında hesabat yığıncağı keçirilib

Bakı:

26 °C

46 %

6 m/s

AZ RU EN

Ana səhifə / YAP xəbərləri / YAP Bərdə rayon təşkilatı “Çörək ASC” ərazi ilk partiya təşkilatında hesabat yığıncağı keçirilib

YAP Bərdə rayon təşkilatı “Çörək ASC” ərazi ilk partiya təşkilatında hesabat yığıncağı keçirilib

24.01.2015 [09:24]

Yanvarın 22-də Yeni Azərbaycan Partiyasının (YAP) Bərdə rayon təşkilatı “Çörək ASC” ərazi ilk partiya təşkilatında hesabat yığıncağı keçirilib. Yığıncaqda ötən ilin 23 dekabrında keçirilmiş bələdiyyə seçkilərinin yekunları müzakirə olunub, eləcə də, 2015-ci ildə qarşıda duran vəzifələrdən bəhs edilib. YAP Bərdə rayon təşkilatı “Çörək ASC” ərazi ilk partiya təşkilatının sədri Məhərrəm Şəfiyev rəhbərlik etdiyi təşkilatın ötən il ərzindəki fəaliyyəti ilə bağlı geniş məlumat verib. M.Şəfiyev bildirib ki, Yeni Azərbaycan Partiyasının yarandığı gündən öz siyasi xəttinə və Ümummilli lider Heydər Əliyevin ideyalarına sadiqliyi, xalq və dövlət qarşısında xidmətləri onun cəmiyyətdəki mövqeyini daha da möhkəmləndirib, ümumxalq partiyası olduğunu təsdiqləyib. Onun sözlərinə görə, Ümummilli lider Heydər Əliyevin ideyaları əsasında fəaliyyətini davam etdirən Yeni Azərbaycan Partiyası bu gün Azərbaycan Prezidenti İlham Əliyevin Sədrliyi ilə yeni inkişaf mərhələsinə qədəm qoyub: “Yeni Azərbaycan Partiyasının fəaliyyətinin uğurlu nəticələrini göstərən faktlardan biri də budur ki, partiyamız 1993-cü ildən etibarən keçirilən bütün seçkilərdə qələbə qazanıb və özünü ümumxalq partiyası kimi təsdiq edib. Ötən il dekabrın 23-də keçirilən bələdiyyə seçkiləri bu faktı bir daha təsdiqlədi. Seçkilərdə Bərdə rayonu üzrə də YAP-ın namizədləri yüksək nəticələr qazandılar. Partiyamızın üzvləri, o cümlədən ərazi ilk partiya təşkilatımızın fəalları seçki kampaniyası dövründə fədakarlıq göstərdilər, namizədlərimizin qələbəsi uğrunda üzərlərinə düşən vəzifələri yerinə yetirdilər”.
M.Şəfiyev ötən il qazanılan uğurlarla yanaşı 2015-ci ildə qarşıda mühüm vəzifələrin dayandığını da diqqətə çatdırıb. Cari ildə ölkəmizdə parlament seçkilərinin keçiriləcəyini deyən sədr bu seçki kampaniyasında da ilk təşkilatın öz imkanlarını tam səfərbər edəcəyini vurğulayıb. Azərbaycanın dinamik inkişaf etdiyini bildirən M.Şəfiyev bu uğurun Prezident İlham Əliyevin siyasəti nəticəsində əldə olunduğunu diqqətə çatdırıb. Onun sözlərinə görə, məhz dövlət başçısının diqqət və qayğısı sayəsində bölgələrimiz, o cümlədən, Bərdə rayonu günü-gündən abadlaşır, inkişaf edir. Yerlərdə yeni müəssisələr yaradılır ki, bu da qeyri-neft sektorunun inkişafının, eləcə də yeni iş yerlərinin açılmasının göstəricidir. M.Şəfiyev “Çörək ASC”nin də öz fəaliyyətini günün tələbləri səviyyəsində qurduğunu vurğulayıb.
Yığıncaqda digər çıxış edənlərdə ötən ilin nəticələri və qarşıda duran vəzifələr barədə fikirlərini bildiriblər.
Tədbirdə YAP Bərdə rayon təşkilatının sədr müavini Şəmil Behbudov, rayon təşkilatı aparatının təlimatçıları Fuad Ağayev, Toğrul Məhərrəmov iştirak ediblər.
N.BAYRAMLI

Paylaş:

Baxılıb: 1030 dəfə