Azərbaycan cəmiyyəti növbəti dəfə YAP-ın namizədlərinə etimad göstərəcək

Bakı:

24 °C

52 %

3 m/s

Əlaqə

AZ RU EN

Ana səhifə / YAP xəbərləri / Azərbaycan cəmiyyəti növbəti dəfə YAP-ın namizədlərinə etimad göstərəcək

Azərbaycan cəmiyyəti növbəti dəfə YAP-ın namizədlərinə etimad göstərəcək

16.12.2014 [10:22]

Yeni Azərbaycan Partiyası (YAP) Goranboy rayon təşkilatında bələdiyyə seçkilərində partiyanın namizədlərinin təbliğat-təşviqat kampaniyası çərçivəsində növbəti görüş keçirilib. Görüşdə YAP İdarə Heyətinin üzvü Kərim Kərimov, YAP Mərkəzi Aparatının məsul işçisi Araz Xudadanov iştirak ediblər.
Tədbiri giriş sözü ilə açan YAP Goranboy rayon təşkilatının sədri Elçin İsmayılov bələdiyyə seçkilərinin əhəmiyyətindən bəhs edib. Rayon ərazisində aparılan təbliğat işləri ilə əlaqədar ətraflı məlumat verən E.İsmayılov bildirib ki, YAP Mərkəzi Aparatı tərəfindən verilmiş tapşırıq və tövsiyələrə uyğun olaraq təbliğat kampaniyası uğurla və çevik iş mexanizmi şəraitində davam etdirilir.
Rayon təşkilatının sədri bildirib ki, qələbələr partiyası olan YAP bu seçkilərə də üstün nüfuzunun və yüksək ictimai dəstəyin fonunda gedir: “Goranboy seçiciləri ölkəmizin gələcək inkişafı, tərəqqisi üçün seçkilərdə aktiv iştirak etməli və YAP-ın namizədlərinə səs verməlidirlər”.
Daha sonra YAP Goranboy rayon təşkilatının Aparat rəhbəri Əzra Həşimova bələdiyyələrin yerlərdə gördüyü işlərdən ətraflı danışıb. Bildirib ki, partiyamız tərəfindən irəli sürülmüş namizədlərimiz qələbə qazanaraq rayonun və yaşayış məntəqələrin rifahı naminə əllərindən gələni əsirgəməyəcəklər: “İnanıram ki, bu seçkilərdə də Azərbaycan cəmiyyəti YAP-ın namizədlərinə etimad göstərəcək”.
Rayon Ağsaqqallar Şurasının sədri Məzahir Zeynalov isə çıxışında qeyd edib ki, seçicilər qarşıdan gələn bələdiyyə seçkilərinə böyük ruh yüksəkliyi ilə gedirlər. Yeni Azərbaycan Partiyasının Sədri, Prezident İlham Əliyevin rəhbərliyi ilə həyata keçirilən siyasət nəticəsində vətəndaşlar gələcəyə nikbin baxırlar. Ona görə də, YAP bu seçkilərdə də qələbə qazanacaq.
YAP İdarə Heyətinin üzvü Kərim Kərimov isə geniş məruzə ilə çıxış edib. O deyib ki, Yeni Azərbaycan Partiyası üstün nüfuza malik olan ümumxalq partiyasıdır: “Partiyanın fəaliyyəti Azərbaycanın milli maraqlarına əsaslanır. Ona görə də bu siyasətə dəstək mənasında Goranboy seçicilərinin bu seçkilərdə də YAP-ın namizədlərinə səs verəcəklərinə inanıram”.
Kərim Kərimov YAP-ın qarşıdan gələn bələdiyyə seçkilərində gənclər və qadınlara üstünlük verdiyini vurğulayaraq diqqətə çatdırıb ki, müasir seçki texnologiyalarından səmərəli istifadə olunması, təbliğat-təşviqat kampaniyasının olduqca səmərəli həyata keçirilməsi partiyamızın üstün qələbə qazanması baxımından mühüm əhəmiyyət kəsb edir.
NURLAN

Paylaş:

Baxılıb: 934 dəfə